Yohanes 7:30 - ALLAH ANE WENW KET MEKE WAROGO WOKNINAKHIKHE WENE

³⁰ it akhuni nen Yesus ebe hakhauwogoluk hagakhukha mekeat he, at ebe hakhausak oba arat mot asi ageidek iti nen, ebe iniki hakhigidek kamotdisukha.

Yohanes 7:30 ပူးပေါင်းရင်းမြစ်များ

Matius 12:14

Itithogon hagakhikhemo, it ap Farisi meke emenogo o silimo dukhisukhasik nen, Yesus wasuogoluk abok palhe lagoukha.

Matius 21:46

Yesus ebe hakhauwogoluk hagakhukha mekeat, akhuni inebe doalegat nen, “At Yesus iti Allah ane yoknisekherek meke o,” iluk, ekhe lagoukhama nogo nen, it inayuk nen he, thogotdisukha.

Markus 11:18

Inasuk wakhunem, it ap Allah iteerek inougi koktek inom, Allah ane holal waganek iteerek meke inom nen wene iti inasuk holhukhasik nen, Yesus wasuogoluk abok palhukha. Abok palhukha iti, Yesus nen wene yakulisugunem akhuni doalegat at ane holhukhasik hogorakhe lagoukha iti nen, at ebe inayuk atluk, wasuogoluk hagakhukha iti.

Lukas 20:19

At Yesus nen wene itithogon yogeisasikhemo nen, it ap Allah ane holal waganek iteerek meke men, it ap Allah iteerek inougi koktek emenogo men, inasuk holhukhasik nen, “Wene iti nit ninobasik oba lisogon yoknisekhe higi,” iluk hutdisukhasik itinem, at Yesus ebe hakhauwogoluk hagakhukha mekeat he, akhuni emenogo inayuk nen huk agoukha.

Lukas 22:53

Hibiku-yogokuat Allah ai halekma an hit ninom dogolik haknakhidek welagasip meke re, yogotak yi anek, o mum ite welagarek meke etnogo obatne agama nen, hit nen haknabusak tak-tak oba arat wagap yi o,” iluk yogeisasikhe.

Yohanes 10:31

it ap koktek Yahudi meke nen, helekit inikimo waganhukhasik, Yesus ebe motok wasuogoluk hagakhukha.

Yohanes 10:39

it nen, at Yesus ebe hakhauwogoluk hagakhukha mekeat, at it iniki agap warek polokhogon dukhisikhe.

Yohanes 7:19

Nen, Allah nen wene ninasuk wakhikhe wene iti, Musa nen holal waganogo wokhisasikhe dek nogo? Wokhisasikheat apigi. Meke re, ap hit meke ageikhe nen wene iti mothogon hagakhidek dogolik an nasuogoluk abok palhe lagap iti nenaluk,” iluk yogeisasikhemo,

Yohanes 7:32

Itithogon ekhe dogolik, it akhuni doalegat emenogo inane hok-hok Yesus abok isinem, it ap Farisi meke inasuk holhukhasik nen, it ap Allah iteerek inougi koktek inom nen, ap Allah ai halek therogo welageikharek meke aperek nen, Yesus ebe hakhoagaluk wene warisasukha.

Yohanes 7:6

Itithogon yogokhukhama, at Yesus nen men yogeisasikhe, “O hibiku-yogoku hit nen hagasusak meke, erlok werek meke re, an nen hagasusak oba hakok i ageidek aban werek o.

Yohanes 7:8

ageikhe men yogeisasikhe, “An hagasusak oba aban werek iti nen, pesta hagasugun iti hagakhunem yogotak yaat usagein dek o. Hit anek usekhe dogoni o,”

Yohanes 8:20

Wene itithogon yogeisasikhe iti, at ebe Allah ai halekma peti uang Allah hasik 'bisegarekma alilu dogolik isikhe. Itithogon isinem, at ebe hakhausak oba aban asi ageidek werek korlek nogo nen, it akhuni emenogo ageikhe nen hakhigidek tha'bokhogonat kamotdisukha.

Yohanes 8:37

Itithogon yogeisasikhesik, ageikhe men yogeisasikhe, “Meke re, hit he, ap Abraham nen itago meke welagap iluk, iti an nilu o. Mekeat he, hit hinakla nen an nane waganusak hina'it motok iti nen, hit nenat an nebe nasuogoluk nabok palhe lagap iti.

Yohanes 8:59

Itithogon yogeisekhe lageikhemo, it ap emenogo nen, at Yesus ebe helekit oba wasuogoluk inikimo waganhukha mekeat, Yesus ebe limak lageikhesik nen, o Allah ai halekma thogotdiluk werlekmake lageikhe.

Yohanes 9:4

ageikhe men yogeisasikhe, “Yabokane o mum asigin o. Itithogon mum agunem, akhuni nen yi meke ti meke hagasusak erlok dek asigin iti nen, at la'ani ageikhe meke hagakherek meke iti, o yogotak o lia werek korlek ya bagaat hagakhe dogouok o.