Yohanes 20:19 - ALLAH ANE WENW KET MEKE WAROGO WOKNINAKHIKHE WENE

¹⁹ Itithogon yogeisa ageikhesikmo nen, o hari Minggu itinem hibako at Yesus agarumi ane waganhe lagoukha meke emenogo, it ap Yahudi meke inayuk nen o ageikhela opakimo thu tha'bokhogonat kunci larogo ukisukhasik werekma, at Yesus lageikhesik inalilu wisam ageikhesik nen, men yogeisasikhe, “Nagarumi. Hinagorakma,” iluk itithogon yogeisasikhesik nen,

Yohanes 20:19 ပူးပေါင်းရင်းမြစ်များ

Matius 10:13

Nen, it akhuni etoma inobabut hano nen wokhinakho halok, heagei hinane hanorogo warinabugun iti baga, Allah nen hanorinabiginat o. Itithogon mekeat he, inobabut weak halok he, heagei warinabugun meke iti hinane ukut apuke waganhe dogono.

Markus 16:14

Itithogon hagarik waga lageikhesik, ebe yabokane, it at Yesus agarumi inebe 11 nen emenogo hurek hipiri nasi werekma, “Inileken neoak,” iluk inoba ukisikhesik inelokhoma winam ageikhesik men yogeisasikhe, “Hit yoma hinakla nen eberogonat iluk apigidek hinakla pugat yoma re! Allah nen an nebe arat nilugutnakhemo werekma, it aperek nen inileken neegasik yokhisa ageikha mekeat he, hinakla nen eberogonat iluk apigidegat yoma re!” iluk wenageisasikhe.

Yohanes 14:27

Halok he, hit hinetaiken hapukhogon dogoagaluk an netaiken hapukhogon welagarek meke wokhisalok ligin o. Iti akhuni agat oba meke nen wogeisegarek iti hak wokhisagein dek iti nen, hinelabut hisik dogolik hinayuk agup o.

Yohanes 16:22

Hit itithogonat. Yogotak hinakla weak welagap meke re, yabokane an ninom abuk asugun itinem, hinakla arleken kogat akhgun o. Nen, hit hinakla arleken iti, it akhuni aperek nen degetdugun motok dek o.

Yohanes 16:33

ageikhe men yogeisasikhe, “Hit an ninom hunik dogolik, hinakla hapukhogon dogobageik nen iluk, wene iti tha'bokhogonat yokhisigi o. Hit akhuni agat oba meke nen yi aik ti aik hagathinakhe dogogun o. Meke re, akhuni agat oba meke arat obatne degetdisigima iti, hinayuk dekhogon dogono,” iluk yogeisasikhe.

Yohanes 20:21

Itithogon inakla arleken akhasukhama, at Yesus nen wene ageikhe inom yabokane men yogeisasikhe, “Nagarumi. Hinagorakma. An nopase nen la'ani ageikhe iti hak, an nen hit itithogonat la'inagagin o,” iluk yogeisasikhe.

Yohanes 20:26

Itithogon yogeisasikhesik oba nen, iniki 7 baga welagoukhasik nen ageikhe baga it Yesus agarumi ane waganhe lagoukha meke emenogo Tomas inomat, o etnogolaat natogokhukhasik, thu tha'bokhogonat kunci latdiluk welagoukha mekeat he, at Yesus wageikhesik inakla wisam ageikhesik nen, men yogeisasikhe, “Nagarumi. Hinagorakma,” iluk yogeisasikhesik nen,

Yohanes 21:1

At Yesus nen itithogon hagakhikhesik oba nen, i tiberias yekelekma, at agarumi ane waganhe lagoukha meke emenogo yabokane inelokhoma wisam ageikheat. Inelokhoma wisam ageikhe iti, wene ebe yigithogon.

Yohanes 21:14

At Yesus itithogon hagakhikhe iti, at ebe watlageikhesik nen apuke iluk ageikhesik oba nen, iki pere baga agarumi inelokhoma wisam ageikhesik nen ageikhe yabokane wisam ageikhe itiat o.

Yohanes 7:13

Itithogon isukha mekeat he, it ap koktek Yahudi meke inayuk nen, Yesus abok inane thelekmarogon palhidek. La'bokhogon anek isukha.

