Yohanes 4:25 - ALLAH ANE WENW KET MEKE WAROGO WOKNINAKHIKHE WENE

²⁵ Itithogon yogokhikhemo, at he etnogo nen, men yogokhikhe, “Mesias akhuni tilninabuagaluk Allah nen kok etaga Kristus iti la'isigin. La'i agunem ebe witluk yi wene ti wene tha'bokhogonat nit yakulnisekhe dogogin iluk an nilu o,” iluk yogokhikhe.

Yohanes 4:25 ပူးပေါင်းရင်းမြစ်များ

Matius 1:16

Nen, Yakub nen Yusuf, he Maria agun etnogo itakhik, he Maria nen Yesus, nit nen Kristus ekhe lago etnogo itakhik, erloma nenat itaklarik wagoukha.

Matius 27:17

akhuni doalegat natogokhe korlek, at Pilatus etnogo ileken halok nen, “It yoma Yesus oba ua palogo nenat wolok wageikha apigi,” iluk, hutdisikhesik nen, men yogeisasikhe, “Hit hinakla nen, ap etaga tha herle hisalogo woknisoak apekhe lagap. Yesus Barabas a? E a, at he, Yesus etaga ageikhe Kristus egarek etnogo a,” iluk, yogeisasikhesik nen,

Matius 27:22

Itithogon yogokhukhama, at Pilatus etnogo nen, “Halok he, Yesus etaga ageikhe Kristus yi nikithogon hagasik,” iluk yogeisasikhemo it emenogo nen, “O baga meldiluk watno,” iluk yogokhukha.

Lukas 2:11

Yogotak tilhinabigin meke kok Etagapogot Kristus etnogo o ap Daud ai welageikhemo etnogo itaklagasik werek o.

Yohanes 1:49

at Natanael nen, men yogokhikhe, “Noe. Allah a'but nit Israel meke ninoe kok Hetagapogot harat hiigi o,” iluk yogokhikhe.

Yohanes 4:29

“Ap ageikhe nen an yi hagakhik, ti hagakhik, hagakhe lagei meke tha'bokhogonat pakhogon motok yoknekhe meke ebe eta werek o. At ebe Kristus Allah nen tilninabuagaluk la'isigin meke etnogoat a? Ninat a? Hinileken hobageik nen witni o,” iluk yogeisilik lageikhe.

Yohanes 4:39

Nen, at he etnogo uma ukisikhesik, wene men yogeisasikhe, “At ap iti nen, an yi hagakhik, ti hagakhik, hagakhe lagei meke tha'bokhogonat pakhogon motok yoknekhe,” iluk yogeisilik nekhe lageikhe iti baga, akhuni o Samaria meke etoma inebe doalegat inetaiken Yesus oba hakotdisukha.

Yohanes 4:42

he etnogo men yogokhukha, “Yogotak nit ninetaiken at oba hakotdogo yi, wene hat nen yoknisegen iti baga anek ninetaiken at oba hakotdogo 'buk. Dek o. At he, at ebe nen wene yoknisugunem ninekaerek nen ninasuk tomok holhik, Akhuni agat oba meke tha'bokhogonat tilinakherek meke ebe yiat o, iluk hutdiluk ninilu ageik, hagakho iti baga nen ninetaiken at oba hakotdogoat o,” iluk yogokhukha.