Yohanes 3:34 - ALLAH ANE WENW KET MEKE WAROGO WOKNINAKHIKHE WENE

³⁴ At Allah nen la'i ageikhe meke iti, Allah Agoreke hurli yi baga anek waganin o, igidek motogat wogokhikhe iti nen, Allah aneat yoknisekherek o.

Yohanes 3:34 ပူးပေါင်းရင်းမြစ်များ

Matius 12:18

At Allah nen, “'Bikhani! At iti re, an natuaneke dogoagaluk nekaerek nen witaberogo meldigi. Netaiken hunik noba hotokthek meke, at itiat o. An Nagoreke at oba 'bumo, an nen akhuni wene inoba 'bigik, kokhik, mothogon 'bigin iti hasik, at nen it akhuni itikmanke meke wene pakhogon yogeisekhe dogoginat o.

Lukas 4:18

“It akhuni inameke motok dek inerlageik meke iti hano wene yi yakulisekhe dogoagaluk meldanhikhemo nogo nen, nopase Etagapogot Agoreke usa'i agama an noba dukthek werek o. Nen, nayoko 'bekhe dogolik men yoknikhikhe, It akhuni iniki herle warek werek meke herle hisalinabigin wene inom, inileken puk meke inileken 'bekelasuagaluk hanorinabigin wene inom, yogeisigik, it akhuni inapma negen thebelogo 'bisiliogei make tilogo inasokneat 'bisigik,

Yohanes 1:16

Nen, at obabut hano motok nen ninebe tha'bokhogonat eran-alep hanotninakho motok werek o.

Yohanes 15:26

Hit yomakhisekhe dogoagaluk Allah Agoreke ebe wene yogeisoagaluk wagarek meke iti, an nen nopase werekma nen hit hinoba la'i agunem, at nen an nabok pakhogon yokhisekhe dogogin o.

Yohanes 16:7

an nen wene ebe pakhogon yokhisak o. An ligin dek dogolepma, at hit yomakhisekhe dogogin meke iti hinoba wetlep dek mekeat he, an ligin iti nen, at iti an nen hinoba la'isigin o. Halok he, an ligin iti nen, hit hinobasik hano motok asigin, iluk eberogonat yokhisigi o.

Yohanes 3:17

Nen, an Allah a'but agat oba yoma la'ani ageikhe iti, yi akhuni ti akhuni wene inoba 'biluk weagarinabuagaluk la'ani ageikhe 'buk. Meke re, inebe tilinabuagaluk la'ani ageikhe o.

Yohanes 5:26

Iniluk motok welageihkarek meke erlo an nopase ekaerek ite welagarek iti hak, a'but an niki baga 'banhikhemo iteerek welagei o.

Yohanes 7:16

at Yesus nen, men yogeisasikhe, “An nen wene yakulhisekhe lagei iti, an nakla nen kagalogo yakulhisekhe lagei dek mekeat he, at an la'ani ageikhe meke etnogo nen yoknekhe korlek yakulhisekhe lagei o.

Yohanes 8:40

Meke re, an wene ebe wene Allah nen isinem nasuk holhigi meke yokhisekhe lagei mekeat, hit nen an nebe nasuogoluk nabok palhe lagap iti hak, at Abraham nen itithogon hagakhe lageikhe dek mekeat hagakhe lagap o.

Yohanes 8:47

Tha nen ebe Allah meke halok, Allah ane iti asuk hokherek mekeat, hit he, hinebe allah meke 'buk. Ninat meke iti nen he, at ane hinasuk holusak hina'it iti o,” iluk yogeisasikhe.

La'isasikhe 1:2

at opase nen ebe pogot oba wolok dageisikhe iti hurli, holal waganogo la'i agagi iti o. At ebe pogot oba aban dageigidek werek korlek, at agarumi wenago inebe inayoko 'biluk la'isagaluk hagakhikhe meke emenogo Allah Agoreke obatne baga inasuk wakhikhe.

Roma 8:2

An alep he, weak hagakharethek ilugun oba inebe motok watlageikharek iti meke nen herle warogo negen haknarek welageikhe. Itithogon werekma, yabokane Allah Agoreke nen Kristus Yesus ninom hunogo 'binanhe dogolik ninilugutninakherek etnogo nen herle hisalogo 'banhikhemo welagei.

Efesus 3:8

Allah a'buri meke tha'bokhogonat inetaga werek hak werek korlegat, an netaga dek, erlok dek meke, at Allah obabut hano nen, hano wene pilinerogo usak erlok dek meke, Kristus nen wogeisekherek etnogo akhuni itikmanke meke yogeisilik nekhe dogoagaluk nayoko 'biluk nayabu iti woknikhikhemo welagei.

Kolose 1:19

At Allah nen, “An nakla warlok nen, an nobabut nikhok motok welagarek iti hak, an na'but itithogonat nipisak tak-tak motogat dogoak o,” iluk, akla apasikhe tak-tagat welagarek o.

Kolose 2:9

Meke re, Allah ebe abisake motogat Kristus akla werekma akhuniat itaklasi ageikhesik welageikhe iti.

A'bikaka 21:6

Itithogon yoknekhesik yabokane ageikhe men yoknekhe, “Arat. Erlo men, ekapul men, anatma, an nebe erlo baga nen logat, ekapul oba nikhok motok dogogin meke nen, akhuni i abu meke i inilugurinakherek meke elesimo nen henago oko dek werlegat wogeisekhe dogogin o.

A'bikaka 22:1

Itithogon yakulnekhemo higirik oba nen yabokane, Allah inom, Domba Eak inom, ipisak kok motok welageikharekma inobolukmo nen, i inilugurinakherek meke elokhoken mirliak hano inamukhak hakene meke elesi hunalogo dukhitluk nen,