Yohanes 3:28 - ALLAH ANE WENW KET MEKE WAROGO WOKNINAKHIKHE WENE

²⁸ Ap iti nen akhuni tilinabuagaluk Allah nen ayoko 'biluk la'isigin isikhe etnogo, an nebe dek meke re, at yabokane wisigiluk an alebageik la'ani agama wagei o, iluk, yokhisugunem hit arat hinasuk holhe lagagip apigi o.

Yohanes 3:28 ပူးပေါင်းရင်းမြစ်များ

Matius 3:3

Iti ekhe lageikhe iti, at Yesaya Allah ane yogeisekhe lageikhe meke etnogo nen yogeisekhe dogolik, “Ap ageikhe o limo akhuni dekma etoma ane wai ekhe dogolik, Eiya! Ninoe Etagapogot wisiginke, holak hanorogo yakhik, korlo meke mothogon yakhik, yakhe dogoni o, iluk waisiliogo,” iluk Yesaya nen ekhe lageikhe etnogo, at Yohanes ebeat wageikhe iti.

Lukas 1:76

Nen, hat na'but yi nen, ninoe Etagapogot wisiginmoke holak yakhe dogoagaluk, hat alebageik yoko laga dogolik, akhuni yi weak ti weak hagariogei meke Allah nen he, wene inoba meke thagalogo degetdisalok tilinabigin iti wene hat nen yakulisaumo inilu asigin iti baga, hat habok ekhe dogolik, Kok upu baga welagarek meke ane yogeisilik liliogo etnogo ebe yi o, iluk, ekhe dogogun.

Yohanes 1:20

Wagoukhasik, at oba hinok waganhukhama, at Yohanes nen ekaerek abok la'belogo yogeisigidek, pakhogonat yogeisekhe dogolik, men yogeisasikhe, “An nebe re, akhuni tilninabuagaluk Allah nen ayoko 'biluk la'isigin isikhe etnogo 'buk. Dek o,” iluk yogeisasikhe.

Yohanes 1:23

Itithogon yogokhukhama, at Yohanes nen, men yogeisasikhe, “Ap Yesaya Allah ane yogeisekhe lageikhe meke etnogo nen, men isikhe, Ap ageikhe o limo akhuni dekma etoma ane, kokhogon ekhe dogolik, Ninoe Etagapogot wisiginke holak mothogon yakhe dogoni o, iluk ekhe dogogin, iluk isikhemo holal waganek werek etnogo re, nebe anat o,” iluk yogeisasikhe.

Yohanes 1:25

“Hat nen, An nebe, Allah nen akhuni tilninabuagaluk ayoko 'biluk la'isigin isikhe etnogo dek o. Nen, Elia degat o. Nen, Allah ane yoknisekhe dogoagaluk la'isigin isikhe etnogo degat o, egen meke re, nenaluk akhuni ima usa'isekhe lagan?” iluk yogokhukhama,

Yohanes 1:27

Ap iti ebe an noporlik yabokane wisigin meke re, at ebe motok kok. An nebe yekerek iti nen, at isok agot herle warek meke iti, an nen hisalusak erlok dek o,” iluk yogeisasikhe.