Yohanes 6:27 - ALLAH ANE WENW KET MEKE WAROGO WOKNINAKHIKHE WENE

²⁷ Hipiri hirli atluk dek asusak meke hasik yabu hagakhup o. At he, hipiri motok dogogin meke neke dogolik, iniluk motok dogosak meke iti, an nenat wokhisekhe dogoagaluk, nopase nen nayoko 'biluk la'ani ageikhemo, abat itaklasi agagi iti hasik yabu hagakhe dogono o,” iluk yogeisasikhe.

Yohanes 6:27 ပူးပေါင်းရင်းမြစ်များ

Matius 17:5

Itithogon yogokhunem eranogoat, oisa kut meke thebelinabi ageikhesik, Allah ane oisa etnogo akla nen men yogeisasikhe, “An na'but netaiken hunik meke noba hotok egerek ebe ithiat o. Halok he, at ane holek dogono o,” iluk yogeisasikhemo,

Matius 25:46

it akhuni iti yi aik ti aik hekhe dogogun oba motok dogoagaluk la'isagein o. Mekeat he, it Allah ane hologo hagakhe dogogun meke iti iniluk motok dogogunmo etoma 'bisagein o,” iluk yogeisasikhe.

Matius 3:17

Oba duk i ageikhemo, Allah ane pogot oba nen, “An na'but netaiken hunik dogolik noba hotok egerek ebe ithiat o,” iluk ane usa'i ageikhe.

Matius 6:19

Itithogon yogeisasikhesik, at Yesus nen ageikhe men yogeisasikhe, “Akhuni nen agat oba yoma yi meke ti meke natogorlogo 'bakhugunem, warlo nen palhik, ikuru hakhigik, akhuni inobabut weak meke nen o talogo wagani ukigik, hagakharekma yoma, yi meke ti meke iti natogorlogo 'bakhausak dek o.

Matius 8:20

Itithogon yogokhikhemo, at Yesus nen, “Helo yeke iti, ai halek akolakla welagarek. Nen, thue hitluk nekharek meke iti, ai halek welagaregat. Meke re, an abat itaklasi agagi iti anek, noge ekhe dogosakma nai halek motok dek o,” iluk yogokhikhe.

Markus 1:11

Ileken hasinem, Allah ane pogot oba nen men isikhe, “Hat hebe an na'but netaiken hunik meke o. Hat hobasik noba hotok ekhe o,” iluk ane usa'i ageikhe.

Markus 9:7

Itithogon isinem oisa thebelinabi ageikhesik, at Allah ane oisa etnogo akla nen, men yogeisasikhe, “An na'but netaiken hunik meke ebe ithiat o. Halok he, at ane holek dogono o,” iluk yogeisasikhemo,

Lukas 3:22

Allah Agoreke thue merpati yogeik negen hitluk oba duk i usa'ageikhe. Itithogon hagakhikhemo, pogot oba nen ane men isikhe, “Hat hebe an na'but netaiken hunik meke. Hat hobasik noba hotok ekhe o,” iluk isikhe.

Lukas 9:35

Itithogon inayuk weak agoukhama oisa etnogo akla nen Allah ane men yogeisasikhe, “An na'but wenago meldisigi meke ebe ithiat o. Halok he, at ane holhe dogono,” iluk yogeisasikhe.

Yohanes 10:28

Noporlik nekhe korlek, it iniluk motok dogoagaluk inilugurinakhe dogogin iti nen, it inebe watlatluk nuk asugun dek o. It an niki baga werek korlek, it ap aperek nen tilogo woginabusak erlok dek o.

Yohanes 11:42

An nen hat kino yokhugunem, nane hasuk holhetek etnogo, an nilu mekeat, it akhuni yoma nen, hat nen an la'ani agagin iti nebe hutdanuagaluk yokhikhi o, nopase,” iluk isikhesik nen,

Yohanes 14:6

at Yesus nen, men yogokhikhe, “Holak inom, ebe wene inom, inilugurinakherek inom, iti an nebeat o. At tha nen an noba wageidek halok, nopase werekma ukusak motok erlok dek o,” iluk yogokhikhesik,

Yohanes 15:24

It akhuni aperek nen hagakharek motok dek meke, yi wene ti wene inil oba hagakhe lagagi etnogo hagakhe dogole dekma re, It weak, iluk ile dek o. Itithogon mekeat he, an nen wene iti tha'bokhogonat hagakhunem inileken neasukhasik nen, an nopase nipisak ina'it motok hagatninabiogei o.

Yohanes 3:33

Itithogon thogotdsegarek meke re, it akhuni aperek nen, At nen wene pakhogon yoknisekherek meke iti eberogonat iluk waganiogei meke nen, Allah ane iti eberogonat iluk waganharek o.

