Yohanes 6:51 - ALLAH ANE WENW KET MEKE WAROGO WOKNINAKHIKHE WENE

⁵¹ Hipiri inilugurinakherek meke pogot oba nen usa'ageikhe iti re, an nebeat o. Hipiri an nen wogeisagein meke iti, tha nen nasi halok, at ebe iluk motok dogogin o. Akhuni agat oba meke iniluk dogoagaluk an nebe it inobasik watlasigin iti, an nebeat wogeisagein o,” iluk yogeisasikhe.

Yohanes 6:51 ပူးပေါင်းရင်းမြစ်များ

Lukas 22:19

Itithogon yogeisasikhesik, yabokane hipiri roti meke ikimo waganhikhesik nen, Allah heagei warogo nen ebe kusogo, agarumi supurisekhe dogolik, men yogeisasikhe, “Yi an nebeat o. [An nebe hit hinobasik nakhunem watlasigin iti, an noba eberek dogobageik nen, yigithogon neke dogono,” iluk yogeisasikhemo,

Yohanes 1:14

Ebe Wene etnogo abat ageikhesik ninomat welagagu. Ninomat dogolik, at ebe iti Allah a'but irlagapi itago etnogo, hogorakharek meke ninileken hasugu o. At obabut hano nen, hanorogo hagatninakhik, wene ebe wene yoknisigik, hagakho motok werekma ninileken hasugu.

Yohanes 1:29

Wene itithogon isukhasik nen, noge iluk, hubuluke, at Yesus Yohanes oba wagunem ileken lakhalok nen, wene men yogeisasikhe, “Allah adomba eak meke nit akhuni agat oba yoma weak hagakhorek meke korogo thogotdisagein meke etnogo waga ili hinileken lakhani o.

Yohanes 11:26

Nen, akhuni iniluk dogolik inetaiken an noba hakotdegarek meke, inebe dopok watlageidek iniluk motok dogogun o. Wene iti eberogonat iluk hutdegen a?” iluk yogokhe lageikhemo,

Yohanes 3:13

Itithogon yogokhikhesik nen, men yogokhikhe, “Ap ageikhe agat oba nen pogot oba motok dageigidek. At he, an pogot oba nen abat itaklasi usa'agagi etnogoat o.

Yohanes 3:14

Nen, ap Musa o limo akhuni dekma etoma dogolik, warlo hakene hagarogo o baga lia'isikhe iti hak, it akhuni yoma inetaiken an abat itaklasi agagi meke yi noba hakotdugun meke, inebe tomogat iniluk motok dogoagaluk, an itithogonat lia'anusak obaat lia'anugunat o.

Yohanes 3:16

Yi akhuni ti akhuni Allah akmu motok nen, inebe inetaiken an noba hakotdugun meke inebe tomok watlatluk nen, nuk ageidek iniluk motok dogoagaluk, a'but an nebe irlagapi itago meke wogeisasikhe.

Yohanes 3:36

Halok he, tha nen etaiken Allah a'but oba hakotdiliogo halok, iniluk dogogun meke iti ite agasik werek o. Meke re, tha nen, at a'but iti ane holhidek kolelogo here'isiliogo halok, iniluk motok dogogun meke iti ite asigin dek o. At he, Allah akla aga at oba motok 'biluk dogogin o.

Yohanes 5:24

“It akhuni tha nen, an nane waganhe dogolik, inetaiken an la'ani ageikhe meke etnogo oba hakotdugun halok, akhuni watlatluk lageikharek erlo thogotdisalok iniluk motok dogogun meke erlo baga arat wageikhasik werek o. Iniluk motok dogogun meke iteerek ageikhasik werek iti nen, yabokane wene inoba 'bigin dek o, iluk eberogonat yokhisigi.

Yohanes 6:35

at Yesus nen, men yogeisasikhe, “Hipiri inilugurinakherek meke iti, an nebeat o. Ap tha nen noba wageik, etaiken noba hakotdigik, hagasigin halok he, hipiri abu ageik, i abu ageik, hagakhe dogogin dek o.

Yohanes 6:41

Nen, at Yesus nen itithogon yogeisekhe dogolik, “Hipiri roti pogot oba meke iti, an nebeat usa'agagi o,” iluk yogeisasikhe iti nen, it ap Yahudi meke nen, at abok kurlu-kurlu palhe dogolik,

Yohanes 6:47

Ap tha nen etaiken an noba hakotdekhe halok he, iniluk motok welageikharek meke iteerek agasik werek o, iluk, eberogonat yokhisigi o,” iluk yogeisasikhesik nen,

Yohanes 6:48

wene ageikhe men yogeisasikhe, “Hipiri inilugurinakherek meke iti, an nebeat o.

