Yohanes 5:46 - ALLAH ANE WENW KET MEKE WAROGO WOKNINAKHIKHE WENE

⁴⁶ An nabok hinilu asuagaluk, at Musa nen holal waganogo 'bisikhe iti nen, at nen holal waganhikhe meke iti eberogonat iluk hutdekhe dogolepma, Yesus eberogonat, iluk hutdanilebat o.

Yohanes 5:46 ပူးပေါင်းရင်းမြစ်များ

Lukas 24:27

Itithogon yogeisasikhesik nen, at ekaerek hasik Musa nen holal waganhikhe emenogo hurli nen logat, it ap Allah ane yogeisekhe lagoukha meke nen holal waganhukha emenogo, tha'bokhogonat hutukhogon pilinerogon yogeisasikhe.

Yohanes 1:45

Oporlik laga dogolik, at Filipus etnogo nen yabokane Natanael herakhikhesik men yogokhikhe, “Natanael. At Musa nen wene Allah nen ninasuk wakhikhe wene etnogo baga, ap ageikhe abok ekhe dogolik, holal waganhik, nen, it ap Allah ane yogeisekhe lagoukha meke emenogo nen abok ekhe dogolik, holal waganhik, hagakhukha meke etnogo, nit arat herakho. At ebe re, Yusuf a'but o Nazaret meke Yesus at o,” iluk yogokhikhe meke re,

Yohanes 5:47

Meke re, wene Musa nen holal waganogo 'bisikhe meke iti, hit nen eberogonat iluk hutdigidek dogolik, an nane iti nikithogon hutdiluk eberogonat iluk apagun. Erlok dek o,” iluk yogeisasikhe.

La'isasikhe 26:22

Nasuogoluk hagakhukha mekeat, Allah nen haknarek motok werekma, an yogotak yoma metek dogolik hit ap koktek men, hinagarumi men, wene an nen yokhisekhe lagei yi. Wene yi haganeat nen, it ap Allah ane yogeisekhe lagoukha meke nen men, at Musa nen men, Yabokane itithogon hagatlasigin, iluk isukha mekeat yokhisekhe lagei o.

Roma 10:4

At Kristus ebe agat oba usageikhe iti baga, wene Allah nen ninasuk wakhikhe wene etnogo tha'bokhogonat mothogon anek hagakhikhe. Akhuni inetaiken at Kristus oba hakotdegarek meke inebe dopok, wene inoba meke korogo wokhalok, yabokane inapuke Allah inom hunogo 'bisekherek.

Galatia 2:19

Meke re, wene Allah nen ninasuk wakhikhe wene iti nen nebe warek meke hakene hagatnakhemo, an nebe niluk dogolik Allah hasik hagakhe dogeigiluk, wene iti hasik warek negen welagei. Iti Kristus ebe o baga meldiluk wakhukha iti nipisagat ninakhukha iti.

Galatia 3:10

Nen, Allah ane baga holal men waganogo 'bisukha, “Wene an nen inasuk wakhigimo holal waganek werek iti tha'bokhogonat akhuni inasuk holiluk nen, mothogon hagakharek dek halok, inebe dopok homan 'bisagein werek o,” iluk isikhemo, holal waganogo 'bisukha hak, it akhuni aperek nen wene Allah nen ninasuk wakhikhe wene etnogo mothogon hagasuogoluk, inetaiken iti baga hakotdiluk welageikharek meke, Allah nen homan 'bisagein weregat o.

Galatia 3:13

Allah ane baga holal waganogo 'bekhe dogolik, men isukha, “Inebe o baga meldisalok inasumo, it inebe watlasugun meke iti, Allah nen homan 'bisagein werek o,” iluk, holal waganogo 'bisukha hagat, wene Allah nen ninasuk wakhikhe wene iti baga, homan 'binanusak mot werekma, at Kristus nen ninoko palogo tilninabigiluk wene nit ninoba meke korogo at oba 'bakhasikhe iti.

Galatia 3:24

Nit ninetaiken Yesus oba hakotdisinem, wene ninoba meke korogo wokhalok, Allah ninom yabokane ninapuke hunogo 'binagaluk, Kristus aban itaklageidek werek korlek, wene ninasuk wakhikhe wene etnogo nen haknisik dogoagaluk isikhe iti.