Yohanes 21:2 - ALLAH ANE WENW KET MEKE WAROGO WOKNINAKHIKHE WENE

² Iniki ageikhe itinem, at Simon Petrus etnogo men, Tomas etaga ageikhe Hulupmio Meke etnogo men, Natanael ai o Galilea eloke o ukul etaga Kana meke men, Zebedeus a'buri men, Yesus agarumi inebe pere meke men, natogokhukha.

Yohanes 21:2 ပူးပေါင်းရင်းမြစ်များ

Matius 10:3

Filipus Bartolomeus ipisak inom, Tomas Matius pemerintah hasik uang kino ilik waganhe lageikhe meke etnogo ipisak inom, Alfeus a'but Yakub Tadeus ipisak inom,

Markus 1:19

Oporlik lagoukhama horogat lagoukhasik nen, Zebedeus a'buri Yakobus agot Yohanes ipisak, ku baga inasu yoge su 'bugukakhunem ileken lageisasikhe.

Lukas 5:10

Iti hak, at Simon agarlak lak inom hunik meke Zebedeus a'buri Yakobus Yohanes ipisak, itithogonat inayuk ageikhemo, at Yesus nen Simon men yogokhikhe, “Hayuk agun o. Ikan waganhe lagan iti hak, hurli yogotak nen, akhuni woginabik nekhe dogogin o,” iluk yogokhikhe.

Yohanes 1:45

Oporlik laga dogolik, at Filipus etnogo nen yabokane Natanael herakhikhesik men yogokhikhe, “Natanael. At Musa nen wene Allah nen ninasuk wakhikhe wene etnogo baga, ap ageikhe abok ekhe dogolik, holal waganhik, nen, it ap Allah ane yogeisekhe lagoukha meke emenogo nen abok ekhe dogolik, holal waganhik, hagakhukha meke etnogo, nit arat herakho. At ebe re, Yusuf a'but o Nazaret meke Yesus at o,” iluk yogokhikhe meke re,

Yohanes 11:16

Itithogon yogeisasikhemo, ap etaga Tomas igik, Hulupmio Meke igik, ekhe lagoukha iti nen, agarlak lak Yesus agarumi ebetlake emenogo men yogeisasikhe, “At Yesus ninomat watlasuok nen, usauwok nen witni o,” iluk yogeisasikhe.

Yohanes 2:1

Itithogon hagakhe lagoukhasik, noge iniki pere iluk nen, iniki ageikhe baga nen he, o Galilea o ukul ageikhe etaga Kana iti, ap ageikhe age igikhunem Yesus agosa ayoko 'bisukhama etoma inom welagoukha.

Yohanes 2:11

At Yesus ebe hutduagaluk elalin meke ageikhe hagakhidekma alebageik hagakhikhe iti, o Galilea o ukul Kana dogolik hagakhikhe iti baga, at hogorakharek meke inilurogo yakulisasikhemo, it at agarumi ane waganhe lagoukha meke emenogo Yesus ebe hutdiluk, inetaiken at oba hakotdisukha.

Yohanes 20:28

Itithogon yogokhikhemo, at Tomas nen, “Eiye! Noe, hebe Hetagapogot Allah at hiigi o,” iluk yogokhikhemo,

Yohanes 4:46

At Yesus ebe itithogon heagei warogo waganhukhama, alebat i meke anggur eken apusu hagakhikhe baga o Galilea ukul etaga Kana etnogo wageikhe. Wageikhesik werekma, ap kok pemerintah meke ageikhe, aila o Kapernaum meke, a'but oba u warek welageikhe.