Yohanes 6:40

nopase akla apekherek o. Nen, nopase itithogon akla apekhe dogolik, akhuni nen Allah a'but nebe yi inileken niigik, inetaiken noba hakotdigik, hagakhe halok, inebe dopok iniluk motok dogoagaluk, o ilugun hurli baga, an nen inilugurinabuagaluk akla apekherek o,” iluk yogeisasikhe.

Yohanes 6:47

Ap tha nen etaiken an noba hakotdekhe halok he, iniluk motok welageikharek meke iteerek agasik werek o, iluk, eberogonat yokhisigi o,” iluk yogeisasikhesik nen,

Yohanes 6:51

Hipiri inilugurinakherek meke pogot oba nen usa'ageikhe iti re, an nebeat o. Hipiri an nen wogeisagein meke iti, tha nen nasi halok, at ebe iluk motok dogogin o. Akhuni agat oba meke iniluk dogoagaluk an nebe it inobasik watlasigin iti, an nebeat wogeisagein o,” iluk yogeisasikhe.

Yohanes 6:53

at Yesus nen, “An nen wene ageikhe yokhisak o. An abat itaklasi agagi etnogo nebe nikik, namep nikik, hagakhe lagap dek halok, iniluk motok welageikharek meke, hit iteerek ageidek welagap o, iluk eberogonat yokhisigi.

Yohanes 6:54

Meke re, tha nen an nebe nikik, namep nikik, hagariogo halok, iniluk motok dogogun meke iteerek atluk werekma, o ilugun hurli baga an nen ilugutdigin o.

Yohanes 6:58

Nen, hipiri pogot oba nen usa'ageikhe meke yi, hit hinopa lak neke lagoukha meke inebe watlaga lagoukha iti hakene dek mekeat he, ap tha nen hipiri ebe meke yi nasi halok, iluk motok dogogin o,” iluk yogeisasikhe.

Yohanes 6:62

An abat itaklasi agagi etnogo alebat welagagimo yabokane napuke dageisinem hinileken nealok nen, hinakla nikithogon apagun.

Yohanes 6:68

Itithogon yogeisekhe lageikhemo, at Simon Petrus etnogo nen, men yogokhikhe, “Eiye. Noe. Ninebe niniluk motok dogosak hasik meke wene re, hat nen yoknisekhe lagan ha yoma re. Hat here'agaluk ap tha baga lausak apegen. Dek o.

Yohanes 8:18

Iti hakene, an nabok, nekaerek nen igik, nopase la'ani ageikhe meke nen igik, yokhisekhe lago iti,” iluk ekhe lageikhemo,

La'isasikhe 2:22

Meke re, hit akhuni Israel meke nagarlak lak nerugi. An nane igin yi holini. Yesus ai Nazaret meke etnogo Allah nen ayoko 'bisikhemo, ninom dogolik, wene hutduagaluk hagasusak dek meke Allah nen iki obatnerogon elalinat hagakhe lageikhe iti nen, ebe Yesus nenat hagakhe lageikhe. Halok he, Yesus Allah nen la'i ageikhemo, iluk thelekmaat hagatlageikhe iti hinilu.

Roma 4:11

Oado aperlagap meke itithogon aban palek dek dogolik etaiken Allah oba hakotdisikhemo re, at Allah nen, “Wene hoba meke korogo wokhigirik, hapuke nipisak hunogo 'bagagi,” iluk yogokhikhe. Itithogon hagakhikhemo yogokhikhe iti, inetaiken ekerlogo dogoagaluk, “Hoado aperlagap meke palan,” iluk yogokhikhemo nen palikhikhemo re, ekagat ageikhe iti. Iti nen, akhuni inoado aperlagap meke itithogon palek dek dogolik, inetaiken Allah oba hakotdegarek meke tha'bokhogonat nen, inopase Abraham at o. It itithogon inetaiken Allah oba hakotdisinem nen, at nen, “Hinobabut mothogon hagakhe dogou hak hinetaiken noba hakotdegepma, wene hinoba meke korogo wokhigirik hinapuke ninom hunogo 'binagagi iti arat o,” iluk yogeisekheregat.

Roma 6:23

Weak hagakharek iti oko re, watlageikharek iti. Nen, ninoe Etagapogot Yesus Kristus ninom hunik werekma, Allah obabut hano nen oko degat niniluk motok dogoagaluk hagatninakherek iti.

