Yohanes 5:45 - ALLAH ANE WENW KET MEKE WAROGO WOKNINAKHIKHE WENE

⁴⁵ Meke re, an nen Allah il oba wene hinoba 'bigin iluk hinakla apugup o. At he, Musa ane iti bagaat hanotninabigin iluk hinakla arleken akhegethep mekeat he, at nenat, wene hinoba 'bigin o.

Yohanes 5:45 ပူးပေါင်းရင်းမြစ်များ

Lukas 16:29

at Abraham nen, men yogokhikhe, It iti Musa wene iti inom, ap Allah ane yogeisekhe lagoukha meke emenogo inane iti inom, hago weregat o. Halok he, wene itiat holhe dogosak o, iluk yogokhikhemo,

Yohanes 12:48

At he, at iti an nebe woknabu a'irat, nen nane hanorogon waganusak a'irat, iti nen, at iti wene oba 'bigin meke werek o. Wene oba 'bigin iti, o ilugun hurli baga karelinabigin iti nen, an nen wene yokhisekhe lagei iti bagaat wene oba asigin o, iluk itithogon yokhisekhe lagei iti,

Yohanes 7:19

Nen, Allah nen wene ninasuk wakhikhe wene iti, Musa nen holal waganogo wokhisasikhe dek nogo? Wokhisasikheat apigi. Meke re, ap hit meke ageikhe nen wene iti mothogon hagakhidek dogolik an nasuogoluk abok palhe lagap iti nenaluk,” iluk yogeisasikhemo,

Yohanes 8:9

Itithogon holal waganhe korlek, it emenogo wene yogeisasikhe meke etnogo inasuk holhukhasik, it inarluetek tak dukhisukhama, yabokane inebe tha'bokhogonat opakitek dukhisukhama, at Yesus he etnogo ipisak inarligat dogolik,

Roma 2:12

It akhuni itikmanke meke wene Allah nen ninasuk wakhikhe wene etnogo inokodek dogolik weak hagakharethekma nogo nen, wene iti inokodek dogoligat nuk asugun o. Mekeat he, it akhuni Yahudi meke wene iti inilu dogolik weak hagakharethekma nogo nen, wene iti baga initema waganogo wene inoba 'bigin o.

Galatia 3:10

Nen, Allah ane baga holal men waganogo 'bisukha, “Wene an nen inasuk wakhigimo holal waganek werek iti tha'bokhogonat akhuni inasuk holiluk nen, mothogon hagakharek dek halok, inebe dopok homan 'bisagein werek o,” iluk isikhemo, holal waganogo 'bisukha hak, it akhuni aperek nen wene Allah nen ninasuk wakhikhe wene etnogo mothogon hagasuogoluk, inetaiken iti baga hakotdiluk welageikharek meke, Allah nen homan 'bisagein weregat o.