Yohanes 6:14 - ALLAH ANE WENW KET MEKE WAROGO WOKNINAKHIKHE WENE

¹⁴ Itithogon ukharlogo 'bisukhama, at Yesus nen ebe hutduagaluk elalinat hagakhikhe meke iti, it akhuni inileken hasukhasikmo nogo nen, men isukha, “Ap ageikhe nen Allah ane agat oba yoma yoknisasigin isukha etnogo eberogonat, ebe yiat o,” iluk isukha.

Yohanes 6:14 ပူးပေါင်းရင်းမြစ်များ

Matius 11:3

La'isa ageikhemo wagoukhasik nen, “Ap ageikhe wisigin iluk ekhe lagoukha etnogo, harat a? E a, at he, ninat meke ageikhe therogo dogogun a?” iluk yogokhukhama,

Matius 21:11

it akhuni doalegat emenogo nen, “Yi Yesus Allah ane yogeisekherek meke, ai o Galilea eloke o Nazaret meke etnogo waga yi o,” iluk yogeisasukha.

Lukas 24:19

at Yesus nen, “Wene iti nikithogon hagatlaga meke egen,” iluk yogokhikhemo, it eranogo nen, men yogokhukha, “Ap etaga Yesus, ai Nazaret meke iti, ebe Allah ane yogeisekherek mekeat dogolik, Allah il oba, nit akhuni tha'bokhogonat ninil oba, wene yogeisigik, yi meke ti meke hagakhik, obatnerogo hagakhe laga mekeat he,

Lukas 7:16

Itithogon hagakhikhemo, akhuni doalegat emenogo inayuk agoukhasik nen, Allah hogorakhe dogolik, men isukha, “Ap kok Allah ane yoknisekhe dogogin meke ageikhe ninakla winam aga o!” iluk igik, nen, it aperek nen, “Allah nen a'buri tilninabigiluk waga yi,” iluk igik, isukha.

Yohanes 1:21

Itithogon yogeisasikhemo it nen, men yogokhukha, “Halok he, hat hebe tha nogo? Hebe Elia a?” iluk yogokhukhama, at nen, “An nebe at iti 'buk, ninat o,” iluk, yogeisekhe lageikhemo, it nen men yogokhukha, “Halok he, ap ageikhe Allah ane yoknisekhe dogoagaluk ayoko 'biluk la'isigin isikhe etnogo a?” iluk yogokhukhama, at nen, “Iti an degat o,” iluk yogeisasikhe.

Yohanes 11:27

at Marta nen he, men yogokhikhe, “Noe. Hat hebe Allah a'but Kristus, Allah nen wenago meldiluk la'isigin isukha etnogo, harat iluk, hutdagagi o,” iluk yogokhikhe.

Yohanes 2:11

At Yesus ebe hutduagaluk elalin meke ageikhe hagakhidekma alebageik hagakhikhe iti, o Galilea o ukul Kana dogolik hagakhikhe iti baga, at hogorakharek meke inilurogo yakulisasikhemo, it at agarumi ane waganhe lagoukha meke emenogo Yesus ebe hutdiluk, inetaiken at oba hakotdisukha.

Yohanes 4:19

Itithogon pakhogon yogokhe lageikhemo, at he etnogo nen, men yogokhikhe, “Eiye. La'uk. Hat hebe, eberogonat Allah ane yogeisegetek meke higi, iluk arat hutdagagi o.

Yohanes 4:25

Itithogon yogokhikhemo, at he etnogo nen, men yogokhikhe, “Mesias akhuni tilninabuagaluk Allah nen kok etaga Kristus iti la'isigin. La'i agunem ebe witluk yi wene ti wene tha'bokhogonat nit yakulnisekhe dogogin iluk an nilu o,” iluk yogokhikhe.

Yohanes 4:42

he etnogo men yogokhukha, “Yogotak nit ninetaiken at oba hakotdogo yi, wene hat nen yoknisegen iti baga anek ninetaiken at oba hakotdogo 'buk. Dek o. At he, at ebe nen wene yoknisugunem ninekaerek nen ninasuk tomok holhik, Akhuni agat oba meke tha'bokhogonat tilinakherek meke ebe yiat o, iluk hutdiluk ninilu ageik, hagakho iti baga nen ninetaiken at oba hakotdogoat o,” iluk yogokhukha.

Yohanes 6:2

I aik ilibaganke italhunem, alebat akhuni inoba u warek meke elalinat hagarinakhunem inileken hasukhasikmo nogo nen he, akhuni inebe doalegat doaldiluk, at oporlik lagoukha.

Yohanes 6:26

at Yesus nen, men yogeisasikhe, “An wene ageikhe yokhisak. An nebe hutdanubageik iluk elalinat hagakhunem hinileken neegep etnogo nen heraknabik wagap 'buk. Dek o. Hipiri roti meke supusogon wokhisigima hina'ithogon nekep etnogo nenat heraknabik wagap hisigi o, iluk, eberogonat yokhisigi.

Yohanes 6:30

it nen men yogokhukha, “Hebe hutdaguagaluk, elalin meke ageikhe hagakhunem ninileken 'bikhealok, ninetaiken hoba hakotduok nen, ebe ki meke hagasigin. Ageikhe nikithogon hagasigin.

Yohanes 7:40

Wene itithogon yogeisugunem, akhuni doalegat emenogo inasuk holhukhasik, it aperek nen, men isukha, “Ap yi, ap ageikhe Allah ane yoknisasigin iluk, therogo welagorek etnogoat o,” iluk ugunem

La'isasikhe 7:37

Nen, akhuni Israel meke yogeisekhe dogolik, Allah nen ap at ane yokhisekhe dogoagaluk, ap hit meke ageikhe an meldanhikhe iti hak, yabokane meldigin etnaga o, iluk yogeisasikhe iti, at Musa nenat o.