Yohanes 6:68 - ALLAH ANE WENW KET MEKE WAROGO WOKNINAKHIKHE WENE

⁶⁸ Itithogon yogeisekhe lageikhemo, at Simon Petrus etnogo nen, men yogokhikhe, “Eiye. Noe. Ninebe niniluk motok dogosak hasik meke wene re, hat nen yoknisekhe lagan ha yoma re. Hat here'agaluk ap tha baga lausak apegen. Dek o.

Yohanes 6:68 ပူးပေါင်းရင်းမြစ်များ

Matius 16:16

at Simon Petrus etnogo nen, “Hat hebe, Kristus Allah iluk motok welagarek meke a'but, nit tilninabuagaluk at nen la'isigin iluk abok yoknisasikhe etnogoat o,” iluk yogokhikhe.

Markus 8:29

Itithogon yogokhukhama at nen, “It nen itithogon iliogei mekeat he, hit anek he, an nebe hasik, tha ekhe lagap nogo,” iluk yogeisasikhemo, at Petrus etnogo nen, “Hat hebe Kristus nit tilninabuagaluk Allah nen la'isigin iluk abok yoknisasikhe etnogoat o,” iluk isikhemo,

Lukas 9:20

Itithogon yogokhukhama, at Yesus nen, men yogeisasikhe, “It nen itithogon iliogei meke re, hit yi anek, an nebe hasik tha ekhe lagap nogo,” iluk yogeisasikhemo at Petrus nen, men yogokhikhe, “Hat hebe Kristus, nit tilninabuagaluk Allah nen la'isigin iluk abok yoknisasikhe etnogoat o,” iluk yogokhikhemo,

Yohanes 12:49

an nakla nen kagalogo yokhisekhe lagei 'buk. Dek o. An nen yokhisoagaluk an nopase la'ani ageikhe meke etnogo nenat nasuk warogo, Yigithogon in, tigithogon in, iluk yoknekhe korlegat yokhisekhe lagei o.

Yohanes 12:50

Nen, at nen wene ninasuk warogo, Yigithogon hagatno, tigithogon hagatno, iluk ninasuk warogo yoknisekherek iti nit niniluk motok dogoagaluk yoknisekherek, iluk an nilu o. At nopase nen wene yokniriogo mekeat yokhisekhe lagei o,” iluk yogeisasikhe.

Yohanes 17:8

Wene hat nen yoknikhigin meke emenogo, it arat yogeisigima, arat waganhasik an nobasik ekhe dogolik, Allah nen la'i ageikhemo, at werekma nen eberogonat wageikhe, iluk inilu ageikhasik nen, nebe hutdanha o.

Yohanes 5:24

“It akhuni tha nen, an nane waganhe dogolik, inetaiken an la'ani ageikhe meke etnogo oba hakotdugun halok, akhuni watlatluk lageikharek erlo thogotdisalok iniluk motok dogogun meke erlo baga arat wageikhasik werek o. Iniluk motok dogogun meke iteerek ageikhasik werek iti nen, yabokane wene inoba 'bigin dek o, iluk eberogonat yokhisigi.

Yohanes 6:40

nopase akla apekherek o. Nen, nopase itithogon akla apekhe dogolik, akhuni nen Allah a'but nebe yi inileken niigik, inetaiken noba hakotdigik, hagakhe halok, inebe dopok iniluk motok dogoagaluk, o ilugun hurli baga, an nen inilugurinabuagaluk akla apekherek o,” iluk yogeisasikhe.

Yohanes 6:63

Allah Agoreke nen akhuni inilugurinakherek o. Nen, akhuni agat oba meke inobatne baga ageikhe hagasusak erlok dek o. Meke re, wene an nen yokhisekhe lagei iti, Allah Agoreke nenat ekherek meke nogo nen he, akhuni inilugurinakherek wene yokhisekhe lagei o.

La'isasikhe 13:26

Halok he, hit akhuni Abraham nen itago meke men, itikmanke meke Allah ane hologo hagakhe lagap meke yoma hinom welagap meke men, nagarlak lak nerugi. Wene tilninabusak wene iti Allah nen nit ninoba la'i agama yi.

La'isasikhe 4:12

At Allah nen, nit akhuni agat oba yoma meke at ageikhe nen tilninabuagaluk etaga yakulnisigidek iti nen, ap werlek meke nen tilninabusak erlok dek o. At Yesus nen tilninabuagaluk, at arligat etaga yakulnisasikhe iti,” iluk yogeisasikhe.

La'isasikhe 5:20

Wogosik dukhi ageikhesik, at nen wene yogeisekhe dogolik, “Hit hinebe Allah ai halekma lano o. Lalok etoma ukiluk metek dogolik, wene hano wene hinebe hiniluk dogolik ket ninat hagakhe dogosak wene iti tha'bokhogonat yogeisa lano,” iluk yogeisasikhe.

La'isasikhe 7:38

Nen, ninopa lak inom o limo akhuni dekma etoma natogorlek werekma, tom Sinai iti apma malaikat Allah nen yoko usa'isa agarek meke emenogo ageikhe oba usa'ageikhesik nen, ipisak wenekak isukha iti, at Musa at o. Ninopa lak emenogo inomat werekma, at Allah nen, wene niniluk dogogun wene iti, nit yoknisoagaluk yogokhikhe iti, at Musa at o.

La'isasikhe 8:37

at Filipus nen, “Noe. Hetaiken opakiat dogolik, Yesus oba hakotdegetik welagan halok he, ima usa'agousagat o,” iluk yogokhikhemo, at ap etnogo nen, “At Yesus Kristus iti, eberogonat Allah a'burat o, iluk nakla apigi,” iluk yogokhikhe.]