Yohanes 20:29 - ALLAH ANE WENW KET MEKE WAROGO WOKNINAKHIKHE WENE

²⁹ at Yesus nen, men yogokhikhe, “Hat he, hileken arat neegetik nen eberogonat iluk hetaiken noba hakotdegen. Itithogon meke re, it akhuni aperek inileken niigidek mekeat he, inetaiken noba hakotdugun halok he, inakla arleken akhagun o, iluk eberogonat yokhikhi o,” iluk yogokhikhe.

Yohanes 20:29 ပူးပေါင်းရင်းမြစ်များ

Matius 13:16

Mekeat he, hit anek he, hinileken higik, hinasuk holhik, hagakherethepma iti nen, hinakla arleken akhekhe dogoni o.

Lukas 1:45

Nopase Etagapogot nen abok yokhikhikhe meke, ebeat asigin o, iluk, hetaiken Allah oba hakotdegen iti, hakla arleken kogat asigin o,” iluk yogokhikhe.

Yohanes 20:28

Itithogon yogokhikhemo, at Tomas nen, “Eiye! Noe, hebe Hetagapogot Allah at hiigi o,” iluk yogokhikhemo,

Yohanes 20:8

Itithogon hasikhesikmo nen, at Yesus ane waganhe lagoukha meke ageikhe alebageik warek 'bisukhama wageikhe meke etnogo yabokane akla ukisikhesik nen ileken 'bikhasikhe meke, tha'bokhogonat itithogon werekma ileken hasikhesik nen, eberogonat iluk hutdisikhe.

Yohanes 4:48

at Yesus nen, ap kok etnogo men yogokhikhe, “Hit akhuni yoma hinobabut, an nen hit hinilu asuagaluk elalin meke ageikhe hagakhunem hinileken nealok anek, hinetaiken noba hakotdusak hisekhe lagei. Elalin meke hagakhidek halok hinetaiken noba hakotdusak dek hisekhe lagei yi re!” iluk yogokhikhemo,

2 Korintus 5:7

Nit he, ninileken hekhe lago meke yoma oba hakotdiluk welago 'buk. Ninetaiken at Yesus oba hakotdiluk welago.

Ibrani 11:1

Inetaiken Allah oba hakotdiluk welageikharek iti ebe yigithogon. “Hano asigin,” iluk eberogonat apigik, “Yi meke ti meke ninileken nen higidek mekeat he, eberogonat weregat o,” iluk hutdigik, hagakharek itiat o.

Ibrani 11:27

Itithogon apasikhesik nen dukhisikhesik, etaiken Allah oba hakotdiluk, “Ap kok Firaun akla aga dagousak iti nayuk o,” iluk akla apigidegat, Allah ebe ninileken hogorek dek meke iti ileken hekhe dogolik negen, “Netaiken at oba hakotdigirikmo iti, dukhiginat o,” iluk o Mesir here'isalok dukhi ageikhe iti.

Ibrani 11:39

Allah nen, “Hanothinabigin,” iluk abok yoknisasikhe meke iti, it inebe tha'bokhogonat iti ebe waganhidek mekeat he, inetaiken Allah oba hakotdiluk dogolik hano hagarik laga lagoukha iti nen, at Allah nen, “It hano,” iluk inebe oba hotok isikhe. Itithogon ebe waganhidek iti, Allah nen haganeat nit ninobasik hano meke wenago 'binanhe dogolik, nit dek werek korlek it inarligat, hano 'bogokhogon hagarinakhidek. Nit ninobasik, “It inom opaki hasik 'bogokhogon hagarinabigin,” iluk abok isikhemo nogo nen, it nen ebe waganhidek welagoukha iti.

1 Petrus 1:8

Hit nen alebat, at ebe hinileken higidek mekeat he, ebe hinakmu welagap iti o. Itithogon dogolik, yogotak ya hinileken higidek mekeat he, hinakla nen, “Yabokane hano motok hagatninabigin,” iluk hinane baga nikithogon pilinogo usak heat dogolik, hinakla arleken motok akhekhe lagap iti o.