1 Korintus 6:13

It aperek nen yigithogon egaregat, “Nekarek meke iti ninelabut hasik. Nen, ninelabut iti nekarek meke hasik,” iluk egarek. Itithogon egarek mekeat he, pereat, at Allah nen yabokane degetdigin werek o. Allah nen, ninebe yi, param ha'isekhe dogoagaluk winametdinanhikhe 'buk. At he, ninoe Etagapogot hasigat winametdinanhikhe iti o. Ninebe yi iteerek he, ninoe Etagapogot werek o.

1 Korintus 9:2

It akhuni aperek nen an hasik ekhe dogolik, “At Paulus Kristus nen ayoko 'bigidek o,” iluk isi halok he, hit nen, itithogon usak dek. An nayoko 'biluk la'ani ageikhemo wagagi iluk, hit hinebe ninoe Etagapogot hinom hunik welagap iti baga ekagat hutdanusak o.

2 Korintus 4:18

Nit he, yi meke ti meke ninileken hogorek meke iti dek asigin meke re, ninileken hogorek dek meke iti ikhok motok dogogin iti nen, ninileken hogorek meke iti hasik ninaporoak thebe iluk hagakhidek, ninileken hogorek dek meke iti hasik ninaporoak thebe iluk yabu hagakhe lago o.

Galatia 5:6

Iti nen, nit Kristus Yesus ninom hunik dogolik, ninoado aperlagap palek meke dek, it aperek palek dek meke dek, ipisak tak-tak welago. Halok he, iti hasik penasusak dek. Kok he, ninetaiken Kristus oba hakotdiluk dogolik, akhuni ninakmurinakhorek iti baga ekagat ariogo.

Kolose 1:29

An wene iti hasik bogokhogon hagasigiluk, at Kristus obatne etnogo an nakla dogolik nobatnetnakho korlek, nobatnerogonat hagakho motok welagei iti o.

Kolose 2:22

Wene iti, akhuni nenat, yi meke ti meke nasinem dek agarek meke hasigat, “Yigithogon hagakhe dogouok,” iluk akhuni nen wene palharek hagat, inasuk wakhik, yakulisigik, iliogei iti.

Kolose 3:2

Hinebe watlagagisip nen, yabokane Kristus hinomat hiniluk dogogun meke Allah nen aban thelekmatdigidek aburarek werek iti nen, hinakla nen, yi meke ti meke agat oba meke oba ebekhidek dogolik, pogot oba meke oba ebekhe dogono.

1 Tesalonika 1:3

Ninopase Allah il oba sembayan itithogon ekhe dogolik, hit hinetaiken Allah oba hakotdiluk dogolik hagakhe lagap meke inom, akhuni aperek hinakmurogo dogolik, hinobatnerogo yomageisekhe lagap meke inom, hinakla nen, “Ninoe Etagapogot Yesus Kristus nen hano hagatninabigin,” iluk hinebe hinobakhanini hapugutdiluk welagap meke inom, nit nen hit hagakhe lagap meke iti hasik obarlikmatdigidek, eberek motok welago.

2 Timotius 2:19

Meke re, Allah nen o herlaga negen 'bisikhe meke obatneak motogat dogogin iti baga holal men iluk waganek werek iti o, “Ninoe Etagapogot ekaerek a'buri wenageinakhikhe meke iti inebe ilu o,” iluk isikhe. Nen, wene ageikhe, “It aperek nen, An nebe ninoe Etagapogot a'burat o, iluk, iliogei meke, Weak hagasusak nina'it o, iluk here'isalok mirlokhogon lo laga dogoak o,” iluk, isikhemo holal waganek werek iti o.

Ibrani 12:16

At Esau hipiri abu nen, men isikhe, “Makusa itago an atma, an ite asigin meke iti kok he, dek. Nagot ite asuak,” iluk hipiri piring opakiat temerek meke hasik, at agot oba oko waganhikhe iti hak, hit aperek param hagakhik, wene ebeat meke kogotdigidek hinakla puk ageik, hagakhe dogogup o.

Ibrani 4:11

It ale Allah ane hologo mothogon hagakhidek nen, thet waligidek iti hak, nit aperek it inomanem thet waligidek hagasunogo iluk, ninobatnerogon hagakhe dogouok o.

1 Petrus 1:24

Iti, Allah ane men iluk holal waganek werek hak, “Akhuni tha'bokhogonat he, inebe oka hakeneat o. Hano iluk hogorinakharek iti, o eken hogorakharek iti hak hogorinakharek iti. Eka puk ageik, eken lologo usasigik, hagakherek iti.

2 Petrus 1:17

Nit o etoma werekma, ninopase Allah nen, at Yesus ebe hogorakhik, heagei wakhik, hagakhunem nit ninasuk holhugu. At Allah ebe kogat hogorakho motok welageikharek meke etnogo nen, “An na'but netaiken hunik meke noba hotok egerek ebe itiat,”