Yohanes 21:3 - ALLAH ANE WENW KET MEKE WAROGO WOKNINAKHIKHE WENE

³ Itithogon natogokhukhasik nen, Simon Petrus etnogo nen, it ebetlake men yogeisasikhe, “An yogotak ikan wagani lagaluk,” iluk isikhemo, it ebetlake emenogo nen, “Nit ninomat luok o,” iluk isukhasik nen, inom lagoukhasik ku baga ukisukhasik lagoukha meke re, o yibako-hibako ikan opakiat halok ageikhe motok waganhidek.

Yohanes 21:3 ပူးပေါင်းရင်းမြစ်များ

Lukas 5:5

at Simon nen, “Noe! Hiamaganekeke nen lok-logat hibako usakho motok welago meke re, ageikhe motok waganhidek o. Meke re, hat nen yoknekhenma nogo nen, an nen su yoge su usabigin o,” iluk

Yohanes 21:4

Itithogon waganhidegat werekma, o wi aga korlek, at Yesus lageikhesik, i aik oba metek welageikhe meke re, it agarumi ane waganhe lagoukha meke emenogo nen, “Ithi Yesus ebeat o,” iluk hutdigidek.

La'isasikhe 18:3

It Akwila Priskila ipisagat oko horlauwogoluk, o su ai meke 'bugukakhe lagoukha. At Paulus oko horlagaluk itithogonat 'bugukakhe lageikhe iti nen, it inoba wageikhesik dogolik, inomat 'bugukhakhe lagoukha.

La'isasikhe 20:34

At he, an men, ap an nagarumi noporlik nekharek meke men, yi meke ti meke dek nen, an nekaerek niki nen herago horlekhe lagei iti hinilu o.

1 Korintus 3:7

Ebe kok etaga werek he, ai yakharek meke iti 'buk. I tialik lagarek meke iti 'bugat. Kok etaga werek he, Allah nen ebe kogotdekherek itiat anek etaga werek o.

1 Korintus 9:6

E a, at he, it iti yabu waganhidek werlegat werek korlek, an Barnabas nipisak ninarligat anek yi meke ti meke niniki baga nen thet walogo here'isausak apegep?”

1 Tesalonika 2:9

Nagarlak lak nerugi. Nit Allah ane hano wene iti yokhisugunem, yi meke ti meke hasik, hit aperek hinoba tiolhinabunogo iluk, nit ninekaerek nen dikene hibakone ninobatnerogon hagakhik, mep dageik-dagokhogon hagakhik, hagakhe lagagu etnogo, hiniluat o.