Yohanes 3:8 - ALLAH ANE WENW KET MEKE WAROGO WOKNINAKHIKHE WENE

⁸ Hisakne iti, abusagat yugunat hubethugunem, ane anek hasuk holhetek meke re, ebe wiriogo holak koma nen heat wiriogo. Nen, liliogo holak komake heat. Hat hokodek iti. Iti hak, akhuni Allah Agoreke nen itaginakherek iti, inebe dopok itithogonat itaginakherek o,” iluk yogokhikhe.

Yohanes 3:8 ပူးပေါင်းရင်းမြစ်များ

Yohanes 1:13

Iterinakhikhemo, at a'buri agoukha iti, akhuni ina'buri itaginabu warlok nen inamep meke dogum walogo itaginakharek iti hakene 'buk. At Allah nenat itaginakhikhe o.

Yohanes 3:7

Hit hinebe tomok yabokane hinapuke ket itaklasusak, iluk yokhikhi iti nen, Eiye! Nayuk o, iluk, hogorakhun o.

Yohanes 3:9

Itithogon yogokhikhemo, at Nikodemus nen, men yogokhikhe, “Wene egen iti nikithogon hagarinabusak nen egen,” iluk hinok waganhikhemo,

La'isasikhe 2:2

eranogoat, o hisakne ane hubetha aga dogolik ekherek iti hak, Allah nen pogot oba nen usa'i ageikhemo, ane huak isinem, it akhuni uma hurek welagoukha meke emenogo tha'bokhogonat ane inasuk holhukha.

La'isasikhe 4:31

Itithogon Allah ayoko 'bekhe lagoukhama, o it natogorlek welagoukhama iti aborlok isikhe. Aborlok isinem, Allah Agoreke inebe tha'bokhogonat inakla kerlekhogon ukisikhemo, wene Allah nen isikhe meke akhuni inayuk degat yogeisekhe laogukha.

1 Korintus 12:11

Itithogon wogeisekherek iti, Allah Agoreke opakiat iti nenat akla apalok, yi hagakhik, ti hagakhik, hagakhe dogoagaluk inebe tomok mikirlogo wogeisekherek iti.

1 Korintus 2:11

Nit akhuni ninakla tha ilu. Ninekaerek ninakla tomok ninilu welagorek apigi. Iti hagat, Allah akla it aperek inokodek anek. Ekaerek Agoreke arligat ilu welagarek o.

1 Yohanes 2:29

At Kristus Allah a'but obabut hano mothogon anek hagakherek etnogo hinilu halok he, hit hinakla nen he, “It akhuni aperek inobabut hano mothogon hagakharek meke inebe tomok Allah a'buri yabokane itaginakhemo werek,” iluk hinilu asusagat o.