Yohanes 4:53 - ALLAH ANE WENW KET MEKE WAROGO WOKNINAKHIKHE WENE

⁵³ at elege opase etnogo nen akla ebekhe dogolik, “Hiamagane dikene o mo eta tak-tagat, at Yesus nen, Ha'but u dek asigin o, iluk, yoknekhe tak-tagat u dek agama,” iluk, akla ebetdiluk lageikhesik nen, at ebe men, a'buri men, inebe tha'bokhogonat inetaiken Yesus oba hakotdisukha.

Yohanes 4:53 ပူးပေါင်းရင်းမြစ်များ

Matius 8:13

Itithogon yogeisasikhesik nen, at Yesus nen ap tentara meke inoe kok etnogo men yogokhikhe, “Hebe lan o. Hat hetaiken an noba hakotdiluk, hakla nen, Itithogon hano hagatnisusak iluk apegen iti hagat, hagatlasuak o,” iluk isi korlek eranogoat, atuaneke etnogo oba hano ageikhe.

Lukas 19:9

Itithogon yogokhikhemo at Yesus nen, “Hat hebe Abraham nen itago meke nogo nen, yogotak yiat hat ha'buri hinomat Allah nen tilhinakhemo o!

Yohanes 4:51

Itithogon akla ebetdiluk holagarlem aban lagunem, at atuaneke aperek wene wolok wagoukha hak inom abuk agoukhasik nen, men yogokhukha, “Hat ha'but etnogo u arat dek agama nen wago,” iluk yogokhukhama,

Yohanes 4:52

at nen it inoba hinok waganhe dogolik, men yogeisasikhe, “O mo ka baga nen u dek aga,” yogeisasikhemo, it nen men yogokhukha, “Hiamagane dikene jam satu tak-tak oba agaken etnogo arat dek aga o,” iluk yogokhukhama,

La'isasikhe 11:14

At nen hat hebe men, hoe hagot men, ha'buri men, Allah nen tilhinabuagaluk, wene yokhisagein meke werek o, iluk yoknekhe, iluk ekhe.

La'isasikhe 16:15

Wene itithogon waganhikhemo at ebe men, it akhuni at aila opakimo welagoukha meke men, ima usa'isasukha. Usa'isasukhama, at he Lidia nen, “An nobasik hit hinakla nen, At etaiken ninoe Etagapogot oba eberogonat hakotdekhe higi, iluk hinakla apegep halok he, an ninom dogouok nen, ninom luok o,” iluk ane obatnerogon yoknisasikhemo ninom lagagu.

La'isasikhe 16:34

Ima usa'inakhukhama, at Paulus Silas ipisak at kok etnogo nen aila wogosik lageikhesik nen, hipiri melageisasikhe. Melageisasikhesik, at a'buri inom tha'bokhogonat nen inetaiken Allah oba hakotdisukhasik nen, inakla arleken akhasukha.

La'isasikhe 18:8

Etoma werekma, ap Krispus, o akhuni Yahudi meke sembayan ekhe lagoukhama iti kok iteerek welageikhe meke ebe men, a'buri men, “Wene iti eberogonat,” iluk inetaiken ninoe Etagapogot oba hakotdisukha. Hakotdisukhama, it akhuni o kota Korintus meke aperek inebe doalegat wene holiluk nen, “Eberogonat,” iluk inetaiken ninoe Etagapogot oba hakotdisukhama, inom ima usa'isasukha.

La'isasikhe 2:39

At Allah nen itithogon wokhisagein iluk wene watnisasikhe iti, hit hinebe men, hina'buri men, it aperek inai walegat meke etoma men, hinebe ninopase Etagapogot Allah nen, Witni o, iluk wahisiliogo meke, tha'bokhogonat inobasik wene hit hinoba wathisasikhe,” iluk yogeisasikhe.