Yohanes 5:36 - ALLAH ANE WENW KET MEKE WAROGO WOKNINAKHIKHE WENE

³⁶ an nebe hutdanuagaluk, at nen nabok pilinogo yokhisekhe lageikhe mekeat he, erlok dek negen. At he, an nopase nen, Nayabu ato 'bigidek tha'bokhogon hagatno, iluk nayoko 'bisikhemo hagakhe lagei iti baga anek he, akhuni nen, At ebe opase nen la'i ageikhemo, iluk nabok isinem inasuk holiluk nebe hutdanu hagat, hutdanusak o.

Yohanes 5:36 ပူးပေါင်းရင်းမြစ်များ

Matius 11:4

at Yesus nen men yogeisasikhe, “Hit he, an yigithogon igithogon hagakhunem hinileken neegik, wene isinem hinasuk holhik, hagakhep meke iti, at Yohanes hutukhogon yogosi lano o.

Lukas 2:49

at Yesus nen, “Hit an heraknabik nekhe lagap nenaluk. An nopase ai halekma dogosak iluk hinokodek a?” iluk yogeisasikhe meke re,

Yohanes 10:25

at Yesus nen he, men yogeisasikhe, “An arat yokhisekhe lagei mekeat he, hit nen eberogonat iluk apekhe lagap dek o. An nopase nen nayoko 'bisikhemo hagakhe lagei iti, an nabok pakhogon yokhisau hagat, hagakhe lagei mekeat he,

Yohanes 11:37

Itithogon isukha mekeat, it akhuni emenogo meke ebetlake nen men isukha, “At nen ap ageikhe ileken puk meke hano hagakhe iti hak, Lazarus iluk dogoagaluk hagatlepma re, watlatlep apegep? Watlatlep degat o,” iluk isukha.

Yohanes 15:24

It akhuni aperek nen hagakharek motok dek meke, yi wene ti wene inil oba hagakhe lagagi etnogo hagakhe dogole dekma re, It weak, iluk ile dek o. Itithogon mekeat he, an nen wene iti tha'bokhogonat hagakhunem inileken neasukhasik nen, an nopase nipisak ina'it motok hagatninabiogei o.

Yohanes 17:4

An nen agat oba yi meke ti meke hagasuagaluk meldanhigin etnogo yabu ebe arat hagakhe lagarik tirliphogonat hagakhi iti baga nen kogotdagagi o.

Yohanes 2:23

Itithogon isukhasik werek korlek, o Yerusalem it akhuni Yahudi meke domba warogo pesta Paskah nasi korlek, at Yesus etoma inom dogolik ebe hutduagaluk, elalin meke hagarik lageikhe iti nen, akhuni doalegat inileken hasukhasik nen inetaiken at oba hakotdisukha.

Yohanes 3:17

Nen, an Allah a'but agat oba yoma la'ani ageikhe iti, yi akhuni ti akhuni wene inoba 'biluk weagarinabuagaluk la'ani ageikhe 'buk. Meke re, inebe tilinabuagaluk la'ani ageikhe o.

Yohanes 3:2

Nen, ap iti o hibako iniki ageikhe baga Yesus oba wageikhesik nen, men yogokhikhe, “Noe. Ap ageikhe Allah ipisak hunik dek halok he, hat nen elalin meke hagarik nekhe lagan iti hak, hagasusak motok erlok dek. Iti nen, hat nen wene yakulnisoagaluk Allah nen la'agei agama wagan iluk ninilu aga,” iluk yogokhikhe.

Yohanes 4:34

Itithogon isukhama at Yesus nen, men yogeisasikhe, “At an la'ani ageikhe meke etnogo akla apekherek meke tak-tagat hagakhe lagei iti inom, an hagasuagaluk nayoko bisikhe meke iti yabu ilugun thirliphogon hagasigiluk hagakhe lagei iti inom, an napiri itiat o.

Yohanes 5:32

Itithogon mekeat he, an nebe hutdanuagaluk, at ageikhe nen nabok pilinogo yokhisiliogo iti, eberogonat yokhisiliogo iluk, an nilu o.

La'isasikhe 2:22

Meke re, hit akhuni Israel meke nagarlak lak nerugi. An nane igin yi holini. Yesus ai Nazaret meke etnogo Allah nen ayoko 'bisikhemo, ninom dogolik, wene hutduagaluk hagasusak dek meke Allah nen iki obatnerogon elalinat hagakhe lageikhe iti nen, ebe Yesus nenat hagakhe lageikhe. Halok he, Yesus Allah nen la'i ageikhemo, iluk thelekmaat hagatlageikhe iti hinilu.

1 Yohanes 5:9

Wene akhuni nen pakhogon yoknisugunem, “Eberogonat,” iluk hutdogorek iti erlok dek. Itithogon mekeat he, at Allah ebe a'but abok pakhogon yoknisasikhe iti anek he, “Motok eberogonat,” iluk hutdusagat o.