Yohanes 3:5 - ALLAH ANE WENW KET MEKE WAROGO WOKNINAKHIKHE WENE

⁵ at Yesus nen, men isikhe, “Akhuni i baga men, Allah Agoreke baga men, itaginakhidek halok, Allah nen apma 'bisekherekma etoma ukugun motok dek o, iluk, nane eberogonat yokhekhe lagei o.

Yohanes 3:5 ပူးပေါင်းရင်းမြစ်များ

Matius 18:3

men yogeisasikhe, “Hit akhuni yi, hinobabut hebelatluk hinobabut yekerugi yi inobabut hakene hagatlasugun dek halok he, nopase kok pogot oba meke apma 'bisekherekma etoma ukugun motok dek o, iluk eberogonat yokhisigi.

Matius 19:24

Itithogon yogeisasikhesik, at nen, “Wene iti mekeat yabokane dagakhogon yokhisak. Wam unta kok muluk iti meke, disu elo horlelekma kola'umo erlok lelokhogon ukusak mekeat he, it akhuni inameke doalegat meke iti Allah nen apma 'bisekherekma etoma ukusak motok erlok dek o,” iluk yogeisasikhe.

Matius 21:31

Halok he, hit hinakla nen he, it ap inebe pere eta tha hak nen inopase akla apasikhe tak-tagat hagakhikhe apegep,” iluk, yogeisasikhemo it nen he, “Iti a'but magea meke iti nen hagakhikhe,” iluk yogokhukhama, at Yesus nen, “Halok he, an nen wene ageikhe eberogonat yokhisak. Hit aban werek korlek, it ap uang pemerintah hasik kino iluk natogokharek meke inom, humi yugunat hagarik nekharek meke inom, it iti tak Allah apma 'bisekherekma etoma ukugun o.

Matius 28:19

Halok he, yi akhuni ti akhuni inukuloak etaga dopok tha'bokhogonat an nagarumi hagatlasuagaluk, nopase Allah etaga baga, an a'but netaga baga, Agoreke etaga baga, ninetaga palogo ima usa'isigik, an nen wene hinasuk wakhi meke iti tha'bokhogonat it akhuni nen mothogon hagakhe dogoagaluk yakulisigik, hagarik laga dogono. Lakhani! Hit itithogon hagarinabik lagunem, an nebe ninom motok-motogat werekma, hurli o ilugun hurli baga hagatlasigin o,” iluk yogeisasikhe.

Matius 3:11

Itithogon yogeisasikhesik ageikhe men yogeisasikhe, “Hit weak hagakhe lagap meke here'isalok hinobabut eberogonat hebelaga iluk, an nebe yekerek nobatne dek meke nen ima usa'inagakhe lagei. Meke re, at kok obatneak meke yabokane wisigin o. At ebe kok obatneak iti nen, an nebe yekerek meke nen isok agot ugu meke wolok lausak erlok dek o. At nen ima usa'inagu hak, Allah Agoreke inom, hetu inom, hinoba usa'isigin o.

Matius 5:20

Allah akla apekherek meke mothogon hagasuogoluk, it akhuni nen Allah ane holal waganek iteerek meke emenogo inom, ap Farisi meke inom, inobabut hagariogei iti hagat, hagakhe dogogun halok, kok pogot oba meke apma 'bisekherekma etoma ukugun dek o. At he, it 'bugurlagat negen hagakharek meke, hit ebenageik kokhogon hagakhe dogogun halok anek ukugun o,” iluk yogeisasikhe.

Markus 10:14

Itithogon wenageisugunem, at Yesus ileken hisalok akla aga dageiluk men yogeisasikhe, “Akhuni inobabut it yekerugi ithi inobabut iti hakene hagatlasugun halok he, Allah nen apma 'bisekherekma etoma iteerek asugun iti nen, yekerugi 'bugurlaktek ethoma an noba wetnek. Wene palhe 'buk o.

Markus 16:16

Yogeisilik lagunem it akhuni aperek nen wene iti eberogonat iluk apagun meke ima usa'inabugun meke, Allah nen tilinabigin mekeat he, it aperek wene iti eberogonat iluk waganugun dek meke Allah nen wene inoba 'biluk weagarinabigin o.

Markus 9:47

Hinileken nen weagathinabusak hagatlaga halok, hinileken ebelake hemelogo la'isalok ebelake anek dogolik Allah apma ukumo hano. Meke re, hinileken pere dogogun halok, weakma hetu nagulageidek ineken watlageidek inoba 'bisi motok welagarekma etoma po la'inagumo weak iluk, hinileken ebelake hemelogo la'isano o.

Lukas 13:24

“It akhuni doalegat, holagape herlekha'bugat ukuogoluk walhagun mekeat he, erlok dek asigin iti nen, hit holagape herlekha'bugat iti baga ukubageik nen, hinobatnerogo hagakhe dogono, iluk yokhisekhe lagei.

Lukas 13:3

Dek o. An nen hit yokhisak. Hit weak hagakhe lagap meke iti thogotdisalok hinobabut hebelageidek halok he, it watlageikha hagat, hit itithogonat watlatluk nuk asugun o.

Lukas 13:5

Dek o. An nen hit yokhisak. Hit weak hagakhe lagap meke iti, thogotdisalok hinobabut hebelageidek halok he, it watlageikha hagat, hit itithogonat watlatluk nuk asugun o,” iluk yogeisasikhe.

