Yohanes 5:26 - ALLAH ANE WENW KET MEKE WAROGO WOKNINAKHIKHE WENE

²⁶ Iniluk motok welageihkarek meke erlo an nopase ekaerek ite welagarek iti hak, a'but an niki baga 'banhikhemo iteerek welagei o.

Yohanes 5:26 ပူးပေါင်းရင်းမြစ်များ

Yohanes 1:4

Ninilugutninakherek meke erlo arat welagarek iti nen, nit akhuni liatninabi ageikhe.

Yohanes 10:18

An nen watlasigin apigidekmaat, it akhuni aperek nen obakha baga nasusak erlok dek o. An nekaerek nakla nenat, nebe watlasigin apagein obaat watlasigin o. Watlatluk yabokane napuke niluk asigin iti nekaerek nakla nen apagein obaat o. Itithogon hagasuagaluk nopase nen la'ani ageikhe mekeat hagasigin o, iluk eberogonat yokhisigi,” iluk yogeisasikhe.

Yohanes 11:25

at Yesus nen, men yogokhikhe, “Akhuni iniluk motok dogoagaluk, an nenat inilugurinakherek o. At tha nen etaiken an noba hakotdilukmo nen watlasigin halok, at ebe watlasigin mekeat he, yabokane iluk atluk iluk motok dogogin o.

Yohanes 11:26

Nen, akhuni iniluk dogolik inetaiken an noba hakotdegarek meke, inebe dopok watlageidek iniluk motok dogogun o. Wene iti eberogonat iluk hutdegen a?” iluk yogokhe lageikhemo,

Yohanes 14:19

Niniki herlekha'bugat dogoluk nen, akhuni agat oba meke inileken neagun motok dek mekeat he, hit anek he, an nilugat dogogin, nen hit yabokane hinilugat dogogun iti nen, hinileken neagun o.

Yohanes 14:6

at Yesus nen, men yogokhikhe, “Holak inom, ebe wene inom, inilugurinakherek inom, iti an nebeat o. At tha nen an noba wageidek halok, nopase werekma ukusak motok erlok dek o,” iluk yogokhikhesik,

Yohanes 4:10

Yogokhikhemo, at Yesus nen at he etnogo men yogokhikhe, “Allah obabut hano nen werlegat okorlek wogeisekherek meke iti men, nen an nen, I ageikhe henago woknom, iluk kino yokhikhi iti, nebe men hutdanilenma, hat nen i ageikhe kino yoknekhunem, an nen i inilugurinakherek meke eberogonat wokhetle o,” iluk yogokhikhe.

Yohanes 6:57

An nopase iluk motok welagarek meke nen la'ani ageikhemo wagagi etnogo, at iluk welagarek iti nen an niluk welagarek hak, tha nen, an nebe neke halok, an niluk welagarek iti nen, at ilugat dogogin o.

Yohanes 8:51

Nen, tha nen an nane hologo hagakhe dogogin halok he, watlageidek iluk motok dogogin o, iluk eberogonat yokhisigi o,” iluk yogeisekhe lageikhemo,

La'isasikhe 17:25

Nit akhuni tha'bokhogonat, at nenat ninebe ninilugutninakhik, thet woknisigik, yi meke ti meke woknisigik, hagakherek iti nen, yi meke ti meke at erlageik iluk nit akhuni nen wogosusak erlok dek o.

1 Korintus 15:45

Wene itithogon iluk, Allah ane holal waganhe dogolik, “Ap Adam alebageik meke iti, ebe iluk meke winametdisikhe,” iluk holal waganogo 'bisukha. Mekeat he ap Adam yabokane meke iti, Agoreke nen inilugurinakherek meke wageikhe.

1 Timotius 1:17

Ninopase kok Etagapogot Allah iti arligat o. At ebe ninileken hogorek dek. Kok ikhok motok welagarek meke itiat o, iluk, hogorakhik, heagei wakhik, hagakho motok dogouok o, iluk, “Amin,” igi iti o.

1 Timotius 6:16

Nen, at ebe watlageidek ikhok motok welagarek he, at arligat o. At ebe o lia baga motok werekma, inileken sirluk-pabuk iluk, oba horokhogon lausak erlok dek o. At ebe akhuni ageikhe nen inileken higidegat. Itithogon hausak erlok dek. Obatne motok dogogin meke iti, hogorakho motok dogouok o, iluk, “Amin,” igi iti.

Ibrani 1:2

Meke re, o ilugun oba, nit yogotak welago ya baga, Allah nen a'but yogokhikhemo, at nen nit yakulnisa ageikhe. At a'but iti, erloma Allah nen yi meke ti meke tha'bokhogonat winametdisikhe iti, ebe at a'but nenat winametdisikhemo, iteerek dogoagaluk meldisikhemo dogogin iti o.

A'bikaka 21:6

Itithogon yoknekhesik yabokane ageikhe men yoknekhe, “Arat. Erlo men, ekapul men, anatma, an nebe erlo baga nen logat, ekapul oba nikhok motok dogogin meke nen, akhuni i abu meke i inilugurinakherek meke elesimo nen henago oko dek werlegat wogeisekhe dogogin o.

A'bikaka 22:1

Itithogon yakulnekhemo higirik oba nen yabokane, Allah inom, Domba Eak inom, ipisak kok motok welageikharekma inobolukmo nen, i inilugurinakherek meke elokhoken mirliak hano inamukhak hakene meke elesi hunalogo dukhitluk nen,

A'bikaka 22:17

Itithogon yoknekhesikmo nen, yabokane, men yoknekhe, “Tha nen i abu nen nausak warlok halok he, i inilugurinakherek meke okorlek werlegat horlalok noagaluk, Allah Agoreke inom, Domba Eak age negen waganhe meke etnogo inom, ipisak nen ekhe dogolik, Naetni o, iluk yogeisugunem, it aperek inebe tomok it ipisak inane inasuk holiogei meke nen, Naetni o, iluk ekhe dogosagat o,” iluk isinem holhi.