Yohanes 6:50

Itithogon watlarik wagoukha meke re, hipiri ebe meke pogot oba nen usa'ageikhe iti. Itithogon usa'ageikhesikmo, tha nen hipiri iti meke nasi halok, at ebe watlageidek iluk motok dogogin o.

Yohanes 7:38

Nen, tha nen etaiken an noba hakotdekhe halok, i inilugurinakherek meke at akla nen elesi hunak-hunak palogo dukhekhe dogogin o, iluk Allah ane holal waganek oba isukha hagat, hagatlasigin o,” iluk

2 Korintus 5:19

Wene ninoba 'bisikhe iti ebe, men. At Kristus ebe hurli baga dogolik hagakhikhe iti baga, Allah nen yi akhuni ti akhuni tha'bokhogonat at ekaerek inom dapukhogon 'binanhikhe. At nen itithogon 'binanhe dogolik, nit akhuni nen weak hagakhorek meke ukum ninoba 'bigidek thagalogo here'isasikhe iti o. At nen itithogon hagakhikhe ukum iti nit nen yogeisilik nekhe dogoagaluk ninoba 'bisikhe.

2 Korintus 5:21

Nit Kristus ninom hunekho halok, at Allah nen ekaerek ninom hano ninapuke dapukhogon 'binanigiluk, nit ninobasigat nit ninobabut weak hagakhorek meke iti, at Kristus weak hagakhidek meke oba 'bisikhe iti o.

Efesus 5:2

Akhuni nen yi meke ti meke Allah hasik 'bisalok, ebe warogo hetu hunekhunem, Allah akla hanorogo obasi hano meke liagakhe lagoukha iti hak, at Kristus nit ninebe akmutninakhikhesik nen, “It inobasik an nebe nasuak o,” iluk apasikhe baga ebe wakhukha iti baga Allah akla hano ageikhe iti hak, nit-nit nakmu-hakmurogo hagakhe dogouok o.

Efesus 5:25

At Kristus nen nit Allah 'aburi ninebe akmutninakhikhesik nen, “It inobasik nasuak,” iluk apasikhe baga ebe wakhukhama watlageikhe hak, hit ap he, hinagugi itithogonat hinakmurogon hagakhe dogono o.

Titus 2:14

Nit alep Allah ane here'isalok yi weak ti weak hagakhe lagagu iti nen niniki herle warogo negen haknisik werekma, at Yesus Kristus nen he, “It inebe an nekaerek na'buri atluk nen, inobabut hano meke akilukhogon hagakhe dogoak nen, inebe herle hisalogo inoko paligiluk, an nebe watlasigin,” iluk isikhe.

Ibrani 10:20

Nit itithogon ukusak iti, o kakok palek su laberek hurli warek iti, at Yesus ebeatma, nit akhuni ninilugutninabiginmo ukuagaluk, holak at Yesus ebe watlageikhe iti baga, holak ket meke nit ninobasik ya'inanhikhe.

1 Petrus 2:4

At ebe helekit hakene iluk welagarek meke iluk he, oba wetno. Akhuni nen, “Helekit iti weak,” iluk here'isasukha mekeat he, Allah nen, “Helekit yi motok hano mekeat,” iluk wenago 'bisikhe.

1 Yohanes 2:2

At ebe itithogon turlem heisogo dogolik, nit yi weak ti weak hagakhorek meke thagalogo degetdisalok hotninakherek. Itithogon hotninakherek iti nit weak hagakhorek meke ninobasik anek 'buk. At he, yi akhuni ti akhuni agat oba meke tha'bokhogonat weak hagakharek meke inobasik ninomat hotninakherek o.

1 Yohanes 4:10

It aperek inakmurinakharek iti ebe re, nit nen Allah ninakmurakhugu 'buk. Dek o. At Allah nen nit akmutninakhikhesik, at nen nit weak hagakhorek meke thagalogo degetdisalok hotninabuagaluk, a'but ninoba usa'i ageikhe iti o.

1 Yohanes 4:14

Nit nen he, “Allah nen a'but ninileken hekhe lagagu meke iti nen, nit akhuni agat oba meke tilninabuagaluk la'i ageikhemo,” iluk abok pakhogon yokhisekhe lago.