Yohanes 6:70 - ALLAH ANE WENW KET MEKE WAROGO WOKNINAKHIKHE WENE

⁷⁰ at Yesus nen men yogeisasikhe, “An nen hit hinebe 12 oba yi wenakhinakhigi dek nogo? An nenat wenakhinakhigi mekeat, hat opakiat ageikhe Iblis mekeat welagan o,” iluk yogeisasikhe.

Yohanes 6:70 ပူးပေါင်းရင်းမြစ်များ

Yohanes 13:18

An nen wene iti hit hinebe tha'bokhogonat hasik yokhisigi 'buk. Dek o. Hit yi an nenat hinebe wenakhinakhigi meke nilu mekeat he, wene iti hasik Allah ane baga men iluk holal waganogo 'bisukha, Ap ageikhe hipiri nipisak opakimo neke lago meke yi nen weagatnabigiluk melaga o, iluk isikhemo holal waganek werek iti sugun asigin dek o. Ebeat asigin o.

Yohanes 13:2

Dogolik, at agarumi emenogo inom o hibako hipiri opakimo nukunem, Yudas Simon Iskariot a'but etnogo, akla Iblis ukisikhesik nen, Yesus ebe wasuak nen, “Yoko lan o,” iluk akla kagalhikhe.

Yohanes 13:21

At Yesus nen, wene itithogon arat yogeisasikhesik oba nen, at akla weak ageikhemo, ane pakhogonat men yogeisasikhe, “Hit ap hinebe ya meke ageikhe nen an nebe nasuagaluk yoko ligin o, iluk eberogonat yokhisigi o,” iluk yogeisasikhe.

Yohanes 13:27

Itithogon wogokhikhemo, at Yudas roti etnogo ikimo waganhe korlek eranogoat akla Iblis ukisikhe. Itithogon ukisikhemo, at Yesus nen yogokhe dogolik, “Hat nen hagasigiluk apegen meke iti ibat hagasin o,” iluk yogokhunem,

Yohanes 15:16

Hit nen an wenaknakhigip 'buk. Dek o. An nen hit wenakhinakhigi iti, o eken ikherek iti hak, motok dogogin meke hagasi lobageik nen iluk, hinebe wenakhinakhigisik meldinagagi. Iti baga, nena meke, hit warlok meke an netaga palogo nopase kino yogosugun halok he, at nen wokhisageinat o.

Yohanes 15:19

Hit hinebe akhuni agat oba meke dogolepma re, it akhuni agat oba meke nen he, It nit ninagarumi, iluk inetaiken hunik hagathinabilep mekeat he, hit hinebe it akhuni agat oba meke werekma wenakhinakhigisik nen wokhinakhigisikmo hinebe it meke welagap 'buk. Iti nen, ina'it motok hagathinabiogei o.

Yohanes 17:12

An it ninom yoma dogolik, hat hetaga meke an thalnakhigin etnogo baga, it inebe nalasinogo iluk, hagasik werekma, it aperek nalageidek o. At iti nalasigin, iluk, hat hane isigin meke holal waganogo 'bisukha meke etnogo ebe asuagaluk, nalasusak obaat nalaga o.

Yohanes 2:2

Etoma werekma, at Yesus agarumi ane waganhe lagoukha meke inom meneke, inayoko 'bisukhama lagoukhasik welagoukhaat.

Yohanes 20:24

At Yesus ebe agarumi inelokhoma wisam ageikhe itinem, inebe 12 emenogo meke it ebetlake anek werekma. Nen, at Tomas etaga ageikhe Hulupmio Meke ekhe lagoukha etnogo ebe it inom dekma wageikhe.

Yohanes 6:64

Wene iti baga inilugurinakherek mekeat he, hit hetnake yoma eberogonat iluk hinetaiken an noba hakotdigidek welagap higi,” iluk yogeisasikhe. Itithogon yogeisasikhe iti, it aperek inetaiken at oba hakotdigidek meke inom, at ageikhe nen Yesus ebe wasuagaluk yoko ligin meke inom, it ap iti itithogon hagasugun, iluk at keram nenat ilu welageikhesikmo nogo nen, wene itithogon yogeisasikhe iti.

Yohanes 6:67

Akhuni aperek itithogon oporlik lageidek huk agoukhama, at Yesus nen agarumi 12 emenogo men yogeisasikhe, “Hit meneke, itithogonat here'aniluk dukhuogoluk apekhe lagap a?” iluk yogeisasikhe.

Yohanes 6:71

Wene itithogon isikhe iti, ap Yudas, Simon Iskariot a'but hasigat isikhe. At ap iti ebe Yesus agarumi inebe 12 emenogo mekeat he, yabokane Yesus ebe wasuagaluk yoko lageikhe iti meke hasik isikhe iti.

Yohanes 8:44

Itithogon hina'it iti, hit hinopase Iblis atma, hit nen at warlok apekherek meke itiat warlok nen hagakhe lagap iti. At Iblis iti erlo baga nenat akhuni inakherek mekeat o. At wene ebe wene akla dek iti nen, wene ebeat wene isinem inane legekherek dek iti. Iblis ekalat ekherek iti, at obabut ikhogatma ekalat ekherek iti. Inekalat egarek iti, erlo arat o.

La'isasikhe 13:10

men yogokhikhe, “Hat hebe Iblis a'but yi re! Akhuni dalinakhik, nukhetdisigik, hagakho motok dogolik, yi meke ti meke mot hagasuogoluk hagakhunem, hat nen degetdigiluk hagakho motok welagan yi re! Ninoe Etagapogot nen, akhuni tilninabigiluk holak mothogon ya'inanhikhe meke, hat nen huk ageidegat korlotdigiluk hagakho motok welagan iti nenaluk.

1 Timotius 3:11

Iti hagat he, it iti inagugi inalaga isonhogo hagakhe dogolik inahusupi weak ilik nekharek dek meke halok, weak hagasuagaluk inakla kagalhunem inetaiken inekaerek nen therogo welageikharek meke halok, inobabut mothogon hagakharek meke halok, inobabut iti hakene halok, inaguni yomageisegarek meke dogoagaluk meldisausak o.

Titus 2:3

Iti hagat, it humi inarluetek meke iti, akhuni Allah apma dogolik, inobabut mothogon hagakharek hak, hagakhe dogolik, akhuni aperek nen inabok weak palhidegat, inougi koktek inapma welageikharek hak, i anggur eken apusu apma negen dogolik, inoba la'buk nekarek itithogon nikidegat dogolik, it nen it aperek hanorogon hagakhe dogosak hasik, yakulisekhe dogoagaluk inasuk wakhe dogonoat o.

1 Yohanes 3:8

Nen, at ageikhe nen obabut weak hagakho motok welagarek halok he, at Iblis obabut erlo baga nenat weak hagakherethekma nogo nen, at iti ebe Iblis a'but werek o. Meke re, at Allah a'but thelekmaat wageikhe iti, at Iblis obabut hagakherek meke iti, motok degetdisagaluk wageikhe o.