Yohanes 3:17 - ALLAH ANE WENW KET MEKE WAROGO WOKNINAKHIKHE WENE

¹⁷ Nen, an Allah a'but agat oba yoma la'ani ageikhe iti, yi akhuni ti akhuni wene inoba 'biluk weagarinabuagaluk la'ani ageikhe 'buk. Meke re, inebe tilinabuagaluk la'ani ageikhe o.

Yohanes 3:17 ပူးပေါင်းရင်းမြစ်များ

Matius 1:23

At iti nen, “Horlak ageikhe eak akma atluk, eak abat itasigin o. Itaklaga halok, nit ninane baga, Allah ninom welago, u hak, etaga Imanuel ekhe dogogun,” iluk holal waganogo 'bisikhe meke tak-tagat hagatlageikhe iti.

Matius 18:10

Itithogon yogeisasikhesik ageikhe men yogeisasikhe, “It malaikat Allah nen pogot oba nen yoko usa'isa agarek meke nen yekerugi yi hakene therisik dogolik nopase il oba motok welageikharek iti nen, yekerugi iti hinakla meanetdisugup o. [

Matius 18:11

An abat itaklasi agagi etnogo akhuni nuk ariogei meke iti herago tilinabigiluk wagagi o.]

Lukas 19:10

Tilhinakhemo meke iti, an abat itaklasi agagi etnogo, it akhuni nuk ariogei meke heago tilinabigiluk wagagiat o,” iluk yogeisasikhe.

Lukas 9:56

Itithogon wenageisalok nen, o nekalokma ageikhe lagoukha.

Yohanes 1:29

Wene itithogon isukhasik nen, noge iluk, hubuluke, at Yesus Yohanes oba wagunem ileken lakhalok nen, wene men yogeisasikhe, “Allah adomba eak meke nit akhuni agat oba yoma weak hagakhorek meke korogo thogotdisagein meke etnogo waga ili hinileken lakhani o.

Yohanes 10:36

an nen, Nebe Allah a'but igi iti nen, Allah etaga weagakhe, iluk nenaluk ekhe lagap. Allah nenat nayoko 'biluk eberogonat nebe wenago agat oba yoma la'ani ageikhe mekeat, itithogon nenaluk ekhe lagap.

Yohanes 11:42

An nen hat kino yokhugunem, nane hasuk holhetek etnogo, an nilu mekeat, it akhuni yoma nen, hat nen an la'ani agagin iti nebe hutdanuagaluk yokhikhi o, nopase,” iluk isikhesik nen,

Yohanes 17:18

Hat nen an nebe akhuni agat oba meke inoba la'ani agagin iti hak, an nen it itithogonat akhuni agat oba meke inoba la'isigi o.

Yohanes 17:21

Nopase. An nen kino yokhekhe lagei yi, men iluk. An nen nopase hat nipisak hunik, nen, nopase hat nen an nipisak hunik, welagorek iti hak, it itithogonat inebe tha'bokhogonat opakiat dogoagaluk kino yokhekhe lagei o. Itithogon werekma, it akhuni agat oba meke nen, ekhe dogolik, At he, opase nenat la'i ageikhe iti eberogonat, iluk hutduagaluk, it inebe nit ninom hunigat dogouok o.

Yohanes 17:23

It eberogonat inebe opakiat dogoak nen, it nen an ninom hunik, nen hat nen an nipisak hunik dogouok o. Itithogon dogogun halok, it akhuni agat oba meke nen ekhe dogolik, At he, opase nen la'i ageikhesik ebe etaiken hunik welagarek iti hak, it inebe at wogokhikhe meke etaiken hunik welagarek o, iluk inilu atluk hutdugun.

Yohanes 17:25

Allah mothogon anek hagakhetek meke, nopase. It akhuni agat oba meke hat hebe inokodek mekeat, an anek, hat nilu o. Nen, it hat nen woknikhigin meke anek, At nen la'i ageikhe iluk, iniluat o.

Yohanes 17:3

It akhuni nen, Allah hogorasusak ebe meke arlik-arlegat motok welagarek, iluk, hebe inilu ageik, nen an Yesus Kristus la'ani agaginmo wagagi meke yi nebe inilu ageik, hagariogei iti re, iniluk motok welageikharek erlo itiat o.

