Yohanes 7:32 - ALLAH ANE WENW KET MEKE WAROGO WOKNINAKHIKHE WENE

³² Itithogon ekhe dogolik, it akhuni doalegat emenogo inane hok-hok Yesus abok isinem, it ap Farisi meke inasuk holhukhasik nen, it ap Allah iteerek inougi koktek inom nen, ap Allah ai halek therogo welageikharek meke aperek nen, Yesus ebe hakhoagaluk wene warisasukha.

Yohanes 7:32 ပူးပေါင်းရင်းမြစ်များ

Matius 12:14

Itithogon hagakhikhemo, it ap Farisi meke emenogo o silimo dukhisukhasik nen, Yesus wasuogoluk abok palhe lagoukha.

Matius 23:13

Itithogon yogeisasikhesik, it Allah ane holal waganek iteerek meke men, Farisi meke men, men yogeisasikhe, “Hit ap Allah ane holal waganek iteerek meke yi men, hit Farisi meke yi men, hinoado baga anek hano thalek dogolik hinetaiken pere meke yi re! Hit iti akhuni nopase pogot oba apma ukunogo iluk, hit nenat thu lakhe lagap yoma re! Hit hinekaerek ukigidek dogolik, it aperek ukuogoluk hagakhunem, hit nen, Ukusak dek o, iluk wene palhe lagap yoma re!

Matius 26:58

Yesus itithogon wolok laga korlek, at Petrus etnogo yabokane inoporlik huyo'bo laga lageikhesik nen, ap kok Kayafas etnogo agokutlu ukisikhesik, “Yesus nikithogon hagasugun,” iluk ileken hisagaluk, at ap kok etnogo agarumi Allah ai halek therogo welageikharek meke inom thabakhogon hurek lageikhe.

Yohanes 11:46

Itithogon hakotdisukha mekeat he, it aperek ap Farisi meke inoba lagoukhasik nen, men yogeisasukha, “At Yesus nen yigithogonat hagakhe, itithogon hagakhe,” iluk yogeisa lagoukha.

Yohanes 12:19

Itithogon dukhi agoukha iti nen, it ap Farisi meke it-it wene ekhe dogolik, “Warligi yi. Yi akhuni ti akhuni tha'bokhogonat, at oporlik motok liliogei iti nen, nit nen hagakhe lago etnogo hagakhunem, ninane kok asigin apekhe lagap a? Motok dek o,” iluk isukha.

Yohanes 18:3

Itithogon ilumo nogo nen, it ap Allah iteerek inougi koktek men, it Farisi meke men, inagarumi Allah ai therogo welageikharek meke inayoko 'biluk la'isasukhama, at Yudas nen tentara meke opaki doalek ageikhe inom wogosik, sikhe thege men, yi isagal ti isagal yibarlek men, wolok etoma lagoukha.

Yohanes 7:30

it akhuni nen Yesus ebe hakhauwogoluk hagakhukha mekeat he, at ebe hakhausak oba arat mot asi ageidek iti nen, ebe iniki hakhigidek kamotdisukha.

La'isasikhe 5:26

Itithogon yogeisekhe lageikhemo, at ap kok Allah ai halek therogo welageikhe meke etnogo agarumi inom lagoukhasik nen, it ap Yesus nen inayoko 'biluk la'isasikhe meke emenogo wogosik wagoukha. Meke re, wogosik wisuogoluk inakla nen, “Akhuni doalegat nen Yesus agarumi inirlirli waganogo nit helekit oba ninasinogo,” iluk iniki korlo lirisalok wogosik wisu inayuk nen erogat wogosik wagoukha.