Yohanes 3:19 - ALLAH ANE WENW KET MEKE WAROGO WOKNINAKHIKHE WENE

¹⁹ Nen, Allah nen wene inoba 'bekherek iti ebe yigithogon. An nen lia hagarinakherek meke nebe arat agat oba usa'agagi meke re, akhuni inobabut weak hagakharek iti nen, At lia iti nina'it o. At he, o mum itiat warlok, iluk inakla apegarek.

Yohanes 3:19 ပူးပေါင်းရင်းမြစ်များ

Lukas 12:47

Ap atuaneke meke ageikhe akla nen, An noe nen, Itithogon hagarogo 'banilep, iluk akla apekherek meke ilu dogoligat, hagarogo 'bisigidek dogogin halok he, ap iti tugi u werek wasi isigin o.

Lukas 16:14

Itithogon yogeisasikhemo it ap Farisi meke emenogo uang motok inetaiken hunik welagoukhasikmo etnogo nen, Yesus nen wene itithogon isinem inasuk holhukhasik nen, at obato agoukha.

Yohanes 1:4

Ninilugutninakherek meke erlo arat welagarek iti nen, nit akhuni liatninabi ageikhe.

Yohanes 1:5

Nit o mummo werekma liatninabi ageikhe meke yibarlek werekma, o mum iti nen, o lia etnogo damutdusak erlok dek nen yibarlegat welagarek.

Yohanes 12:31

Yogotak Allah nen, akhuni agat oba meke wene inoba 'bigik, kokhik, hagakhe dogolik, ap etagapogot agat oba meke etnogo mukhogo ula'isigik, hagasigin oba arat asi aga o.

Yohanes 12:43

It iti Allah nen hogorinabuagaluk hagakhe lagoukha dek o. Akhuni nen hogorinakhe dogou warlok nen hagakhe lagoukha iti.

Yohanes 12:46

Nen, it akhuni inetaiken an noba hakotdugun meke tha'bokhogonat, o mum oba dogunogo iluk, liarinabigiluk an nebe liarinakherek meke agat oba yoma usa'agagi o.

Yohanes 5:44

Allah arligat ikhok motok welagarek iti nen hogothinabuagaluk hagakhidek dogolik, hit-hirat hat ageikhe nen hogorakhik, hat ageikhe nen hogorakhik, hogorakhekhe lagap iti nen, hinetaiken an noba nikithogon hakotdusak apegep. Erlok dek o.

Yohanes 7:17

Tha nen Allah akla apekherek meke mothogon hagasusak warlok halok, an nen wene yakulisekhe lagei iti, Allah nen yakulekhe korlek iliogo, igik, Ekaerek akla nen kagalogo iliogo, igik, ekagat halok ilu asiginat o.

Yohanes 7:7

It akhuni agat oba meke nen hit halok he, ina'it motok, hagathinabiogei dek mekeat he, an nen, It hagakharek iti weak motok, iluk egerek iti nen, anat ina'it motok hagatnabiogei o,” iluk yogeisasikhesik,

Yohanes 8:12

Yabokane, at Yesus nen it akhuni emenogo wene ageikhe men yogeisasikhe, “Akhuni agat oba meke liarinakherek iti, anat o. Tha nen an noporlik nekhe dogogin halok he, an nebe lia dogolik inilugurinakherek meke etnogoat woknabigin iti nen, at iti o mummo nekhe dogogin dek o,” iluk ekhe lageikhemo,

Yohanes 9:5

An agat oba yoma dogolik, nebe o lia hak etnogo nen he, akhuni lia hagarinakherek o,”

Roma 1:32

Itithogon hagakharek iti nen, at Allah nen, “Akhuni inobabut itithogon hagakharek meke halok he, an nen ukum inoba 'biluk inebe motok inasusak mothogonat inasigin o,” iluk isikhe meke inilu dogoligat, it inekaerek nen itithogon hagakhoat welageikharek iti. It itithogon hagakhe dogolik, it akhuni aperek nen itithogonat hagakhunem nen, “Erlok hagakhe lagap,” iluk yogeisegaregat.

Roma 2:8

Itithogon mekeat, it akhuni aperek nen inekaerek hasik anek hagakhe dogolik, ebe wene isinem inasuk hologo hagakhidek here'isalok, weak wene anek inasuk hologo hagakharek meke iti, Allah akla aga hetpet dageilik wene kokhogon inoba 'bigin o.

1 Petrus 2:8

Nen, ageikhe men isikhe, “Akhuni helekit iti baga inisok a'bit 'baukhogon waralok wilasi laga dogogun o,” iluk isikhe. Itithogon wilasi laga dogogun iti re, it nen hano wene iti, “Eberogonat,” iluk hutdugun dek iti nen, Allah nen akla apasikhe hagat, warisiliogei iti.

2 Petrus 3:3

Wene ebe yi tak hutdusak. O ilugun hurli baga, akhuni aperek inane sagun weak meke inetaiken oba nen nukunem inakla nen kagalogo weak hagakhe dogolik, hinoba witluk, inane sagun yokhisekhe dogolik,