Yohanes 6:20 - ALLAH ANE WENW KET MEKE WAROGO WOKNINAKHIKHE WENE

²⁰ Inayuk motok agoukhama, at Yesus nen, men yogeisasikhe, “Nagarumi. Hinagorakma. An nebeat waga lagei. Halok he, hinayuk agup o,” iluk yogeisasikhemo,

Yohanes 6:20 ပူးပေါင်းရင်းမြစ်များ

Markus 16:6

Inakmaken lageikhemo, at ap elege meke etnogo nen, men yogeisasikhe, “Hinakmaken lagup o. Yesus ai o Nazaret meke o baga meldiluk wakha etnogo herarik wagap meke re, ebe yoma dek. Allah nen ilugutdekhemo werek o. Warek 'begama etnogo oboluk anek yi hinileken 'bikhani o.

Yohanes 6:19

I hoklabu kogat hagakhe korlek, it emenogo ku warik turlem heisogo 5 kilometer a, 6 kilometer a, walegat asi agoukha hak, at Yesus etnogo i agoum obake holak isok 'bilik inoba mot-mot horogat wagunem, inileken lakhalok nen inayuk motok agoukha.

Yohanes 6:21

it inakla arlekenhogon Yesus ebe ku akla kola'uogoluk hagakhe korlek eranogoat, ku etnogo it nen i aik oba elaat italugun o, iluk inakla apasukhama eranogoat arat itali agoukha.