Yohanes 4:39 - ALLAH ANE WENW KET MEKE WAROGO WOKNINAKHIKHE WENE

³⁹ Nen, at he etnogo uma ukisikhesik, wene men yogeisasikhe, “At ap iti nen, an yi hagakhik, ti hagakhik, hagakhe lagei meke tha'bokhogonat pakhogon motok yoknekhe,” iluk yogeisilik nekhe lageikhe iti baga, akhuni o Samaria meke etoma inebe doalegat inetaiken Yesus oba hakotdisukha.

Yohanes 4:39 ပူးပေါင်းရင်းမြစ်များ

Matius 10:5

At Yesus nen it ap inebe 12 oba iti supusogo la'isagaluk, inasuk wakhe dogolik men yogeisasikhe, “It akhuni itikmanke meke inailake lagup o. Nen, it akhuni o Samaria meke inaila lalok ukugubat o.

Yohanes 1:37

at agarumi inebe pere eranogo at ane yogeisasikhe meke inasuk holhukhasik nen, Yesus oporlik lagoukha.

Yohanes 11:45

Itithogon hagakhikhemo, it akhuni Yahudi meke inebe doalegat he Maria lak inoba wagoukhasik welagoukha meke emenogo, at Yesus nen hagakhikhe meke iti inileken hasukhasik nen, it aperek doalegat inetaiken Yesus oba hakotdisukha.

Yohanes 4:29

“Ap ageikhe nen an yi hagakhik, ti hagakhik, hagakhe lagei meke tha'bokhogonat pakhogon motok yoknekhe meke ebe eta werek o. At ebe Kristus Allah nen tilninabuagaluk la'isigin meke etnogoat a? Ninat a? Hinileken hobageik nen witni o,” iluk yogeisilik lageikhe.

Yohanes 4:30

Itithogon yogeisilik lageikhemo, it akhuni emenogo o ukul kokma etoma nen dukhi agoukhasik Yesus ebe 'bikha isuogoluk oba wagoukha.

Yohanes 4:38

It aperek nen yabu thet weakhogon waganha meke, hit nen thet degat eken palubageik iluk hinayoko 'biluk la'inagagi iti. It nen yabu thet weak halok, ebe winametdega meke, hit nen eken palhe dogobageik iluk la'inagagi o,” iluk yogeisasikhe.

Yohanes 4:40

Itithogon hakotdisukhasik nen, yabokane Yesus oba dukhi agoukhasik, men yogokhukha, “Hat ninom yoma dogouok o,” iluk hakhasukhama, inom etoma iniki pere welagoukha.

Yohanes 4:42

he etnogo men yogokhukha, “Yogotak nit ninetaiken at oba hakotdogo yi, wene hat nen yoknisegen iti baga anek ninetaiken at oba hakotdogo 'buk. Dek o. At he, at ebe nen wene yoknisugunem ninekaerek nen ninasuk tomok holhik, Akhuni agat oba meke tha'bokhogonat tilinakherek meke ebe yiat o, iluk hutdiluk ninilu ageik, hagakho iti baga nen ninetaiken at oba hakotdogoat o,” iluk yogokhukha.

Yohanes 4:5

Dagei aga dogolik, o Samaria o ukul ageikhe etaga Sikhar horok horok ukuogoluk, agat ageikhe ap Yakub nen alebat a'but Yusuf wogokhikhemo etoma dagei ageikhe.