Yohanes 20:16 - ALLAH ANE WENW KET MEKE WAROGO WOKNINAKHIKHE WENE

¹⁶ at Yesus nen yogokhe dogolik, “He Maria,” iluk yogokhunem, Maria elokhoken dagakhogon Yesus wogotluk, nit ninane baga, “Guru noe,” u hak, it Ibrani meke inane baga, “Rabuni,” iluk heagei wakhikhe.

Yohanes 20:16 ပူးပေါင်းရင်းမြစ်များ

Matius 14:27

Itithogon isukhama, at Yesus nen he, “Hinagot akma. Nagarumi. An nebeat waga lagei. Halok he, hinayuk agup o,” iluk yogeisasikhemo,

Markus 10:51

Wageikhemo, at nen men yogokhikhe, “An nen nikithogon hagathabuagaluk yoknekhen,” iluk hinok waganhikhemo ap ileken puk meke etnogo nen men yogokhikhe, “Noe. Nileken hano hagatnabinogoluk yokhikhi o,” iluk yogokhikhemo,

Lukas 10:41

at Yesus nen, men yogokhikhe, “Marta, Marta. Hat nen, yi meke ti meke hasik helabut hisogo thet weak hagakhe lagan higi.

Yohanes 1:38

Itithogon oporlik lagunem, Yesus nen ileken dagakhogon 'birisekhe dogolik, men yogeisasikhe, “Nagarumi. Hit nena meke herarik wagap,” iluk yogeisasikhemo, it nen, nit ninane baga, “Wene yakulnisegetek meke noe,” iluk u hak, inane baga, “Rabi noe. Hat hai o koma welagatek meke,” iluk yogokhukhama,

Yohanes 1:49

at Natanael nen, men yogokhikhe, “Noe. Allah a'but nit Israel meke ninoe kok Hetagapogot harat hiigi o,” iluk yogokhikhe.

Yohanes 10:3

At domba iteerek dogolik therogo welagarek meke iti, ebe waga halok, at ageikhe domba aila holagape palekma thuam welagarek meke nen thu hualdisinem, at domba iteerek etnogo nen ane hageisasinem, it domba nen, at ane inasuk holharethekma nogo nen, inetaga dopok waisalok, wogosik itikmanke dukhekherek o.

Yohanes 11:28

Itithogon yogotluk, Marta nen oe Maria wasi lageikhemo asokneat wageikhemo nen, men yogokhikhe, “Ninoe wene yakulnisiliogo meke etnogo ebe wagasik horok yoma dogolik wahiriogo,” iluk ane hok-hokhogon yogokhikhe.

Yohanes 13:13

Nen, hit nen an yoknekhe dogolik, Ninoe Etagapogot wene yakulnisekherek meke, iluk yoknekhe lagap iti, an nebe hinoe Netagapogot wene yakulhisegerek meke eberogonat halogat ekhe lagap o.

Yohanes 20:28

Itithogon yogokhikhemo, at Tomas nen, “Eiye! Noe, hebe Hetagapogot Allah at hiigi o,” iluk yogokhikhemo,

Yohanes 3:2

Nen, ap iti o hibako iniki ageikhe baga Yesus oba wageikhesik nen, men yogokhikhe, “Noe. Ap ageikhe Allah ipisak hunik dek halok he, hat nen elalin meke hagarik nekhe lagan iti hak, hagasusak motok erlok dek. Iti nen, hat nen wene yakulnisoagaluk Allah nen la'agei agama wagan iluk ninilu aga,” iluk yogokhikhe.

Yohanes 5:2

O Yerusalem etoma, leget horlako leget ape palekma ageikhe etaga Domba Agolak egarek meke horok horok etoma i yekelek kolam ineramen hulelogo 'bisukhama ageikhe, it Ibrani meke inane baga etaga Betesda egarek meke yekelek welageikhe. I yekelek kolam iti aik obake etoma dagak-dagak, orlisa 5 oba hano halek werekma,

Yohanes 6:25

It akhuni emenogo itali agoukhasik, at Yesus o Kapernaum werekma oba wagoukhasik nen, men yogokhukha, “Noe. Hat o yoma mera wagan,” iluk oba hinok wokhasukhama

La'isasikhe 10:3

Itithogon isi motok dogolik, iki ageikhe baga, o mo korok i laga korlek, jam 3 hakene, a'bikaka men hasikhe. Malaikat Allah nen yoko usa'isa agarek meke emenogo ageikhe usa'ageikhesik Kornelius oba ukisikhesik nen, “Kornelius,” iluk anek hakhasikhe.

La'isasikhe 9:4

Yasi usa'agunem, at Saulus etnogo agat oba elokhoken thogoumhogo wilasi usasikhe. Usasinem, ane ka nen heat yogokhe dogolik, “Saulus. Saulus. Anat yi aik ti aik hagatnabigiluk muknarik nekhe lagan iti nenaluk?” iluk yogokhikhe.