Yohanes 4:6 - ALLAH ANE WENW KET MEKE WAROGO WOKNINAKHIKHE WENE

⁶ O dikagane jam 12 oba dagei ageikhesik, at Yesus holak nen warek nogo nen, i ap Yakub agei hulelekma henakhe lagoukhama etoma hurek lageikhesik welageikhe.

Yohanes 4:6 ပူးပေါင်းရင်းမြစ်များ

Matius 27:45

Itithogon yogokho werekma, o dikene eketurlem jam 12 oba o hi ageikhesik eta nen logat jam 3 baga, o etoma tha'bokhogonat hiat motok welageikhe.

Matius 4:2

Etoma 'bi lageikhemo dogolik, o hi ageik, wi ageik, hagakhe korlek iki 40 hari hipiri nikidek welageikhe iti nen hipiri abu motok ageikhe.

Matius 8:24

Ukisukhasik ku akla lagunem, hisakne aninirogo hubetha ageikhemo, i hoklabu nen ku wakhe dogolik akla i apem hethokhogon yekeli ukisi korlek, at Yesus noge ekhe lageikhe.

Lukas 2:7

eak makusa abat itakhasikhe. Itakhasikhesik, o akhuni huso meke noge egarekma motok kerlek ageikhemo, su kain meke baga yilogo, o sapi inapiri nekerekma ebe 'bisikhe.

Lukas 9:58

Itithogon yogokhikhemo, at Yesus nen men yogokhikhe, “Helo yeke iti, ai halek akolakla welagarek o. Nen, thue hitluk nekharek meke iti, itithogonat ai halek welagaregat. Itithogon meke re, an abat itaklasi agagi meke iti anek he, noge ekhe dogosakma nai halek motok dek o,” iluk yogokhikhe.

Yohanes 11:9

at Yesus nen, men yogokhukha, “O iniki opakiat hasik wi isinem, huben jam 6 logat hiamaganekeke jam 6 agunem dapukhogon 12 jam iniki wenakharek etnogo dek? Tha nen o mo akhuni agat oba liarinakherek meke iti ileken hekhe dogolik, ebe lia baga laga halok, isok a'bit dikhogon waragein motok dek o.

Yohanes 4:12

I yi nit ninopa kok Yakub nen hulelhikhesik, at ebe men, a'buri men, ako men neke lagoukhasik nen, nit yabokane meke neke dogoagaluk woknisasikhe meke iti, hat hakla nen, At ebe erlok dek negen. Nen, an anek nebe kogat, iluk hakla apalok nen egen a?” iluk yogokhikhe.

Yohanes 4:5

Dagei aga dogolik, o Samaria o ukul ageikhe etaga Sikhar horok horok ukuogoluk, agat ageikhe ap Yakub nen alebat a'but Yusuf wogokhikhemo etoma dagei ageikhe.

Yohanes 4:7

At etoma hurek werek korlek, agarumi ane waganhe lagoukha meke emenogo hipiri oko paluogoluk o ukul kokma etoma ukisukhama, at he Samaria meke ageikhe i henasigiluk dukhi ageikhe. Dukhi ageikhemo, at Yesus nen, men yogokhikhe, “Neru la'uk. An i ageikhe henago woknom o,” iluk, kino yogokhikhemo,

2 Korintus 8:9

Ninoe Etagapogot Yesus Kristus obabut hano nen akmutninakhikhe etnogo hit hinilu motok apigi. At ilmo horleak welageikhe mekeat he, at erlageik motok ageikhe iti baga, hit ebe meke hinilmo horleak asubageik iluk, at erlageik motok ageikhe iti o.

Ibrani 2:17

Itithogon hagakhikhe iti, yigithogon iluk. Nit akhuni weak hagakhorek meke, at nen degetdisagaluk, at ebe Allah iteerek kok dogolik, obabut Allah hasik hupukhogon hagakhik, nit akhuni akmutninakhik, erlogat hagakhe dogeigiluk, at ebe nit akhuni agarlak lak erugi hakeneat atluk, nit hagakhorek meke tha'bokhogonat ninobabut waganusak mekeat waganhikhe iti.

Ibrani 4:15

Nit ninoe kok Allah iteerek welagarek iti, nit ninobatne dek erlok dek iti, at okodek 'buk. At nit ninobabut waganhikhesik werekma, nit weak hagasuagaluk weak meke etnogo nen ninakla kagalherek hak, at itithogonat yi meke ti meke hasik akla kagali aga lageikhe mekeat he, at weak ageikhe hagakhidek dogolik ninobabut ilu o.