Yohanes 4:3 - ALLAH ANE WENW KET MEKE WAROGO WOKNINAKHIKHE WENE

³ Itithogon isinem, “Inasuk holha o,” iluk Yesus ilu ageikhesik nen, at o Yudea thogotdiluk o Galilea apuke dageigiluk dagei ageikhe.

Yohanes 4:3 ပူးပေါင်းရင်းမြစ်များ

Matius 10:23

O ukul ageikhe nen weagathinabuogoluk hagakho halok he, lo o ukul ageikhe lano. It akhuni Israel meke inai ukul ebetlake aban wene yogeisigidek werek korlegat, an abat itaklasi agagi etnogo yabokane wisigin o, iluk, nane eberogonat yokhisigi.

Markus 3:7

Itithogon hagatluk, yabokane, at Yesus agarumi ane waganhe lagoukha meke emenogo inomat he, i Galilea yekelekma etnogo aik oba lagoukha. Lagoukhama, akhuni nen, “Yesus yigithogon hagariogo, tigithogon hagariogo,” iluk abok ugunem, it akhuni o Galilea eloke meke doalegat inasuk holiluk inoporlik inoporlik lagunem, it akhuni o Yudea eloke meke men, o Yerusalem meke men, o Idumea eloke meke men, o i Yordan aik ilibagan meke men, o Tirus Sidon meke men, Yesus oba natogosi agoukha.

Lukas 17:11

Yabokane iniki ageikhe baga, at Yesus o Yerusalem usekhe dogolik, o Samaria usakhigik, o Galilea liakhigik, turlemke usasikhe.

Yohanes 1:43

Itithogon isikhesik noge iluk hubuluke, at Yesus o Galilea dageisigiluk akla apasikhesik nen dagei ageikhe hak, ap etaga Filipus ipisak abuk agoukhasik nen, men yogokhikhe, “Nagot. An noporlik eme o,” iluk ayoko 'bisikhemo oporlik lageikhe.

Yohanes 10:40

Yesus itithogon dukhisikhesik nen, yabokane apuke i Yordan aik ilibaganke at Yohanes nen alebat akhuni ima usa'isekhe lageikhemo etoma itali lageikhesik welageikhe.

Yohanes 11:54

Itithogon isukha iti nen, at Yesus o Yudea etoma ap Yahudi meke inil oba ebe thelekma negen nekhe lageidek. Limak-limak nekhe lageikhesik nen, o etoma here'isalok, o limo akhuni dekma aliluke o ukul etaga Efraim lageikhesik, at agarumi ane waganhe lagoukha meke emenogo inom etoma welagoukha.

Yohanes 2:11

At Yesus ebe hutduagaluk elalin meke ageikhe hagakhidekma alebageik hagakhikhe iti, o Galilea o ukul Kana dogolik hagakhikhe iti baga, at hogorakharek meke inilurogo yakulisasikhemo, it at agarumi ane waganhe lagoukha meke emenogo Yesus ebe hutdiluk, inetaiken at oba hakotdisukha.

Yohanes 3:22

Itithogon arat yogeisalok nen, yabokane at Yesus ebe men, agarumi ane waganhe lagoukha meke men, inom o Yudea usasukhasik, akhuni ima usaginakhe dogolik iniki weat negen inom welagoukha.

Yohanes 3:32

At ileken hasikhe meke inom, asuk holhikhe meke inom, pakhogon yogeisekhe korlek mekeat, it akhuni tha'bokhogonat nen, at nen wene pakhogon yogeisekherek meke iti, inobakhanini thogotdiliogei o.

Yohanes 4:47

Werekma akhuni nen, “Yesus etnogo o Yudea nen Galilea dagei agasik werek o,” iluk isukhama asuk holhikhesik oba wageikhesik nen, men yogokhikhe, “Noe. An na'but oba u watlasusak motok werekma, hat lalok nen hagasi lanogoluk hayoko wagei o,” iluk yogokhikhemo,

Yohanes 7:1

Wene itithogon arat yogeisasikhesik nen, it ap koktek Yahudi meke nen, Yesus ebe wasuogoluk abok palhe lagoukha iti nen he, at ebe o Yudea usalok nekhe dogou a'it nen, o Galilea eloke etoma nekhe lageikhe.