Yohanes 2:6 - ALLAH ANE WENW KET MEKE WAROGO WOKNINAKHIKHE WENE

⁶ It akhuni Yahudi meke nen haganeat etoma nenat hagakhe dogolik, yi meke ti meke men, inoba men, thobalogo anek hagakharek meke hasik isoak helekit meke herlelek koktek meke ebe 6 oba etoma 'bisukhama welageikhe. Isoak koktek dorom hakene iti ebe dopok akla i 100 liter hakene henasusak erlok welageikhe.

Yohanes 2:6 ပူးပေါင်းရင်းမြစ်များ

Lukas 16:6

at ap etnogo nen, Minyak goreng apusu isoak kok meke ebe 100 oba henago nomat noba palek werek o, iluk yogokhikhemo at nen men yogokhikhe, Nomat hoba palek iti hasik he, holal waganek yi waganiluk nen, yabokane holal ket meke ageikhe waganhe dogolik, 50 oba henago meke nomat noba palek werek, iluk holal ibat waganin o, iluk itihtogon yogotluk nen,

Yohanes 2:7

Itithogon werekma, at Yesus nen it inatuaneke emenogo yogeisekhe dogolik, men yogeisasikhe, “Isoak koktek dorom hakene ethoma baga i henatni o,” iluk yogeisasikhemo, apem hethokhigik henakhukha.

Yohanes 3:25

Itithogon ima usa'isasi werekma, at Yohanes agarumi ane waganhe lagoukha meke inom, it ap Yahudi meke aperek inom, it akhuni Yahudi meke nen yi meke ti meke thobalogo anek hagakharethekma nogo nen, wene iti hasik wene doalegat palhe lagoukha.

Efesus 5:26

At Kristus nen itithogon hagakhikhe iti, nit Allah a'buri tha'bokhogonat ninebe ninoba nino'ban dek, ninoado hurarlo dek, hano dogou hak, at il oba ukum ninoba dek, hano motok karelek dogoagaluk, ninebe ima usa'inanhunem, at ane etnogo baga, thobalogo 'binaniluk, at ekaerek hasik bakhagaluk ebe watlageikhe iti o.

Ibrani 10:22

At ebe etoma werekma, nit ninakla nen, “Nit weak hagakho,” iluk ninakla wene munini ebekhorek meke hano hotninakhik, ninoado baga i elokhoken hano meke baga thobalninakhik, hagakhikhe iti nen, ninetaiken opakiat at oba hakotdiluk ninayuk dekhogon, at oba horokhogon ukekhe dogouok o.

Ibrani 6:2

Ima usegarek wene iti yakulhik, inukuloak thebelharek wene iti yakulhik, watlatlukmo Allah nen ninilugutninabigin wene iti yakulhik, ilugun oba ukum ninoba 'bigik, kokhik, hagakhunem motok-motok dogogun wene iti yakulhik, hagakhugu meke iti ninane abel dagakhogon yabokane yakuluok degat o.

Ibrani 9:19

Allah nen, “Yigithogon hagasusak, tigithogon hagasusak,” iluk ninasuk wakhikhe wene iti tha'bokhogonat, at Musa nen it akhuni Israel meke yogeisasikhesik nen, yabokane sapi amep inom, kambing amep inom, i inom dapukhogon 'biluk nen, domba isi elokhoken mep hakene meke thukhat ilugun oba horlokhogon 'biluk, musan eka mep wakharek iti hak, mep warogo Allah nen wene ninasuk wakhikhe wene holal waganek iti baga watdigik, akhuni Israel meke inobake hisathigik, watdisigik, hagakhikhe.