Yohanes 21:5 - ALLAH ANE WENW KET MEKE WAROGO WOKNINAKHIKHE WENE

⁵ Itithogon hutdigidek werekma, at Yesus nen men yogeisasikhe, “Warligi yi. Nagarumi. Ikan ageikhe waganhep a?” iluk yogeisasikhemo, it nen, “Motok dek o,” iluk yogokhukhama,

Yohanes 21:5 ပူးပေါင်းရင်းမြစ်များ

Matius 14:15

Itithogon u hano hagarinakhe korlek, o arat liok isikhemo nen, at ane waganhe lagoukha meke emenogo Yesus oba wagoukhasik, men yogokhukha, “Nit o yoma akhuni inaren dekma werekma, o arat liok ekhe yoma, akhuni doalegat yoma inapiri inekaerek oko paloak nen he, o yoma aliluke o ukul 'bugurlagatmake la'isan o,” iluk yogokhukhama,

Markus 8:7

Supurisasukhasik, ikan 'bugurlaktek meke pererlagat aperek welageikhemo, Yesus wogokhukhama, Allah heagei warogo itithogon supurisoagaluk yogeisasikhe.

Filipi 4:19

Nen, hit yi meke ti meke hinerlageik werekma, an nopase Allah hogorakherek meke Kristus Yesus ipisak hunik dogolik inilmo horleak nen hogorakharek meke etnogo nen, wokhisugunem hinilmo horleak asugunat o.

Ibrani 13:5

Allah nen ninebe tomok hasigat ekhe dogolik, “An nen hat niki hetokhogon here'agagik, hebe hasokneat 'bageigik, hagasigin dek o,” iluk isikhe iti nen, hit uang hinetaiken hundiluk dogogup o. Herlekha'bugat werek iti, hit hinakla nen, “Yi erlok werek,” iluk apausak o.

1 Yohanes 2:13

Nopase lak o. At alebageik erlo baga nen welagarek meke etnogo ebe hinilu agagisip welagap iti nen, holal waganogo hinoba la'i agei. Nen, elege nagarumi o. Hit nen at obabut weak meke etnogo arat obatne degetdisigip welagap iti nen, holal waganogo hinoba la'i agei o.

1 Yohanes 2:18

Na'buri o. O yogotak he, o ilugun oba welago o. Akhuni aperek nen, “Yabokane ap ageikhe Kristus inom motok weak meke wisigin,” iluk yokhisasukhama, hinasuk holhigip iti hak, o yogotak he, Kristus inom weak meke inebe doalegat arat thelekma asi ageikhasik werek iti nen he, nit nen, “O yogotak eberogonat o ilugun oba welago,” iluk ninetai eketlatluk hutdekhe lago.