Yohanes 3:33 - ALLAH ANE WENW KET MEKE WAROGO WOKNINAKHIKHE WENE

³³ Itithogon thogotdsegarek meke re, it akhuni aperek nen, At nen wene pakhogon yoknisekherek meke iti eberogonat iluk waganiogei meke nen, Allah ane iti eberogonat iluk waganharek o.

Yohanes 3:33 ပူးပေါင်းရင်းမြစ်များ

Yohanes 6:27

Hipiri hirli atluk dek asusak meke hasik yabu hagakhup o. At he, hipiri motok dogogin meke neke dogolik, iniluk motok dogosak meke iti, an nenat wokhisekhe dogoagaluk, nopase nen nayoko 'biluk la'ani ageikhemo, abat itaklasi agagi iti hasik yabu hagakhe dogono o,” iluk yogeisasikhe.

Yohanes 8:26

An nen yi wene ti wene doalegat yokhisigik, wene hinoba 'bigik, kokhik, hagasusak erlok mekeat he, at la'ani ageikhe meke etnogo ane eberogonat anek ekherek iti nen, at nen isinem nasuk holhe lagei meke itiat hit akhuni agat oba meke yoma yokhisekhe lagei o,” iluk yogeisasikhe.

Roma 15:28

Itithogon arat 'bisega meke iti, an nen it Yerusalem meke arat wogeisa lagei halok he, o Spanyok lagaluk waga dogolik, hinoba haklarik wisigin o.

Roma 4:11

Oado aperlagap meke itithogon aban palek dek dogolik etaiken Allah oba hakotdisikhemo re, at Allah nen, “Wene hoba meke korogo wokhigirik, hapuke nipisak hunogo 'bagagi,” iluk yogokhikhe. Itithogon hagakhikhemo yogokhikhe iti, inetaiken ekerlogo dogoagaluk, “Hoado aperlagap meke palan,” iluk yogokhikhemo nen palikhikhemo re, ekagat ageikhe iti. Iti nen, akhuni inoado aperlagap meke itithogon palek dek dogolik, inetaiken Allah oba hakotdegarek meke tha'bokhogonat nen, inopase Abraham at o. It itithogon inetaiken Allah oba hakotdisinem nen, at nen, “Hinobabut mothogon hagakhe dogou hak hinetaiken noba hakotdegepma, wene hinoba meke korogo wokhigirik hinapuke ninom hunogo 'binagagi iti arat o,” iluk yogeisekheregat.

1 Korintus 9:2

It akhuni aperek nen an hasik ekhe dogolik, “At Paulus Kristus nen ayoko 'bigidek o,” iluk isi halok he, hit nen, itithogon usak dek. An nayoko 'biluk la'ani ageikhemo wagagi iluk, hit hinebe ninoe Etagapogot hinom hunik welagap iti baga ekagat hutdanusak o.

2 Korintus 1:18

Dek o. At Allah ane eberogonat anek yoknisekherek iti hak, nit nen, “I o,” iluk nen, “Dek o,” igik, yokhisogorek dek.

Efesus 1:13

Iti hakeneat, hit nen wene ebe wene, hanotninakherek wene etnogo hinasuk holhigisip, hinetaiken Kristus oba hakotdisigipmo, Allah nen, “Nagoreke wokhisagein,” iluk, abok yoknisasikhe tak-tagat, “It an nekaerek na'buri o,” iluk ilekerlogo Agoreke wokhisasikhe iti o.

Efesus 4:30

Allah nen yabokane hinebe hanothinabigiluk ilekerlogo, at Agoreke wokhisasikhemo hinakla werek iti, akla korlotdugup o.

2 Timotius 2:19

Meke re, Allah nen o herlaga negen 'bisikhe meke obatneak motogat dogogin iti baga holal men iluk waganek werek iti o, “Ninoe Etagapogot ekaerek a'buri wenageinakhikhe meke iti inebe ilu o,” iluk isikhe. Nen, wene ageikhe, “It aperek nen, An nebe ninoe Etagapogot a'burat o, iluk, iliogei meke, Weak hagasusak nina'it o, iluk here'isalok mirlokhogon lo laga dogoak o,” iluk, isikhemo holal waganek werek iti o.

Ibrani 6:17

Itithogon hagatlagarek iti hak, Allah nen, “Akhuni an nakla apalok abok yogeisegerek meke, nane dagakhogon yabokane ninat meke ageikhe yogeisegerek dek o,” iluk, it wene abok yogeisasikhe meke eberogonat apoagaluk, hupuk palogo yogeisasikhe iti.

1 Yohanes 1:10

Itithogonat meke re, nit nen he, “Weak ageikhe hagakhidek welago,” iluk ogorek halok he, nit nen, “Allah ekalat ekherek,” iluk u hagat ogorek iti nen, Allah ane nit ninakla motok dek o.