Yohanes 4:11 - ALLAH ANE WENW KET MEKE WAROGO WOKNINAKHIKHE WENE

¹¹ Itithogon yogosigin apasikhe, at he etnogo nen, men yogokhikhe, “La'uk. Hat hageisoak dek. Nen, i hulelek yi wema elomaat meke re, hat nen i inilugurinakherek meke iti, koma meke henago woknisigiluk nen egen.

Yohanes 4:11 ပူးပေါင်းရင်းမြစ်များ

Yohanes 3:4

at Nikodemus nen, men yogokhikhe, “A! Akhuni inarlue baga nen yabokane nikithogon itaginabusak apegen? Inagosa lak inakla ukiluk nen yabokane erlok itaginabusak a? Erlok dek o,” iluk yogokhikhemo,

Yohanes 4:14

i an nen wogeisaumo nasi halok he, it inakla nen i elesi hakene hunak-hunak dukhisi motok dogogin iti nen, iniluk motok dogolik, it yabokane i abu aga dogogun motok dek o,” iluk yogokhikhe.

Yohanes 7:37

Wene itithogon isukhasik oba nen, pesta etnogo ilugun kobokhogon arat agunem, hari kok iti baga Yesus ebe melageikhesik nen, ane kokhogonat men yogeisasikhe, “Tha nen i abu halok, an noba nasusak o.

La'isasikhe 10:14

Itithogon yogokhikhemo, at Petrus nen, “Dek o. Noe. An usa meke men, yoalhidek welagarek meke men, 'bugurlagat halok nikidegat welagarek,” iluk yogokhikhe.

1 Korintus 2:14

Wene Allah Agoreke nen woknisekherek wene iti, it akhuni Allah Agoreke inakla werek meke anek hutdegarek iti nen, it akhuni inobabut inikhogat dogolik, hutdegarek dek. Itithogon hutdegarek dek iti re, it nen he, “Wene iti akhuni kepu meke nen egarek hakene iliogei,” iluk egarek iti nen, wene iti hutdigidek werek o.

A'bikaka 21:6

Itithogon yoknekhesik yabokane ageikhe men yoknekhe, “Arat. Erlo men, ekapul men, anatma, an nebe erlo baga nen logat, ekapul oba nikhok motok dogogin meke nen, akhuni i abu meke i inilugurinakherek meke elesimo nen henago oko dek werlegat wogeisekhe dogogin o.

A'bikaka 22:1

Itithogon yakulnekhemo higirik oba nen yabokane, Allah inom, Domba Eak inom, ipisak kok motok welageikharekma inobolukmo nen, i inilugurinakherek meke elokhoken mirliak hano inamukhak hakene meke elesi hunalogo dukhitluk nen,

A'bikaka 22:17

Itithogon yoknekhesikmo nen, yabokane, men yoknekhe, “Tha nen i abu nen nausak warlok halok he, i inilugurinakherek meke okorlek werlegat horlalok noagaluk, Allah Agoreke inom, Domba Eak age negen waganhe meke etnogo inom, ipisak nen ekhe dogolik, Naetni o, iluk yogeisugunem, it aperek inebe tomok it ipisak inane inasuk holiogei meke nen, Naetni o, iluk ekhe dogosagat o,” iluk isinem holhi.