Yohanes 1:13

Iterinakhikhemo, at a'buri agoukha iti, akhuni ina'buri itaginabu warlok nen inamep meke dogum walogo itaginakharek iti hakene 'buk. At Allah nenat itaginakhikhe o.

Yohanes 3:3

Itithogon yogokhikhemo, at Yesus nen, men yogokhikhe, “Akhuni Allah nen inebe yabokane inapuke ket itaginakhidek halok, at apma 'bisekherekma etoma inileken hugun motok dek o, iluk, nane eberogonat yokhekhe lagei,” iluk yogokhikhemo,

Yohanes 3:4

at Nikodemus nen, men yogokhikhe, “A! Akhuni inarlue baga nen yabokane nikithogon itaginabusak apegen? Inagosa lak inakla ukiluk nen yabokane erlok itaginabusak a? Erlok dek o,” iluk yogokhikhemo,

La'isasikhe 2:38

Itithogon yogeisasukhama at Petrus nen, “Weak hagakhe lagap meke iti here'isalok hinobabut hebelatni o. Itithogon hinobabut hebelasumo nen, weak hagakhe lagap meke iti, Allah nen thagalogo degetduagaluk hinebe tomok Yesus Kristus etaga palogo ima usa'inaguak. Itithogon hagasumo nen, Allah Agoreke iti wokhisagein o.

La'isasikhe 3:19

Iti nen hit weak hagakhe lagap meke iti, ninopase Etagapogot Allah nen thagalogo degetdiluk, hinetaiken hasik hinil ekathogon hagathinabi ageik, at nen, Kristus hinebe tilhinakherek meke hinoba la'isigin, iluk abok yogeisasikhe etnogo ebe Yesus itiat hinoba yabokane la'i ageik, hagasuak nen, hinobabut hebelatluk hinelokhe Allah wogotno o.

Roma 8:2

An alep he, weak hagakharethek ilugun oba inebe motok watlageikharek iti meke nen herle warogo negen haknarek welageikhe. Itithogon werekma, yabokane Allah Agoreke nen Kristus Yesus ninom hunogo 'binanhe dogolik ninilugutninakherek etnogo nen herle hisalogo 'banhikhemo welagei.

1 Korintus 15:50

Nagarlak lak nerugi. Wene yi yokhisak. Ninebe ninaburlal watlagorek meke yi inom, Allah apma 'binaniginmo etoma iteerek asugun motok dek o. Nen, ninebe hirli agorek meke yi inom yabokane ninebe ikhok motok dogogun meke iteerek asugun motok degat o.

1 Korintus 2:12

Nit he, akhuni agat oba meke yoma inagoreke waganhugu 'buk. At Allah obabut hano nen woknisasikhe meke ninilu asuagaluk, at Agoreke usa'i ageikhemo horlasugu o.

1 Korintus 6:11

Alebageik hit aperek itithogon hagakhe lagagip mekeat he, yogotak Allah nen hinakla hano thobalogo 'binageisikhesik, hinebe at ekaerek hasik 'bakhasikhemo welagap o. Wene hinoba welageikhe meke iti, ninopase Allah Agoreke nen ninoe Etagapogot Yesus Kristus etaga baga, korogo wokhasikhesik Allah hinom dapulogo 'binageisikhemo welagap o.

Galatia 6:15

Ninoado aperlagap palek halok inom, palhidek halok inom, ebe iti meke kok 'buk. At he, Allah nen ninebe ket ninat hagatninabiogo itiat kogat o.

Efesus 5:26

At Kristus nen itithogon hagakhikhe iti, nit Allah a'buri tha'bokhogonat ninebe ninoba nino'ban dek, ninoado hurarlo dek, hano dogou hak, at il oba ukum ninoba dek, hano motok karelek dogoagaluk, ninebe ima usa'inanhunem, at ane etnogo baga, thobalogo 'binaniluk, at ekaerek hasik bakhagaluk ebe watlageikhe iti o.

1 Petrus 3:21

It i baga tilinakhikhe iti tak-tak nit yogotak ima usogorek iti baga tilninakherek o. I baga tilninakherek iti, ima usa'inanhunem, ninoado i iti baga thobalagarek iti baga tilninakherek 'buk. At he, ninetaiken oba nen wene ninoba thelek asuagaluk Allah ayoko 'bisinem, Yesus Kristus watlageikhesik iluk ageikhe iti baga tilninakherek o.

1 Yohanes 2:29

At Kristus Allah a'but obabut hano mothogon anek hagakherek etnogo hinilu halok he, hit hinakla nen he, “It akhuni aperek inobabut hano mothogon hagakharek meke inebe tomok Allah a'buri yabokane itaginakhemo werek,” iluk hinilu asusagat o.

1 Yohanes 5:1

Akhuni nen he, “Yesus iti Allah nen ayoko 'biluk la'i ageikhe meke eberogonat Kristus etnogoat o,” iluk inetaiken at oba hakotdegarek meke inebe tomok he, Allah nen itaginakhemo, at a'buri werek o. Nen, nit ninopase Allah ninakmurogon dogolik halok he, at a'buri itago meke iti ninakmurogon dogosagat o.