Yohanes 7:48 - ALLAH ANE WENW KET MEKE WAROGO WOKNINAKHIKHE WENE

⁴⁸ Nit ap Yahudi meke ninougi koktek inom, ap Farisi meke inom, aperek nen inetaiken at oba hakotdiluk hagakhunem ageikhe hisekhe lagap a? Motok dek o.

Yohanes 7:48 ပူးပေါင်းရင်းမြစ်များ

Matius 11:25

Itithogon yogeisasikhesik, o itinem, at Yesus nen Allah ebe yogokhe dogolik, “Allah nopase! Pogot agat iteerek harat o! Wene tha'bokhogonat iti, it akhuni inakla kagalek meke men, yi wene ti wene inilu meke men, inilu asunogo iluk lima'iluk nen, it inobabut yekerugi ket itago meke hakene anek, pakhogon yogeisegen iti hakla warlok apegetik nenat yogeisegen iti nen heagei wathakhe lagei, nopase,” iluk yogokhikhe.

Lukas 23:13

Nen, at Yesus wolok lagoukhama nen, at Pilatus nen, it ap Allah iteerek meke inougi koktek inom, it ap Yahudi meke koktek inom, inagarumi tha'bokhogonat inom, “Natogositni o,” iluk yogeisasikhemo wagoukhama nen,

Yohanes 12:42

Wene itithogon isikhemo holal waganek werek mekeat he, it ap koktek Yahudi meke aperek inebe doalegat, inetaiken Yesus oba hakotdisukha mekeat, it nen yigithogon hagakhe lagoukha, “It ap Farisi meke nen o sembayan egarekma nen niniki korlo lisogo ula'inaninogo,” iluk, “Ninetaiken Yesus oba hakotdogo,” iluk akhuni inil oba pakhogon ekhe lagoukha dek.

Yohanes 3:1

It akhuni Yahudi meke inoe kok ap Farisi meke inawene hago welageikhe meke ageikhe etaga Nikodemus welageikhe.

Yohanes 7:26

Meke re, ebe lakhani! Nayuk o. Ayuk degat dogolik, wene yoknisugunem, it nen wene oko yogokhidegat kamotdiliogei yi. It ap ninougi koktek yoma inakla nen, Ap yi nit akhuni tilninabuagaluk Allah nen la'isigin, iluk isikhe etnogo ebe ithiat, iluk inakla apegasik nen iliogei a?

Yohanes 7:49

Motok dek mekeat he, it akhuni doalegat yoma wene Allah nen ninasuk wakhikhe wene etnogo inokodek dogolik iliogei iti, Allah nen inoba homan 'bisekhemo werek o,” iluk yogeisasukha.

Yohanes 7:50

Itithogon yogeisasukhama, ap it meke ageikhe etaga Nikodemus, alebat hibako Yesus oba wageikhe meke etnogo nen, it men yogokhukha,

La'isasikhe 6:7

Itithogon hagakhe lagoukhama, Allah ane kok aga dogolik, akhuni o Yerusalem meke Yesus ane waganhukha meke inebe doalegat hagatlagoukha. Itithogon hagatlagunem, it ap Allah iteerek meke emenogo inebe motok doalegat nen, wene iti waganhukhasik inetaiken Yesus oba hakotdisukhaat.

1 Korintus 1:20

Akhuni agat oba yoma inakla kagalek meke iti inom, akhuni yi wene ti wene erlo inilu meke iti inom, akhuni wene oko-oko ekhe dogolik inane obatne ageikharek meke iti inom, we yugunat werek o. At Allah nen, “Akhuni inawene inakla kagoukhogon egarek meke iti, akhuni inetaiken abisake meke nen egarek hak iliogei o,” iluk isikhe dek nogo?

1 Korintus 2:8

Akhuni agat oba meke inougi koktek o yogotak ya inapma werek yoma, wene iti inilu ageidek inokodegat werek o. Inilu dogolepma, ninoe Etagapogot hogorakhorek etnogo, ebe o harokhogon meldiluk watlep degat o.