Yohanes 3:10 - ALLAH ANE WENW KET MEKE WAROGO WOKNINAKHIKHE WENE

¹⁰ at Yesus nen, men yogokhikhe, “Noe. Hat hebe, akhuni Yahudi meke wene yakulisegetek mekeat, an nen wene yokhikhi iti hutdigidek welagan a? E a.

Yohanes 3:10 ပူးပေါင်းရင်းမြစ်များ

Matius 11:25

Itithogon yogeisasikhesik, o itinem, at Yesus nen Allah ebe yogokhe dogolik, “Allah nopase! Pogot agat iteerek harat o! Wene tha'bokhogonat iti, it akhuni inakla kagalek meke men, yi wene ti wene inilu meke men, inilu asunogo iluk lima'iluk nen, it inobabut yekerugi ket itago meke hakene anek, pakhogon yogeisegen iti hakla warlok apegetik nenat yogeisegen iti nen heagei wathakhe lagei, nopase,” iluk yogokhikhe.

Matius 15:14

Inileken puk dogoligat he, holak lirisiliogei iti thogotdisani o. At ageikhe ileken puk meke nen, at ageikhe itithogon ileken puk meke yogokhe dogolik, Holak yike lu! iluk iki hago wolok ligin halok he, ipisagat hurlugu Karluk waganekma usagun o,” iluk yogeisasikhe.

Matius 22:29

at Yesus nen men yogeisasikhe, “Hit he, Allah ane holal waganek iti inom, Allah obatne iti inom, hinokodek dogolik, hinane korlo egep higi.

Lukas 2:46

Usasukhasik herarik nekhe lagoukhasik, noge iniki pere iluk nen, yabokane iniki ageikhe nen 'bikhasukha meke, at ebe Allah ai halekma ukisikhesik, it ap Allah ane yakulisekhe lagoukha meke emenogo inom inakla hurek dogolik, it emenogo inane isinem asuk holhik, it nen isinem at nen hinok waganhik, hagakhunem herakhukha.

Lukas 5:17

Iniki ageikhe baga, at Yesus wene yakulisekho werekma, it ap Farisi meke inom, ap Allah ane holal waganek meke yakulisekhe lagoukha meke inom, inai o Galilea eloke nen, Yudea nen, kota Yerusalem nen, oba wagoukhasik inasuk holek hurek werekma, ninopase Etagapogot nen akhuni u weak meke Yesus nen hagarinakhe dogoagaluk obatne wogokhe korlek hano hagarinakhe lageikhe.

Yohanes 3:9

Itithogon yogokhikhemo, at Nikodemus nen, men yogokhikhe, “Wene egen iti nikithogon hagarinabusak nen egen,” iluk hinok waganhikhemo,

La'isasikhe 5:34

Inasuogoluk hagakhukha mekeat he, ap ageikhe it Farisi meke inawene hago dogolik, it inom wene erlo pilinekhe lagoukha meke etaga Gamaliel. Ap iti wene Allah nen inasuk wakhikhe wene etnogo yakulisugunem, akhuni tha'bokhogonat nen, “At hano,” iluk inane hanorogon yogokhe lagoukha meke. At iti melageikhesik nen, men yogeisasikhe, “Ap iniki herle warek meke yi, elanma hasik itikmanke dogoak nen ula'isani,” iluk yogeisasikhe.

Roma 2:28

Akhuni Yahudi ebe Yahudi meke iti ebe re, thelekma meke iti 'buk. Nen, inoado aperlagap palharek iti ebe re, inoado aperlagap palek iti 'bugat o.

Filipi 3:3

Nit he, ninoado aperlagap meke arat palek dogou hak, ebe meke hagakhe lago. Allah Agoreke nen ninakla kagalho korlek, Allah ebe hogorakhik, Kristus Yesus ninom hunik welago, iluk, hogorakhigik, hagakhe dogolik, yi wene ti wene ninoado itikmanke yi hasik hagakhorek iti baga hanotninabigin iluk apekhe lago dek o.

Kolose 2:11

Hit, at hinom itithogon hunik welagap iti nen, akhuni iniki nen inoado aperlagap palinakharek hak palhinakhukhama palek welagap 'buk. Dek o. At Kristus nenat hinobabut hinikhogat dogolik weak hagakhe lagagip meke iti palogo la'isasikhemo, hinoado etnogo palek dogou hak welagap iti.