Yohanes 5:16 - ALLAH ANE WENW KET MEKE WAROGO WOKNINAKHIKHE WENE

¹⁶ Itithogon yogeisasikhemo, it akhuni Yahudi meke Allah hasik iniki 7 baga werlegat werek korlek, Yesus nen ap etnogo u hano hagakhikhe iti nen, at Yesus ebe weagatduogoluk hagakhukha,

Yohanes 5:16 ပူးပေါင်းရင်းမြစ်များ

Matius 12:13

Itithogon yogeisasikhesik ap etnogo men yogokhikhe, “Hiki walokhan,” iluk yogokhikhemo, iki etnogo walothasinem iki ebelake hano hagat, hano motok ageikhe.

Markus 3:6

Iki itithogon hano hagakhikhemo, it ap Farisi meke emenogo dukhisukhasik ibat Herodes agarumi inoba lagoukhasik nen, “Yesus nikithogon wasuok,” iluk inom abok palhukha.

Lukas 6:11

Itithogon hagakhikhemo, it ap Allah ane holal waganek iteerek meke emenogo men, it Farisi meke emenogo men, inakla aga apik dageiluk nen, “At Yesus nikithogon hagasuok he,” iluk, it-it abok palhe lagoukha.

Yohanes 1:19

At Yohanes nen wene itithogon yogeisekho werekma, it ap Allah iteerek meke men, inukuloak etaga Lewi meke men, inom nen, “Yohanes. Hat hebe tha hak nogo,” iluk oba hinok waganuagaluk, ap Yahudi meke o Yerusalem nen la'isa agoukhama Yohanes oba wagoukha.

Yohanes 10:39

it nen, at Yesus ebe hakhauwogoluk hagakhukha mekeat, at it iniki agap warek polokhogon dukhisikhe.

Yohanes 15:20

Nen, ap kok ageikhe inapma negen werek korlek, at atuaneke meke kok negen welagarek dek o, iluk yokhisasigi etnogo hinakla ebetni o. It nen an weagatnakha halok he, hit itithogonat weagathinabugunat o. Nen, it nen an nane hologo hagakha halok, hit hinane hologo hagasugunat o.

Yohanes 5:10

Itithogon werlegat werek korlek hagakhikhemo lagunem, it ap koktek Yahudi meke nen inileken hasukhasik nen, ap u kerat dek ageikhe meke etnogo men yogokhukha, “Yak yi. O yogotak nen, niniki 7 baga nit Allah hasik werlegat dogolik, hat harlit eka wolok lausak dek meke wolok laga lagan,” iluk yogokhukhama,

Yohanes 5:13

at Yesus akhuni inebe doalegat welagoukha meke emenogo inakla nalageikhemo, at ap oba u hano hagakhikhe meke etnogo nen, “Tha nen hagatnakhesik yoknekhe heat,” iluk obakha palageikhesik welageikhe.

Yohanes 5:15

Itithogon yogokhikhemo, at ap etnogo it ap koktek Yahudi meke inoba lageikhesik nen, men yogeisasikhe, “Ap an u hagatnakhe igi etnogo, Yesus nenat hagatnakhemo o,” iluk yogeisasikhe.

Yohanes 5:17

Itithogon hagakhukha mekeat he, at Yesus nen wene men yogeisasikhe, “An nopase iki ageikhe thogotdigidek, o yogotak yi inomat hagarinakho motok welagarek iti hak, an itithogonat hagarinakho welagei o,” iluk yogeisasikhemo,

Yohanes 5:18

it ap koktek Yahudi meke emenogo nen iniki 7 baga Allah hasik werlegat dogolik, Yesus nen u hano hagasusak dek meke hagakhikhe iti baga anek ebe wasuogoluk isukha 'buk. At he, at nen, “An nebe Allah ninom tak-tak,” u hak he, “An nopase ebe Allah at o,” iluk isikhe iti nen, ebe wasuogoluk ebenageik abok palhe lagoukha.

Yohanes 7:21

at Yesus nen men yogeisasikhe, “An nen opaki hasik elalinat hagakhi meke re, hit tha'bokhogonat nen, Eiye! iluk hinayuk aga iti.

Yohanes 7:25

At Yesus nen wene itithogon yogeisekho werekma, it akhuni o Yerusalem meke inebe hetlake nen men ekhe lagoukha, “Ap wasuogoluk herariogei etnogo ebe ithi dek a? Ebe ithiat o.