Yohanes 20:17 - ALLAH ANE WENW KET MEKE WAROGO WOKNINAKHIKHE WENE

¹⁷ Itithogon heagei wakhikhemo, at Yesus nen, men yogokhikhe, “An nebe nopase oba aban dageigidek welagei iti re, hiki abiak haknarik dogogun o. An men, hit men, ninopase Allah oba hakotdiluk welagorek meke etnogo oba dageigiluk hagakhe lagei, ekhe iluk nagarumi yogeisa lan o,” iluk yogokhikhemo,

Yohanes 20:17 ပူးပေါင်းရင်းမြစ်များ

Matius 12:50

Tha nen an nopase pogot oba meke akla apekherek meke mothogon hagakherek halok, at iti an nagot, neru, nagosa werek o,” iluk yogokhikhe.

Matius 25:40

an ap kok Netagapogot nogo nen, it akhuni emenogo men yogeisagein, Hit nen an nagarumi inetaga dek meke ageikhe werekma itithogon hagarinakhe lagagip iti, anat hagatnakhe lagagip o, iluk, eberogonat yokhisigi, iluk yogeisagein.

Matius 28:7

'Bikhalok nen, Yesus etnogo watlagasikmo nen Allah nen ilugutdekhemo o, iluk, at agarumi ane waganhe lageikha meke emenogo ibat yogeisa lano o. Hit o Galilea etoma aban lageidek werek korlek, at tak hinelokhoma lalok werekma hinileken 'bikha lugun o. Nane yokhisigi iti eberek dogono o,” iluk yogeisasikhemo,

Markus 12:26

Akhuni watlatlukmo Allah nen inilugurinabigin, iluk wene Musa nen holal waganhikhe meke etnogo etaga thalhidek welagap nogo? At Musa o 'beroat erloma lageikhesikmo, Allah nen men yogokhikhe, Abraham inom, Ishak inom, Yakub inom, inopase Allah anat o, iluk yogokhikhemo holal waganhikhe meke etnogo etaga thalhidek welagap nogo? Etaga thalhethebat o.

Markus 16:19

Wene itithogon arat yogeisasikhemo, at Allah nen Yesus ebe pogot oba wolok dageisikhe. Itithogon wolok dageisikhemo alilu iki ebeke kok hurek welagarek.

Lukas 10:4

Nen, hit he, uang su akla ukharlek meke inom, yi meke ti meke wokhisugunem su ukharlogo wolok lausak meke inom, sepatu ageikhe su ukharlogo inom, ageikhe motok wolok lagup o. Nen, holagarlem laga dogolik, akhuni aperek hinane abirogon heagei warinabik lagup o.

Yohanes 13:1

Nen, hubenke pesta Paskah etnogo nuogoluk dogolik, at Yesus nen, o agat oba yoma thogotdiluk opase baga apuke dageigin etnogo arat horok asi ageikhemo ilu welageikhe. Nen, at ekaerek agarumi agat oba meke etaiken hunik motok welageikhesik nen, yabokane inebe a'it ageidegat ilugun hurli baga etaiken hunik motogat welageikhe.

Yohanes 13:3

Itithogon akla kagalhikhemo, at Yesus akla nen, “Nopase nen yi meke ti meke tha'bokhogonat an niki baga 'bisikhemo werek apigi. Nen, an nebe Allah werekma nen usa'agagisik, yabokane napuke at obaat dageigin apigi,” iluk ilu welageikheat.

Yohanes 14:2

An nopase aila etoma, o hit dogoumo oboluk doalegat thelek werek o. Itithogon dek dogolepma, an o hit dogoumo kareli ligin, iluk yokhisele dek o.

Yohanes 14:28

An ligin mekeat he, yabokane napuke hinoba wisigin o, iluk yokhisigi etnogo arat hinasuk holhep apigi. An nebe hinetaiken hunik dogolepma, an nopase ebe kogat, nen, an nebe erlok dek iti nen he, an nopase oba ligin iti hasik hinakla arleken akhelep o.

Yohanes 14:6

at Yesus nen, men yogokhikhe, “Holak inom, ebe wene inom, inilugurinakherek inom, iti an nebeat o. At tha nen an noba wageidek halok, nopase werekma ukusak motok erlok dek o,” iluk yogokhikhesik,

Yohanes 16:28

An nebe Allah werekma nen akhuni agat oba meke inoba usa'agagi mekeat, yogotak it agat oba yoma 'bisalok nopase oba napuke dageigin o,” iluk yogeisasikhemo,

Yohanes 17:11

Yogotak an nen, agat oba yoma erapik dogogin dek o. Hat 'bikheasigin mekeat he, it anek, agat oba yoma dogogun o. Hat weak hagakhidek karelek motok welagatek meke, nopase. Nit nipisak ninebe opakiat welagorek etnogo hak, it itithogonat inebe opakiat dogoak nen, hat hetaga kok meke an thalnakhigin iti baga, it hagasik dogono o, nopase.

