Yohanes 5:39 - ALLAH ANE WENW KET MEKE WAROGO WOKNINAKHIKHE WENE39 Hit nen apekhe dogolik, Niniluk motok dogogun he, Allah ane holal waganek hago welago yi bagaat dogogun o, iluk, holal waganek iti hanorogon 'bikhegethep mekeat he, holal waganek iti, an nebe hutdanuagaluk holal waganhukhama werek korlegat, အခန်းကိုကြည့်ပါ။ |
Yohanes 5:39
51 ပူးပေါင်းရင်းမြစ်များ
at Abraham nen, men isikhe, It hoe hagot etoma Musa wene inom it ap Allah ane yogeisekhe lagoukha meke inane iti inom, inasuk holhidek halok he, ap ageikhe watlatluk lageikharekma nen iluk atluk yogeisa laumo, it iti inakla nen, eberogonat apalok inasuk holusak erlok degat o, iluk yogokhikhe,” iluk Yesus nen yogeisasikhe.
Nalok nen, it emenogo men yogeisasikhe, “An hit ninom dogolik yokhisekhe dogolik, An hagatnabugun meke holal Musa nen waganhik, ap Allah ane yogeisekhe lagoukha meke emenogo nen waganhik, it aperek nen buku Mazmur oba waganhik, holal waganogo 'bisukha iti tak-tagat, an arat hagatnabugun, iluk yokhisekhe lagei etnogo ebe arat hagatlaga yi o,” iluk,
Oporlik laga dogolik, at Filipus etnogo nen yabokane Natanael herakhikhesik men yogokhikhe, “Natanael. At Musa nen wene Allah nen ninasuk wakhikhe wene etnogo baga, ap ageikhe abok ekhe dogolik, holal waganhik, nen, it ap Allah ane yogeisekhe lagoukha meke emenogo nen abok ekhe dogolik, holal waganhik, hagakhukha meke etnogo, nit arat herakho. At ebe re, Yusuf a'but o Nazaret meke Yesus at o,” iluk yogokhikhe meke re,
an nebe hutdanuagaluk, at nen nabok pilinogo yokhisekhe lageikhe mekeat he, erlok dek negen. At he, an nopase nen, Nayabu ato 'bigidek tha'bokhogon hagatno, iluk nayoko 'bisikhemo hagakhe lagei iti baga anek he, akhuni nen, At ebe opase nen la'i ageikhemo, iluk nabok isinem inasuk holiluk nebe hutdanu hagat, hutdanusak o.
Wene la'i aga meke iti, it akhuni o Yerusalem meke inougi koktek inom nenat, Yesus ebe hutdigidek. Hutdigidek dogolik, haganeat it ap Allah ane yogeisekhe lagoukha meke emenogo nen wene holal waganogo 'bisukha meke waganek werekma, sembayan hibiku-yogoku hagakhe dogolik etaga thalhunem inasuk holharek mekeat he, wene ebe hutdigidek. Itithogon hutdigidek dogolik, ukum Yesus oba 'biluk ebe wakhukha iti baga, wene haganeat isukha meke iti ebeat ageikhe iti.
It akhuni Yahudi o Berea meke inobabut, akhuni o Tesalonika meke inakla puk welagoukha iti hak dek. At he, it wene inakla arlekenhogo waganhe dogolik, “Wene ekhe iti eberogonat a? Men a,” iluk, Allah ane holal waganogo 'bisukha meke etnogo hibiku-yogokuat etaga thalogo hutukhogon 'bikhekhe lagoukha.
Akhuni inameke doalegat meke inikierek welageikharek hak, hit nen, Kristus ane itiat hinetaikenma obatnerogon 'biluk dogolik, hinakla kagalogoat, hit-hit wene hinasuk wat-wat hagakhe dogolik, wene hit nen yakulisigik, it nen yakulhisigik, hagakhe dogono. Yakulisekhe dogolik, Allah hasi etai Mazmur meke wakhik, etai Allah hogorakharek meke wakhik, Allah Agoreke nen hinakla kagalhunem, etai ket kagalogo wakhik, hagakhe dogolik, hinetaikenma nen Allah heagei wakhe dogono.
it humi aperek ineagei warek meke yabokane inilugurinakhunem woginakhik, hagarik aga lagoukha. Itithogon hagarik laga korlek, it aperek, “Ninebe yabokane hano dogogun meke Allah nen ninilugutninabigin meke werek o,” iluk akhuni aperek nen inebe wiik-weakhogon hagarinakhe korlek, inoado inirlirli horligidek welagoukhaat.
Itithogon yoknekhe lagama, an nen at malaikat etnogo apma ukiluk nitibagal yukukhogon hogorasigiluk hagakhi mekeat he, at nen yoknekhe dogolik, “Dek. Dek. Itithogon hogotnabusak dek o. An nebe hat inom, hagarlak lak inom, ninom tak-tagat o. Wene Yesus nen yoknisasikhe meke yogeisilik nekharek meke iti, at Allah Agoreke nen inakla kagalogo yogeisugunem yogeisegarek iti, wene erlo at Yesus nen yoknisasikhe itiat o. Halok he, at Allah at hogorasusak o,” iluk yoknekhe.
ကြော်ငြာတွေ