Yohanes 20:20 - ALLAH ANE WENW KET MEKE WAROGO WOKNINAKHIKHE WENE

²⁰ iki inom, abelekenma inom, wakhukha meke etnogo o'ban emenogo inugurisasikhe. Itithogon inugurisugunem, inileken hasukhasik nen, “Ninoe ebeat o,” iluk inakla arleken motok akhasukha.

Yohanes 20:20 ပူးပေါင်းရင်းမြစ်များ

Matius 28:8

it humi emenogo oila etoma nen ibat laga dogolik inayuk agoukha mekeat he, yabokane inakla arleken motok akhilik akhilik, at agarumi ane waganhe lagoukha meke emenogo inoba pirlirliat yogeisa lagoukha.

Yohanes 16:20

Yabokane hit hinakla nen di ago, de ago, ugun mekeat, it akhuni agat oba meke inakla arleken akhagun o. Itithogon meke re, hit hinakla weak dogogun meke iti, yabokane hano agunem hinakla arleken motok akhagun o, iluk, eberogonat yokhisigi o.

Yohanes 16:22

Hit itithogonat. Yogotak hinakla weak welagap meke re, yabokane an ninom abuk asugun itinem, hinakla arleken kogat akhgun o. Nen, hit hinakla arleken iti, it akhuni aperek nen degetdugun motok dek o.

Yohanes 19:34

Itithogon tamelhidek kamotdisukha mekeat he, ap tentara emenogo meke ageikhe nen, thege baga Yesus abelekenma karlukhogon waknikhemo, thege elolake amep inom, i inom, dukhi ageikhe.

Yohanes 20:25

Itithogon ebe dekma nogo nen, it Yesus agarumi ebetlake nen, men yogokhukha, “Tomas nagarlak. Nit ninoe Etagapogot etnogo arat ninileken hogo,” iluk yogokhukha mekeat at nen, men yogeisasikhe, “An nen at iki baga pisuemaken wakha meke elo nileken hutukhogon higidek, nen o'ban niki hakhigidek, abelekenma thege elo niki kolakhigidek halok, eberogonat iluk apagein motok dek o,” iluk yogeisasikhe.

Yohanes 20:27

yabokane at Tomas men yogokhikhe, “Hat hakla nen eberogonat iluk hetaiken noba hakotdigidek welagan itithogon dogogun o. Eberogonat iluk hakla apanok nen he, hiki haknealok, niki baga hileken niigik, nabelekenma thege elo hiki kola'igik, hagatluk nen, hetaiken noba hakotdino o,” iluk yogokhikhe.

1 Yohanes 1:1

Wene holal waganogo hinoba la'i ago iti ebe re, ebe wene ninilugutninakherek meke ebekeram erloma nen welagarek etnogo meke. Wene iti, nit arat ninasuk holhik, ninileken tomok higik, 'birogo welageik, niniki hakhigik, hagakhugu meke etnogoat o.