Yohanes 7:26 - ALLAH ANE WENW KET MEKE WAROGO WOKNINAKHIKHE WENE

²⁶ Meke re, ebe lakhani! Nayuk o. Ayuk degat dogolik, wene yoknisugunem, it nen wene oko yogokhidegat kamotdiliogei yi. It ap ninougi koktek yoma inakla nen, Ap yi nit akhuni tilninabuagaluk Allah nen la'isigin, iluk isikhe etnogo ebe ithiat, iluk inakla apegasik nen iliogei a?

Yohanes 7:26 ပူးပေါင်းရင်းမြစ်များ

Matius 22:16

Abok palhe lagoukhasik nen, ap it inagarumi inane waganhe lagoukha meke inom, it ap Herodes werekmake meke inom, Yesus oba wene hinok waganuagaluk la'isa agoukhama it wagoukhasik nen, men yogokhukha, “Yesus noe. Hat hobabut wene eberogonat anek ekhe dogolik, Allah akla nen, Akhuni yigithogon hagakhe dogoak, iluk apekherek meke eberogonat yakulnisekhe lagan iti nit ninilu o. Akhuni inebe hayuk degat dogolik inelokhoken oba anek hisalok, ageikhe helokhoma 'bisigik, ageikhe hoporlike 'bisigik, hagakhetek dek heekhe lago.

Lukas 23:13

Nen, at Yesus wolok lagoukhama nen, at Pilatus nen, it ap Allah iteerek meke inougi koktek inom, it ap Yahudi meke koktek inom, inagarumi tha'bokhogonat inom, “Natogositni o,” iluk yogeisasikhemo wagoukhama nen,

Lukas 7:30

Itithogon isukha meke re, it ap Farisi meke men, it ap Allah ane holal waganek yakulisekhe lagoukha meke men, anek, Yohanes nen ima usa'isoagaluk lageidek dogolik Allah nen itithogon hagakhe dogoagaluk akla apasikhe meke etnogo ina'it nen thogotdisalok welagoukha.

Yohanes 12:42

Wene itithogon isikhemo holal waganek werek mekeat he, it ap koktek Yahudi meke aperek inebe doalegat, inetaiken Yesus oba hakotdisukha mekeat, it nen yigithogon hagakhe lagoukha, “It ap Farisi meke nen o sembayan egarekma nen niniki korlo lisogo ula'inaninogo,” iluk, “Ninetaiken Yesus oba hakotdogo,” iluk akhuni inil oba pakhogon ekhe lagoukha dek.

Yohanes 18:20

at Yesus nen he, men yogokhikhe, “An nen akhuni agat oba meke wene yakulisekhe dogolik pakhogon anek yakulisegerek o. O it akhuni Yahudi meke tha'bokhogonat doalogo sembayan egarekma men, Allah ai halekma men, etoma anek yakulisegerek o. Wene an limago ageikhe yogeisegerek motok dek mekeat he,

Yohanes 3:1

It akhuni Yahudi meke inoe kok ap Farisi meke inawene hago welageikhe meke ageikhe etaga Nikodemus welageikhe.

Yohanes 4:29

“Ap ageikhe nen an yi hagakhik, ti hagakhik, hagakhe lagei meke tha'bokhogonat pakhogon motok yoknekhe meke ebe eta werek o. At ebe Kristus Allah nen tilninabuagaluk la'isigin meke etnogoat a? Ninat a? Hinileken hobageik nen witni o,” iluk yogeisilik lageikhe.

Yohanes 7:25

At Yesus nen wene itithogon yogeisekho werekma, it akhuni o Yerusalem meke inebe hetlake nen men ekhe lagoukha, “Ap wasuogoluk herariogei etnogo ebe ithi dek a? Ebe ithiat o.

Yohanes 7:31

It aperek nen hakhauwogoluk hagakhe lagoukha mekeat he, it akhuni doalegat emenogo inebe hetlake doalegat inetaiken Yesus oba hakotdisukhasik men isukha, “Ap ithi elalin meke hagakhe re, erlok dek apegep? Nen, akhuni tilninabuagaluk Allah nen la'isigin isikhe etnogo witluk nen, ebe hutduagaluk elalin meke kogat hagasigin nogo? Dek o,” iluk isukha.

Yohanes 7:48

Nit ap Yahudi meke ninougi koktek inom, ap Farisi meke inom, aperek nen inetaiken at oba hakotdiluk hagakhunem ageikhe hisekhe lagap a? Motok dek o.

Yohanes 9:22

Itithogon yogeisasukha iti, it ap koktek Yahudi meke nen ekhe dogolik, “It akhuni inebe tomok nen, Ap yi re, Allah nen nit akhuni tilninabuagaluk la'isigin isikhe etnogo Kristus ebe yiat o, iluk pakhogon isi halok, o sembayan egarekma nen lisogo ula'uok o,” iluk wene palhukha meke werek iti nen he, ap iti agosa opase it ap koktek Yahudi meke inayuk nen,

La'isasikhe 4:13

It Petrus Yohanes ipisak inayuk dek dogolik, wene pakhogon itithogon yogeisugunem, it ap emenogo nen hogorinakhe dogolik, “Ap yi sekolah yakulhidek. Inokodek uma mekeat he, Yesus inom nekhe lagoukha meke etnogo nen higi,” iluk hutdisukha.

Filipi 1:14

An niki herle warogo 'banhama welagei yi nen, Allah a'buri aperek inebe kokmake inetaiken ninoe Etagapogot oba hakotdiluk horle atluk nen, wene Kristus hasik inane baga pakhogon yogeisekhe dogosak inayuk dek ariogo iti o.