Yohanes 3:31 - ALLAH ANE WENW KET MEKE WAROGO WOKNINAKHIKHE WENE

³¹ Nen, akhuni tha'bokhogonat, inetaga dek anek. Meke re, at upu eloma nen usa'ageikhe meke itiat kok etagapogot o. Ap ageikhe ebe agat oba nen itago meke halok, ebe agat oba mekeatma, wene agat oba mekeat ekherek o. It akhuni tha'bokhogonat inetaga dek negen werek korlek, ap ageikhe pogot oba nen usa'ageikhe meke itiat kok etagapogorat werek o.

Yohanes 3:31 ပူးပေါင်းရင်းမြစ်များ

Matius 28:18

Itithogon apekhe korlek, at Yesus ebe inalilu wageikhesik nen, men yogeisasikhe, “Allah nen he, pogot oba meke inom, agat oba meke inom, tha'bokhogonat an iteerek 'banhemo o.

Yohanes 1:15

Wene at ebe hasik Yohanes nen men yogeisasikhe, “An noporlik yabokane ap ageikhe wisigin, iluk abok yokhisekhe lagei etnogo, ebe yiat o. At yi yabokane an noporlik waga meke re, ebe an aban itaklagidek werek korlek, at alebat welagaikhe iti nen, an nebe erlok dek o. Kok he, arat o,” iluk, ane kokhogon yogeisasikhe.

Yohanes 1:27

Ap iti ebe an noporlik yabokane wisigin meke re, at ebe motok kok. An nebe yekerek iti nen, at isok agot herle warek meke iti, an nen hisalusak erlok dek o,” iluk yogeisasikhe.

Yohanes 1:30

Alebat wene an nen yokhisekhe dogolik, Ap ageikhe noporlik wisigin mekeat he, an aban itaklageidek werek korlegat welageikhe iti nen, an nebe yekerek meke re, at anek motok kogat o, iluk, abok yokhisekhe lagei etnogo, ebe waga ithiat o.

Yohanes 3:30

Ap iti etaga kok asusak obaat etaga kogat ageik, an netaga dek asusak obaat, netaga dek ageik, hagasigin o,” iluk yogeisasikhe.

Yohanes 6:51

Hipiri inilugurinakherek meke pogot oba nen usa'ageikhe iti re, an nebeat o. Hipiri an nen wogeisagein meke iti, tha nen nasi halok, at ebe iluk motok dogogin o. Akhuni agat oba meke iniluk dogoagaluk an nebe it inobasik watlasigin iti, an nebeat wogeisagein o,” iluk yogeisasikhe.

Yohanes 8:23

at Yesus nen men yogeisasikhe, “An nebe re, pogot abel upuke meke wagagisik welagei o. Meke re, hit anek he, abel wemake yoma meke. Hinai erlo agat oba yomaat o. Meke re, an nai erlo agat oba yoma dek o.

La'isasikhe 10:36

Meke re, nit akhuni tha'bokhogonat ninoe Etagapogot Yesus Kristus nen dapukhogon 'binanuagaluk, wene hano wene iti, ebe nit akhuni Yahudi meke ninoba la'i ageikhe iti hinilu o.

Roma 9:5

Nit ninopa lak nen, it nen itago meke. At Kristus ebe nit akhuni itaklagorek hak itaklageikhe iti, it meke nen itakhukha meke re, ebe Allah mekeat o. Yi meke ti meke tha'bokhogonat nen, wema baga negen mekeat he, at anek, upu baga siakhogon welagarek iti nen, at anek hogorakhe dogogun iti, ebeat asuak, iluk u hak, “Amin,” ekhe dogouok.

Ibrani 9:1

Alebageik Allah nen wene warogo a'buri woginakhikhe wene iti tak-tak, it nen at akla hanorogo hagakhe dogoagaluk yakulisasikhemo, “Yigithogon hagakhe dogosak, tigithogon hagakhe dogosak,” iluk wene inilu welagoukha. Nen, o su ai meke elanma hasik hagakhe dogosak oba akhuni nen halhukhama welageikheat.

1 Petrus 3:22

At ebe iluk ageikhesik nen, pogot oba dageisikhesik, Allah iki ebeke kok dogolik, malaikat Allah nen yoko usa'isa agarek meke emenogo men, inougi koktek meke men, inobatneak meke men, hagasik welagarek o.

1 Yohanes 4:5

It iti inebe akhuni agat oba meke a'buri nogo nen he, it nen wene agat oba wene isinem, inane it akhuni agat oba meke nen inasuk holharek iti.

A'bikaka 19:16

Nen, at etaga thalek ageikhe yigithogon, “Ap koktek inetagapogot tha'bokhogonat inom, inougi koktek tha'bokhogonat inom, inoe kok Netagapogot he, anat o,” iluk asu uanat at oba inom, arlisu oba inom, holal waganek werekma higi o.