Yohanes 21:18 - ALLAH ANE WENW KET MEKE WAROGO WOKNINAKHIKHE WENE

¹⁸ Itithogon yogokhikhesik nen, wene ageikhe men yogokhikhe, “Alebageik, hat hebe elege dogolik, An o etoma ligin, iluk therlok hekaerek nen a'bethogon ikhalok laga lagagin mekeat he, yabokane hat hebe yaman agan halok, hiki walokhogon la'isinem, it aperek nen hat hiki herle a'bethogon watdageiluk nen, hat o lausak ha'itmo wokharik lugun o, iluk eberogonat yokhikhi o,”

Yohanes 21:18 ပူးပေါင်းရင်းမြစ်များ

Lukas 12:37

At kok etnogo atuaneke meke emenogo inoe therogo werekma ebe waga dogoumo nen, inakla arleken motok akhagun o. Itithogon therogo werekma witluk nen, at inoe etnogo asu it inasu hakene ikhogo, at agarumi emenogo isago etnogo noagaluk inebe opakimo dapukhogon huretdisalok nen, at nen melageisagein, iluk yokhisigi.

Yohanes 13:36

Yesus nen itithogon yogeisekhe lageikhemo, at Simon Petrus nen, “Noe. Hat o koma lagaluk nen egen,” iluk yogokhikhemo, at Yesus nen, men yogokhikhe, “An o liginmo etoma, hat noporlik dopokhogon ligin dek o. Yabokane anek noporlik wisigin o,” iluk yogokhe lageikhemo,

Yohanes 21:17

Iki pere baga itema waganhikhesik nen yabokane ageikhe waganhikhe, “Simon Yohanes a'but nagot o. Hat nen an nebe hakmu a?” iluk, Yesus nen itema iki pere baga waganhikhesik nen, yabokane dagakhogon ageikhe baga, “Hat an nebe hakmu welagan a?” iluk yogokhikhe iti nen, akla korlo ageikhemo, at nen Yesus men yogokhikhe, “Noe. Hat he, yi meke ti meke tha'bokhogonat hilu o. Halok he, an nen noe hebe nakmu welagei iti, hat hilu o,” iluk yogokhe lageikhemo, at Yesus nen, men yogokhikhe, “Halok he, an nako domba hanorogon therisik dogono o,” iluk yogokhikhe.

Yohanes 21:19

iluk wene itithogon yogokhikh iti, at Petrus yabokane itithogon hagarogo wasugun oba Allah hogorasugun meke hasik yogokhikhe iti. Itithogon arat yogokhikhesik nen, ageikhe men yogokhikhe, “An noporlik nekhe dogono o,” iluk yogokhikhe.

La'isasikhe 21:11

Wageikhesik, nit ninoba ukisikhesik nen, Paulus therlok ugu welageikhe meke, at nen nokorlogo waganhikhesik nen, ekaerek nen iki herle watdigik, isok herle watdigik, hagakhikhesik nen, men isikhe, “Allah Agoreke nen, Ap therlok yi iteerek meke, ebe o Yerusalem lagunem, ap Yahudi meke nen yigithogon herle watdiluk, it ap itikmanke meke inikimo 'bugun o, iluk yoknekhemo,” iluk isikhe.

2 Korintus 5:4

Ninebe elanma hasik yi dogolik, “Eiye,” iluk ninoba akin-pakin weak welago. Iti, ninoado yi meke nokorlogo here'isalok, werlegat dogou warlok nen ekhe lago 'buk. Yi werek korlek, yabokane ninebe niniluk motok dogogun meke iti i'binanumo, ninoado watlagorek meke yi naburlal-haburlal hagatninabuagaluk ekhe lago.