Yohanes 17:25

Allah mothogon anek hagakhetek meke, nopase. It akhuni agat oba meke hat hebe inokodek mekeat, an anek, hat nilu o. Nen, it hat nen woknikhigin meke anek, At nen la'i ageikhe iluk, iniluat o.

Yohanes 17:5

Nopase. Agat aban walhigidek dogolik, nipisagat kok welagagu etnogo meke, yogotak hat werekma etoma kogotdanino.

Yohanes 20:27

yabokane at Tomas men yogokhikhe, “Hat hakla nen eberogonat iluk hetaiken noba hakotdigidek welagan itithogon dogogun o. Eberogonat iluk hakla apanok nen he, hiki haknealok, niki baga hileken niigik, nabelekenma thege elo hiki kola'igik, hagatluk nen, hetaiken noba hakotdino o,” iluk yogokhikhe.

Yohanes 7:33

Itithogon isi korlek, at Yesus nen men yogeisasikhe, “An we, elanma hasik niki pererlagat ninom dogoluk nen, at la'ani ageikhe meke etnogo oba napuke arat ligin o.

Roma 8:29

Haganeat, at Allah nen nit ninebe ilu dogolik, at a'but hakene asuagaluk wenakninakhikhe. At Yesus ebe makusa meke, agarumi doalegat at inom dogoagaluk wenakninakhikhe iti.

2 Korintus 6:18

An hit hinopaseat dogogin o. Nen, hit an na'buriat dogogun o, iluk ninopase Etagapogot yi meke ti meke hagasusak anek etnogo nen isikhemo,” iluk holal waganogo 'bisukha.

Galatia 3:26

Hit hinetaiken Kristus Yesus oba hakotdiluk welagap iti nen hinebe tha'bokhogonat Allah a'buri welagap iti.

Ibrani 11:16

It ebekhe lagoukha iti, inai ebe hano motok pogot oba meke hasik warlok apekhe lagoukha iti nen, Allah nen it inobasik inai arat karelogo 'bisasikhemo nogo nen he, at nen, “An it inopase,” iluk ekarli degat ekherek iti o.

Ibrani 8:10

Yabokane akhuni Israel wene ket meke warogo woginabigin iluk igi iti, ebe yiat. An nen wene inasuk wakherek meke iti inakla eberek motok dogoagaluk, wogeisigik, inetaikenma holal waganogo 'bisigik, hagatluk nen, an it inopase dogogin. Nen, it an na'buriat dogogun o.

1 Petrus 1:3

Ninoe Etagapogot Yesus Kristus opase Allah etnogoat hogorakhe dogouok. At Allah ninebe akmu motok nen, Yesus Kristus watlageikhesikmo nen ilugutdisikhe iti baga nit ninilugutninakhikhe iti. Ninilugutninakhikhemo dogolik, ninakla nen he, “At nen, yabokane hanothinabigin, isikhe iti tagan-hagan asigin dek,” iluk ninakla arleken akhekhe lago.

1 Yohanes 3:2

Nagarlak lak nerugi, nakmu lak o. Yogotak nit ninebe Allah a'buri welago meke re, yabokane ninebe dogogun meke thelekma ageidek aban limago werek o. Itithogonat meke re, nit ninilu re, Yesus ebe yogotak werek meke ninileken hutukhogon hugun iti nen, at wisigin itinem ebe wagunem, nit ninebe at ebe werek iti hagat, hagatlasugun o.

A'bikaka 21:3

Itithogon higirik oba nen, yabokane nasuk holhi meke, at kok welagarekma obolukmo etnogo nen, at ageikhe ane kokhogon ekhe dogolik, “Lakhani! Allah akhuni inom motok dogogin meke, ai ili lakhani! Itithogon dogolik, it at a'buriat dogogun, nen, at Allah it inopase inetaiken at oba hakotdiluk dogogun mekeat dogolik, inom motok dogogun o.

A'bikaka 21:7

At tha nen obatne asigin meke halok, wene tha'bokhogonat igi iti, at iteerek dogogin o. Itithogon iteerek dogolik, an Allah at opase noba hakotdiluk dogogin mekeat dogogin, nen, at an na'burat dogogin o.