Yohanes 20:24 - ALLAH ANE WENW KET MEKE WAROGO WOKNINAKHIKHE WENE

²⁴ At Yesus ebe agarumi inelokhoma wisam ageikhe itinem, inebe 12 emenogo meke it ebetlake anek werekma. Nen, at Tomas etaga ageikhe Hulupmio Meke ekhe lagoukha etnogo ebe it inom dekma wageikhe.

Yohanes 20:24 ပူးပေါင်းရင်းမြစ်များ

Matius 10:3

Filipus Bartolomeus ipisak inom, Tomas Matius pemerintah hasik uang kino ilik waganhe lageikhe meke etnogo ipisak inom, Alfeus a'but Yakub Tadeus ipisak inom,

Yohanes 11:16

Itithogon yogeisasikhemo, ap etaga Tomas igik, Hulupmio Meke igik, ekhe lagoukha iti nen, agarlak lak Yesus agarumi ebetlake emenogo men yogeisasikhe, “At Yesus ninomat watlasuok nen, usauwok nen witni o,” iluk yogeisasikhe.

Yohanes 14:5

at Tomas nen, men yogokhikhe, “Noe. O hat liginmo iti ninokodekma, holak iti nikithogon nen ninilu asusak o,” iluk yogokhikhemo

Yohanes 21:2

Iniki ageikhe itinem, at Simon Petrus etnogo men, Tomas etaga ageikhe Hulupmio Meke etnogo men, Natanael ai o Galilea eloke o ukul etaga Kana meke men, Zebedeus a'buri men, Yesus agarumi inebe pere meke men, natogokhukha.

Yohanes 6:70

at Yesus nen men yogeisasikhe, “An nen hit hinebe 12 oba yi wenakhinakhigi dek nogo? An nenat wenakhinakhigi mekeat, hat opakiat ageikhe Iblis mekeat welagan o,” iluk yogeisasikhe.

Yohanes 6:71

Wene itithogon isikhe iti, ap Yudas, Simon Iskariot a'but hasigat isikhe. At ap iti ebe Yesus agarumi inebe 12 emenogo mekeat he, yabokane Yesus ebe wasuagaluk yoko lageikhe iti meke hasik isikhe iti.

Ibrani 10:25

Nit ninoe iki dogoluk degat wisigin iluk ninilu iti nen, it aperek nit natogokhunem huk ageikharek iti hak, nit huk ageidek, oba eberek-eberek nit-nit ninetaiken ago warogo ninasuk wat-wat hagakhe dogouok o.