Yohanes 3:30 - ALLAH ANE WENW KET MEKE WAROGO WOKNINAKHIKHE WENE

³⁰ Ap iti etaga kok asusak obaat etaga kogat ageik, an netaga dek asusak obaat, netaga dek ageik, hagasigin o,” iluk yogeisasikhe.

Yohanes 3:30 ပူးပေါင်းရင်းမြစ်များ

Yohanes 3:29

Nen, ap ageikhe age ikhekhe halok, he iti ebe agun, ap itiat o. Nen, ap age ikhagein meke iti agarlak ageikhe alilu metek dogolik, at ane isinem asuk holek dogolik akla nen arleken akhekherek iti hak, an yogotak itithogonat nakla arleken kogat akhekhe lagei o.

Yohanes 3:31

Nen, akhuni tha'bokhogonat, inetaga dek anek. Meke re, at upu eloma nen usa'ageikhe meke itiat kok etagapogot o. Ap ageikhe ebe agat oba nen itago meke halok, ebe agat oba mekeatma, wene agat oba mekeat ekherek o. It akhuni tha'bokhogonat inetaga dek negen werek korlek, ap ageikhe pogot oba nen usa'ageikhe meke itiat kok etagapogorat werek o.

1 Korintus 3:5

At Apolos iti tha nogo? Nen, an Paulus tha nogo? Nit iti ninoe Etagapogot nenat akla apalok ninayabu tomok hagakhe dogoagaluk ninayoko 'bisikhemo nen, at atuaneke welago. At atuaneke dogolik, wene yakulhisasugumo, hinetaiken Yesus oba hakotdisigip iti o.

Kolose 1:18

Nit Allah a'buri ninoe kok at Kristus dogolik, ninebe ninilugutninakherek iti nen, at ebe iki isok negen welagorek. Yi meke ti meke yoarlemake negen werek korlek, at Allah nen, “Kok he, an na'but makusa mekeat dogoak,” iluk, at ebe watlageikhesikmo nen, ilugutdisikhe iti.

A'bikaka 11:15

Itithogon hisigirik oba nen, it malaikat inebe 7 baga emenogo, inebe 6 oba inapikon arat ane huthegasik oba nen, ageikhe apikon ane huthasinem, pogot oba nen inane kogat yigithogon isinem holhi, “Alep akhuni agat oba meke nen inapma 'bisalok hagasik welagoukha meke, yogotak ninopase Etagapogot Allah nen ninoe Kristus nen tilninabuagaluk meldisikhe meke etnogo ipisak nen inapma arat 'binagasik, at Kristus nen haknisik motok-motok dogogin o,” iluk ekhe lageikha.