Yohanes 6:11 - ALLAH ANE WENW KET MEKE WAROGO WOKNINAKHIKHE WENE

¹¹ Itithogon hureklarik lagoukhama, at Yesus nen hipiri roti meke eranogo ikimo waganhikhesik nen, “Allah nopase,” iluk heagei warogo, akhuni doalegat hurek lagoukha meke emenogo supurisalok, ikan eranogo itithogonat supurisasikhe. Supurisasikhemo, it inakla nen, nelo apasukha meke re, hipiri ina'ithogon nasukha.

Yohanes 6:11 ပူးပေါင်းရင်းမြစ်များ

Matius 15:36

Yogeisasikhesik nen, hipiri roti meke 7 baga eranogo inom, ikan eranogo inom, ikimo waganhikhesik nen, Allah heagei warogo, at agarumi ane waganhe lagoukha meke emenogo nen supurisoagaluk, kusogo wogeisasikhemo, it nen supurisasukha.

Lukas 24:30

Ukisukhasik inom hipiri nuogoluk nen hurek lageikhesik hipiri roti meke ikimo waganhikhesik nen, Allah heagei warogo kusogo it emenogo wogeisasikhe.

Yohanes 21:10

Itithogon inileken hasukhama, at Yesus nen, men yogeisasikhe, “Nagarumi. Ikan ket waganhep emenogo aperek wolok witni o,” iluk yogeisasikhemo,

Yohanes 21:13

Itithogon thogotdisukhasik werekma, at Yesus nen yabokane inoba horokhogon lageikhesik nen, roti etnogo waganhikhesik, it supurisalok, ikan etnogo itithogonat supurisasikhe.

Yohanes 21:9

Arat uki agoukhasik ku akla nen dukhi agoukha hak, ikan men, roti men, werago hetu eken oba dukthek werekma inileken hasukha.

Yohanes 6:23

yabokane ku ninat meke aperek akhuni o etaga Tiberias meke nen warik, ninoe Etagapogot Yesus nen sembayan Allah heagei warogo nen hipiri roti meke supurisasikhemo nasukha baga etnogo alilu itali agoukhasik werekma, inileken hasukha.

Yohanes 6:9

“Noe. Yoma elege ageikhe hipiri roti jelai werago meke 5 oba, nen ikan pere meke inom hago werek mekeat he, akhuni motok doalegat yigirlikmo erlok nausak a? Erlok dek o,” iluk yogokhikhemo

La'isasikhe 27:35

Itithogon yogeisasikhesik, roti ageikhe ikimo waganhikhesik nen, it tha'bokhogonat inil oba Allah heagei warogo, at tak kusogo nasikhe.

Roma 14:6

It nen, “O yogotak yinem anek he, yi meke ti meke hagasusak dek,” iluk egarek meke iti, ninoe Etagapogot hasigat apegarek o. Nen, it aperek yi meke ti meke yugunat nekarek meke iti, ninoe Etagapogot hasigat neke dogolik, Allah heagei wakharek iti. Nen, it nekarek dek meke iti, ninoe Etagapogot hasigat nikidek thogotdekhe dogolik, Allah heagei wakharegat iti.

1 Korintus 10:31

an men yokhisak. Hipiri inom, i inom, nikik, yi meke ti meke hagakhik, itithogon tah'bokhogonat hagakhe dogolik, akhuni nen Allah hogorasuagalugat hagakhe dogono o.

1 Tesalonika 5:18

Allah akla nen he, “Hit Kristus Yesus hinom hunik dogolik, yi meke ti meke tha'bokhogonat hasik an heagei watnakhe dogosak o,” iluk apekherek iti nen, itithogonat hagakhe dogono.