Yohanes 17:8

Wene hat nen yoknikhigin meke emenogo, it arat yogeisigima, arat waganhasik an nobasik ekhe dogolik, Allah nen la'i ageikhemo, at werekma nen eberogonat wageikhe, iluk inilu ageikhasik nen, nebe hutdanha o.

Yohanes 20:21

Itithogon inakla arleken akhasukhama, at Yesus nen wene ageikhe inom yabokane men yogeisasikhe, “Nagarumi. Hinagorakma. An nopase nen la'ani ageikhe iti hak, an nen hit itithogonat la'inagagin o,” iluk yogeisasikhe.

Yohanes 3:34

At Allah nen la'i ageikhe meke iti, Allah Agoreke hurli yi baga anek waganin o, igidek motogat wogokhikhe iti nen, Allah aneat yoknisekherek o.

Yohanes 5:36

an nebe hutdanuagaluk, at nen nabok pilinogo yokhisekhe lageikhe mekeat he, erlok dek negen. At he, an nopase nen, Nayabu ato 'bigidek tha'bokhogon hagatno, iluk nayoko 'bisikhemo hagakhe lagei iti baga anek he, akhuni nen, At ebe opase nen la'i ageikhemo, iluk nabok isinem inasuk holiluk nebe hutdanu hagat, hutdanusak o.

Yohanes 5:38

at nen nayoko 'biluk la'ani ageikhe mekeat he, hinetaiken noba hakotdekhe lagap dek iti nen, at ane hinakla werek motok dek o.

Yohanes 5:45

Meke re, an nen Allah il oba wene hinoba 'bigin iluk hinakla apugup o. At he, Musa ane iti bagaat hanotninabigin iluk hinakla arleken akhegethep mekeat he, at nenat, wene hinoba 'bigin o.

Yohanes 6:29

at Yesus nen, men yogeisasikhe, “Allah akla apekherek meke hit nen hagasusak iti ebe yiat o. An Allah nen la'ani ageikhemo wagagi meke yi, hinetaiken noba hakotdusak itiat o,” iluk yogeisasikhemo,

Yohanes 6:40

nopase akla apekherek o. Nen, nopase itithogon akla apekhe dogolik, akhuni nen Allah a'but nebe yi inileken niigik, inetaiken noba hakotdigik, hagakhe halok, inebe dopok iniluk motok dogoagaluk, o ilugun hurli baga, an nen inilugurinabuagaluk akla apekherek o,” iluk yogeisasikhe.

Yohanes 6:57

An nopase iluk motok welagarek meke nen la'ani ageikhemo wagagi etnogo, at iluk welagarek iti nen an niluk welagarek hak, tha nen, an nebe neke halok, an niluk welagarek iti nen, at ilugat dogogin o.

Yohanes 7:29

Itithogon mekeat, an anek he, at nenat la'ani ageikhemo, o at werekma etoma nenat wagagi iti nen, an at ebe nilu o,” iluk yogeisekhe lageikhemo,

Yohanes 8:11

at he etnogo nen, “Noe. Motok dek o,” iluk yogokhikhemo, Yesus nen, men yogokhikhe, “An meneke wene hoba 'biluk hasigin degat o. Haila lan o. Lalok nen he, hurli yogotak oba nen yabokane weak ageikhe hagakhe dogogun o,” iluk yogokhikhesik aila la'isikhe.]

Yohanes 8:42

at Yesus nen he, men yogeisasikhe, “Hit hinopase Allah eberogonat dogolepma re, an nebe erlo Allah mekeat wagagisik welagei iti, an hinakmurogon dogolep o. An nabusagat nakla apalok wagagi 'buk. At nenat la'ani ageikhemo wagagi o.

1 Yohanes 2:2

At ebe itithogon turlem heisogo dogolik, nit yi weak ti weak hagakhorek meke thagalogo degetdisalok hotninakherek. Itithogon hotninakherek iti nit weak hagakhorek meke ninobasik anek 'buk. At he, yi akhuni ti akhuni agat oba meke tha'bokhogonat weak hagakharek meke inobasik ninomat hotninakherek o.

1 Yohanes 4:14

Nit nen he, “Allah nen a'but ninileken hekhe lagagu meke iti nen, nit akhuni agat oba meke tilninabuagaluk la'i ageikhemo,” iluk abok pakhogon yokhisekhe lago.