Yohanes 3:7 - ALLAH ANE WENW KET MEKE WAROGO WOKNINAKHIKHE WENE

⁷ Hit hinebe tomok yabokane hinapuke ket itaklasusak, iluk yokhikhi iti nen, Eiye! Nayuk o, iluk, hogorakhun o.

Yohanes 3:7 ပူးပေါင်းရင်းမြစ်များ

Yohanes 3:12

An nen wene agat oba meke hasik yokhisugunem, hit nen eberogonat iluk hutdekhe lagap dek halok, an nen wene pogot oba meke hasik yokhisaumo yabokane nikithogon nen wene iti eberogonat iluk hutdugun apegep. Hutdugun motok dek o,” iluk yogokhikhe.

Yohanes 3:3

Itithogon yogokhikhemo, at Yesus nen, men yogokhikhe, “Akhuni Allah nen inebe yabokane inapuke ket itaginakhidek halok, at apma 'bisekherekma etoma inileken hugun motok dek o, iluk, nane eberogonat yokhekhe lagei,” iluk yogokhikhemo,

Yohanes 3:6

Nen, akhuni nen itaginakharek iti, akhuniat itaklageikharek o. Nen, Allah Agoreke nen itaginakherek iti, Allah Agoreke mekeat ket itaklageikharek o.

Yohanes 3:8

Hisakne iti, abusagat yugunat hubethugunem, ane anek hasuk holhetek meke re, ebe wiriogo holak koma nen heat wiriogo. Nen, liliogo holak komake heat. Hat hokodek iti. Iti hak, akhuni Allah Agoreke nen itaginakherek iti, inebe dopok itithogonat itaginakherek o,” iluk yogokhikhe.

Yohanes 5:28

Nen, yabokane akhuni tha'bokhogonat inoak obake tomok nen, an nane inasuk holiluk, iniluk asugun hurli itinem werek o. It akhuni nen inobabut hano hagakhe lagoukha meke halok, iniluk motok dogoagaluk meldisigik, nen, it aperek inobabut weak hagakhe lagoukha meke halok, wene inoba 'bigiluk meldisigik, hagasigin iluk yokhisigi iti nen, Wene iti nayuk e, iluk, hogorakhup o,” iluk yogeisasikhe.

Kolose 1:12

ninopase Allah heagei wakhik, hagakhe dogosak iti. At ninopase nen, at a'buri aperek hinomat lia baga hinaierek erlok dogoagaluk hagathinakhikhemo welagap iti nen, arat heagei wakhe dogosak iti.

Ibrani 12:14

Hit hinebe karelogo Allah meke 'bisigidek dogogun halok he, at ebe hinileken hugun motok dek iti nen,akhuni tha'bokhogonat hinom hano dapulik dogolik, hinebe at hasik 'bisalok weak hagakhidek hano karelek motok dogouogoluk hinobatnerogon hagakhe dogono o.

1 Petrus 1:22

Ebe wene iti hinasuk holhe dogolik, hinakla nen weak meke horogo la'isalok, hinagarlak lak hinerugi Allah a'buri meke aperek eberogonat hinakmurogon hagakhe lagap iti, hinom hunik motok dogolik nakmu-hakmurogon hagakhe dogono.

A'bikaka 21:27

Itithogon ukekhe dogogun mekeat he, akhuni weka inalilo meke hagakhik, inekalat igik, hagakhe dogolik inoba horinakhidek meke o etoma ukekhe dogogun motok dek higi. Itithogonat mekeat he, it aperek iniluk motok dogoagaluk hanorinabigin meke inetaga Domba Eak aruesika baga holal waganek meke anek o etoma ukekhe dogogun higi o.