Yohanes 7:14 - ALLAH ANE WENW KET MEKE WAROGO WOKNINAKHIKHE WENE

¹⁴ Pesta etnogo nilik laga korlek heisogo Yesus Allah ai halekma ukisikhesik, wene yakulisekhe lageikhe.

Yohanes 7:14 ပူးပေါင်းရင်းမြစ်များ

Matius 21:12

Itithogon isukhama, at Yesus Allah ai halekma ukisikhesik, it akhuni Allah ai halekma ukiluk dogolik, yi meke ti meke oko waganhik, palhik, hagakhe lagoukha meke tha'bokhogonat sikhogo-mukhogo itikmanke ula'isigik, it aperek uang meja perlako baga 'biluk okokhe lagoukha meke men, it aperek o perlago baga inebe hurek dogolik thue merpati yogeik hakene meke oko waganhe lagoukha meke men, inago iti abel dagak-pagakhogon podisigik, hagarik lageikhesik,

Matius 26:55

it ap doalegat wagoukha emenogo men yogeisasikhe, “Ap iki abusak waganhunem hageinakharek iti hak, hit nen itithogonat an haknabuogoluk, karok men, payuk men, motok wolok wagap yi re! An hibiku-yogoku Allah ai halekma hurek dogolik wene yakulisugunem, hit nen yigithogon haknakhidek welagasibat he,

Lukas 19:47

Itithogon wenageisasikhesik nen, at Yesus nen hibiku-yogoku Allah ai halekma wene yakulisasi motok welageikhe. Itithogon yakulisugunem, it ap Allah iteerek inougi koktek inom, Allah ane holal waganek iteerek meke inom, it Yahudi meke koktek inetaga werek meke inomat, “At Yesus ebe nikithogon wasuok,” iluk abok palhe lagoukha.

Yohanes 18:20

at Yesus nen he, men yogokhikhe, “An nen akhuni agat oba meke wene yakulisekhe dogolik pakhogon anek yakulisegerek o. O it akhuni Yahudi meke tha'bokhogonat doalogo sembayan egarekma men, Allah ai halekma men, etoma anek yakulisegerek o. Wene an limago ageikhe yogeisegerek motok dek mekeat he,

Yohanes 5:14

Itithogon hagakhukhasikmo nen, yabokane at Yesus ap etnogo ipisak Allah ai halekma abuk agoukhasik nen, men yogokhikhe, “Nopase. Yogotak hat hoba u arat dek aga iti yabokane weak kok meke ageikhe hoba asunogo, weak meke ageikhe hagakhun o,” iluk yogokhikhe.

Yohanes 7:2

Itithogon nekhe lageikhe etanemat, it akhuni Yahudi meke haganeat orlisa haldiluk welagoukha meke inakla eberogo, pesta isago nausak oba arat hakok i ageikhe.

Yohanes 7:28

Itithogon ekhe lagoukhama, at Yesus Allah ai halekma ane kokhogon wene yogeisekhe dogolik, men yogeisasikhe, “An nebe inom, nebe o etoma nen wagagi inom, hit hinilu nogo? An wagagi iti, an nabusagat nakla nen kagalogo wagagi dek o. At ane eberogonat anek ekherek meke etnogo nenat la'ani ageikhe mekeat he, at ebe hit hinokodek o.

Yohanes 7:37

Wene itithogon isukhasik oba nen, pesta etnogo ilugun kobokhogon arat agunem, hari kok iti baga Yesus ebe melageikhesik nen, ane kokhogonat men yogeisasikhe, “Tha nen i abu halok, an noba nasusak o.

Yohanes 8:2

Dageisikhesik, hubuluke hubenat siakhogon usa'ageikhesik, Allah ai halekma ukisikhemo, akhuni doalegat at oba wagoukhama, at ebe hurek lageikhesik nen, wene yakulisasikhe.

Yohanes 8:20

Wene itithogon yogeisasikhe iti, at ebe Allah ai halekma peti uang Allah hasik 'bisegarekma alilu dogolik isikhe. Itithogon isinem, at ebe hakhausak oba aban asi ageidek werek korlek nogo nen, it akhuni emenogo ageikhe nen hakhigidek tha'bokhogonat kamotdisukha.