Yohanes 3:13 - ALLAH ANE WENW KET MEKE WAROGO WOKNINAKHIKHE WENE

¹³ Itithogon yogokhikhesik nen, men yogokhikhe, “Ap ageikhe agat oba nen pogot oba motok dageigidek. At he, an pogot oba nen abat itaklasi usa'agagi etnogoat o.

Yohanes 3:13 ပူးပေါင်းရင်းမြစ်များ

Matius 8:20

Itithogon yogokhikhemo, at Yesus nen, “Helo yeke iti, ai halek akolakla welagarek. Nen, thue hitluk nekharek meke iti, ai halek welagaregat. Meke re, an abat itaklasi agagi iti anek, noge ekhe dogosakma nai halek motok dek o,” iluk yogokhikhe.

Yohanes 1:18

Akhuni nen Allah ebe inileken motok higidek meke re, at a'but irlagapi itago opase alilu ipisak welageikharek meke iti nenat Allah ebe hutukhogo yakulnisa ageikhe iti.

Yohanes 13:3

Itithogon akla kagalhikhemo, at Yesus akla nen, “Nopase nen yi meke ti meke tha'bokhogonat an niki baga 'bisikhemo werek apigi. Nen, an nebe Allah werekma nen usa'agagisik, yabokane napuke at obaat dageigin apigi,” iluk ilu welageikheat.

Yohanes 17:5

Nopase. Agat aban walhigidek dogolik, nipisagat kok welagagu etnogo meke, yogotak hat werekma etoma kogotdanino.

Yohanes 3:12

An nen wene agat oba meke hasik yokhisugunem, hit nen eberogonat iluk hutdekhe lagap dek halok, an nen wene pogot oba meke hasik yokhisaumo yabokane nikithogon nen wene iti eberogonat iluk hutdugun apegep. Hutdugun motok dek o,” iluk yogokhikhe.

Yohanes 3:31

Nen, akhuni tha'bokhogonat, inetaga dek anek. Meke re, at upu eloma nen usa'ageikhe meke itiat kok etagapogot o. Ap ageikhe ebe agat oba nen itago meke halok, ebe agat oba mekeatma, wene agat oba mekeat ekherek o. It akhuni tha'bokhogonat inetaga dek negen werek korlek, ap ageikhe pogot oba nen usa'ageikhe meke itiat kok etagapogorat werek o.

Yohanes 6:42

“At yi etaga Yesus, ap Yusuf a'but. Nen, at opase agosa ninilu mekeat, at nen ekhe dogolik, An nebe pogot oba nen usa'agagi, iluk ekhe iti nikithogon nen ekhe apegep,” iluk isukhama,

Yohanes 6:46

Wene yokhisigi yi re, it akhuni opakiat ageikhe nen, an nopase iti inileken hasukha iluk yokhisigi 'buk. Dek o. At he, an narligat Allah werekma nen wagagi meke yi anek, nopase nileken hasigi o.

Yohanes 6:51

Hipiri inilugurinakherek meke pogot oba nen usa'ageikhe iti re, an nebeat o. Hipiri an nen wogeisagein meke iti, tha nen nasi halok, at ebe iluk motok dogogin o. Akhuni agat oba meke iniluk dogoagaluk an nebe it inobasik watlasigin iti, an nebeat wogeisagein o,” iluk yogeisasikhe.

Yohanes 6:62

An abat itaklasi agagi etnogo alebat welagagimo yabokane napuke dageisinem hinileken nealok nen, hinakla nikithogon apagun.

Yohanes 8:42

at Yesus nen he, men yogeisasikhe, “Hit hinopase Allah eberogonat dogolepma re, an nebe erlo Allah mekeat wagagisik welagei iti, an hinakmurogon dogolep o. An nabusagat nakla apalok wagagi 'buk. At nenat la'ani ageikhemo wagagi o.

La'isasikhe 2:34

Meke re, at Daud ebe pogot oba dageigidek. Meke re, at nen men isikhe, Ninopase Etagapogot nen, an noe Etagapogot yogokhe dogolik, Hat hathili meke emenogo, hisok nen al debelogo 'bisanok nen, an nen hoba 'bisa ageidek werek korlek, hat hebe an nalilu niki ebeke kok hurek dogono, iluk at Allah nen yogokhikhe, iluk, at Daud ekaerek nen isikhe iti.

La'isasikhe 20:28

Domba therisik welageikharek iti hak, hit nen Allah a'buri therisik dogoagaluk, at Agoreke nen hinayoko 'bisikhemo, therisik dogolik, hinekaerek hinobabut hebelogo dogono o. Itithogon hinobabut hebelogo dogolik nen, Allah a'buri yoma, at ekaerek a'but amep oba woginakhikhemo inebe at ekaerek a'buri werek, iluk hanorogo therisik dogono o.

Roma 10:6

Itithogon mekeat he, akhuni inetaiken Allah oba hakotdisinem nen, at nen wene inoba meke korogo wokhalok yabokane inapuke at inom hunogo 'bisekherek iti hasik, Allah ane baga holal yigithogon waganogo 'bisukha, “Hakla nen, Pogot oba tha dageigin, iluk apugun o,” iluk isikhe iti ebe re, Kristus ebe wolok usa'isuagaluk usak dek iluk isikhe iti.

1 Korintus 15:47

Allah nen ebekeram ap Adam iti ebe agat abubuleke meke baga winametdisikhesikmo, obabut agat mekeat o. Meke re, ap Adam yabokane meke iti pogot oba nenat wageikhe.

Efesus 1:23

Nit Allah a'buri ninebe at Kristus ebeat o. Nen, yi meke ti meke, pogot oba agat oba welagarek meke tha'bokhogonat akla Kristus ebe kerlekhogonat dogolik, nit Allah a'buri at ebe hakene werekma, ninakla kerlekhogonat welagarek iti o.