La'isasikhe 1:3

Yesus ebe watlageikhesik nen iluk atluk, iki 40 hari inom dogolik, at ebe thekekhogon hutduagaluk yi meke ti meke elalin doalegat hagakhe lageikhe. Itithogon hagakhe dogolik, at nen, “An nebe yi. Inileken hutukhogon neoak o,” iluk eran-alep inelokhoma melatluk inugurisigik, Allah apma dogogun wene yogeisigik, hagakhe lageikhe.

Roma 15:33

Allah nen akhuni inetaiken hapugutdekherek meke etnogo, hit tha'bokhogonat hakhisik dogoagaluk, hagakhe dogolik, “Ebeat asuak,” u hak, “Amin,” iluk igi iti.

1 Korintus 15:5

Ilugutdisikhemo, at Kepas ileken hoagaluk elokhoma wisam ageikhe. Oporlik he, it inebe 12 emenogo inileken hoagaluk inelokhoma wisam ageikheat.

Efesus 2:14

Akhuni Yahudi meke inom, itikmanke meke inom, inom palek werekma, tumo holak palek leget negen kok halek welageikhe meke, at Yesus nen dapulogo 'binanherek meke etnogo ebe watlaga dogolik hurli palek etnogo misalogo degetdiluk nen, ninebe opakimo dapukhogon 'binanhikhemo welago iti o.

Efesus 6:23

Ninopase Allah inom, ninoe Etagapogot Yesus Kristus inom, ipisak nenat, hit nagarlak lak nerugi Allah a'buri tha'bokhogonat hano dapukhogon 'binageigik, akhuni inakmurogon welageikharek meke iti wokhisigik, inetaiken at oba hakotdiluk welageikharek meke iti inomat wokhisigik, hagasuak o.

Filipi 1:2

Ninopase Allah, ninoe Etagapogot Yesus Kristus ipisak inobabut hano etnogo nen hano meke wokhisigik, hinetaiken hapugutdinageigik, hagakhe dogoak o.

2 Tesalonika 3:16

Ninoe Etagapogot ninetaiken hapugutdekherek meke etnogo ekaerek nen yi meke ti meke hasik hinetaiken hapugutdekho motok dogolik, hinebe tha'bokhogonat hakhisik dogoak o.

Ibrani 7:2

Itithogon yogokhikhemo, Abraham nen, wim yakhe dogolik, yi meke ti meke hugul waganhikhe meke tha'bokhogonat iki wenago 10 baga ageikhe meke aperek mikirlogo Allah hasik 'bisalok, ap Melkisedek etnogo wogokhikhe. Ap Melkisedek iti etaga nit ninane baga, “Kok etagapogot obabut mothogon anek hagakherek meke,” iluk u hak, etaga Melkisedek thalekma ekhe lagoukhaat. Nen ageikhe, “Kok etagapogot hogot walherek meke,” iluk u hak, akhuni o Salem meke inoe kok etagapogot iluk ekhe lagoukhaat.

3 Yohanes 1:14

An nebe ibat-ibat hoba witluk wenekak ninom ninilhaoak oba hut-hut ugun o, iluk apekhe lagei.

A'bikaka 1:4

An Yohanes nen hit o propinsi Asia meke gereja 7 baga nen natogokhe lagap meke, nagarlak lak nerugi. Ninopase Allah ebe ikhok motok dogolik, haganeat welageikhe, yogotak weregat, yabokane motok dogogin meke wisigin etnogo men, Allah ebe kok welagarekma obolukmo werek korlek, Allah Agoreke ebe opakiat meke re, 7 thalek elokhoma welageikharek iti men, at Yesus Kristus obabut hupukhogon dogolik, Allah abok pakhogon yoknisekherek meke etnogo men, inobabut hano etnogo nen thethisik dogolik hano meke wokhisigik, hinetaiken hapugutdinageigik, hagakhe dogoak o, iluk heagei wathinakhi iti o. At Yesus ebe watlageikhesikmo nen opase Allah nen a'but makusa itaginakharek iti hak, at tak apuke ilugutdisikhemo, akhuni koktek inetagapogot agat oba meke yoma inebe erlok dek mekeat he, at anek he, kok welagarek. Itithogon digeigiluk, nit nen weak hagakhe lagagu iti nen, ninebe herle warek hakene haknisik werekma, at nen nit akmutninakhikhesik, amep ulabogo watlageikhe iti baga herle hisalninakhikhe iti o.