Yohanes 7:19 - ALLAH ANE WENW KET MEKE WAROGO WOKNINAKHIKHE WENE

¹⁹ Nen, Allah nen wene ninasuk wakhikhe wene iti, Musa nen holal waganogo wokhisasikhe dek nogo? Wokhisasikheat apigi. Meke re, ap hit meke ageikhe nen wene iti mothogon hagakhidek dogolik an nasuogoluk abok palhe lagap iti nenaluk,” iluk yogeisasikhemo,

Yohanes 7:19 ပူးပေါင်းရင်းမြစ်များ

Matius 12:14

Itithogon hagakhikhemo, it ap Farisi meke emenogo o silimo dukhisukhasik nen, Yesus wasuogoluk abok palhe lagoukha.

Matius 21:38

La'i ageikhemo wagunem, it ap wen therogo welagoukha meke emenogo nen, inileken lakhasukhasik, it-it ekhe dogolik, Ap ili opase obolukmo wen iteerek asigin meke etnogo ebe waga ili. Halok he, wen yi nirat iteerek asuok nen, ebe wasuok o, iluk,

Markus 11:18

Inasuk wakhunem, it ap Allah iteerek inougi koktek inom, Allah ane holal waganek iteerek meke inom nen wene iti inasuk holhukhasik nen, Yesus wasuogoluk abok palhukha. Abok palhukha iti, Yesus nen wene yakulisugunem akhuni doalegat at ane holhukhasik hogorakhe lagoukha iti nen, at ebe inayuk atluk, wasuogoluk hagakhukha iti.

Markus 3:4

melasi lageikhemo nen, it akhuni emenogo men yogeisasikhe, “Niniki 7 baga Allah hasik werlegat dogolik hano hagarinabusak a? Weak hagarinabusak a. Tilinabusak a? Inasusak a,” iluk yogeisasikhemo, inane dek huk agoukha.

Markus 3:6

Iki itithogon hano hagakhikhemo, it ap Farisi meke emenogo dukhisukhasik ibat Herodes agarumi inoba lagoukhasik nen, “Yesus nikithogon wasuok,” iluk inom abok palhukha.

Yohanes 1:17

Wene Allah nen ninasuk wakhikhe wene etnogo yakulnisoagaluk, alebat Musa la'i ageikhemo, yakulnisasikhe meke re, Allah obabut hano nen hanotninakhik, ebe wene yakulnisigik, hagasuagaluk, Yesus Kristus la'i ageikhemo yakulnisa ageikhe iti o.

Yohanes 10:39

it nen, at Yesus ebe hakhauwogoluk hagakhukha mekeat, at it iniki agap warek polokhogon dukhisikhe.

Yohanes 11:53

Itithogon yogeisasikhemo, hurli iti hurli nen, it ap koktek Yahudi meke nen Yesus ebe motok wasuogoluk abok palhe lagoukha.

Yohanes 5:16

Itithogon yogeisasikhemo, it akhuni Yahudi meke Allah hasik iniki 7 baga werlegat werek korlek, Yesus nen ap etnogo u hano hagakhikhe iti nen, at Yesus ebe weagatduogoluk hagakhukha,

Yohanes 5:18

it ap koktek Yahudi meke emenogo nen iniki 7 baga Allah hasik werlegat dogolik, Yesus nen u hano hagasusak dek meke hagakhikhe iti baga anek ebe wasuogoluk isukha 'buk. At he, at nen, “An nebe Allah ninom tak-tak,” u hak he, “An nopase ebe Allah at o,” iluk isikhe iti nen, ebe wasuogoluk ebenageik abok palhe lagoukha.

Yohanes 5:45

Meke re, an nen Allah il oba wene hinoba 'bigin iluk hinakla apugup o. At he, Musa ane iti bagaat hanotninabigin iluk hinakla arleken akhegethep mekeat he, at nenat, wene hinoba 'bigin o.

Yohanes 7:1

Wene itithogon arat yogeisasikhesik nen, it ap koktek Yahudi meke nen, Yesus ebe wasuogoluk abok palhe lagoukha iti nen he, at ebe o Yudea usalok nekhe dogou a'it nen, o Galilea eloke etoma nekhe lageikhe.

Yohanes 7:25

At Yesus nen wene itithogon yogeisekho werekma, it akhuni o Yerusalem meke inebe hetlake nen men ekhe lagoukha, “Ap wasuogoluk herariogei etnogo ebe ithi dek a? Ebe ithiat o.

La'isasikhe 7:38

Nen, ninopa lak inom o limo akhuni dekma etoma natogorlek werekma, tom Sinai iti apma malaikat Allah nen yoko usa'isa agarek meke emenogo ageikhe oba usa'ageikhesik nen, ipisak wenekak isukha iti, at Musa at o. Ninopa lak emenogo inomat werekma, at Allah nen, wene niniluk dogogun wene iti, nit yoknisoagaluk yogokhikhe iti, at Musa at o.

Galatia 3:19

Halok he, wene Allah nen ninasuk wakhikhe iti nenaluk. Iti, nit akhuni weagat hagakho welagagu meke iti 'bualasuagaluk, ninasuk yabokane wakhikhe iti. Meke re, wene iti Abraham nen itago meke ageikhe wogosigin iluk, abok yogokhikhe etnogo, ebe aban itaklageidek werek korlek elanma hasik wene ninasuk wakhikhe wene etnogo, malaikat nen Musa yogokhunem at ebe turlem heisogo dogolik, akhuni yakulisoagaluk malaikat inayoko 'biluk la'isa ageikhe iti.

Galatia 6:13

It iti wene Allah nen ninasuk wakhikhe wene etnogo hanorogo holek welageidegat, inekaerek inaperlagap palekhe dogolik, “Hit itithogonat palani o,” iluk inekaerek nen hogorakhekhe dogouogoluk iliogei iti.