Yohanes 2:5 - ALLAH ANE WENW KET MEKE WAROGO WOKNINAKHIKHE WENE

⁵ Itithogon yogokhikhe meke re, at agosa nen, at iteerek inatuaneke emenogo men yogeisasikhe, “At nen, Yigithogon hagatni, ekhe halok he, at igin meke itiat hagatno, nerugi,” iluk yogeisasikhe.

Yohanes 2:5 ပူးပေါင်းရင်းမြစ်များ

Matius 12:46

At Yesus akhuni doalegat inom dogolik wene yogeisekho werekma, at agosa inom, agarumi inom, wene yogosuogoluk oba wagoukhasik nen, okutlu welagoukha.

Yohanes 15:14

Nen, an nen, hinasuk warogo, Yigithogon hagatno, tigithogon hagatno, iluk yokhisekhe lagei meke iti, nane hologo hagakhe dogogun halok he, hit an nagarlak lagat o.

La'isasikhe 9:6

Hebe melatluk nen, o kota ithi lalok ukino. Ukisinem ap ageikhe nen, Hat itithogon hagatno, iluk yokhesigin meke werek o,” iluk yogokhunem,

Ibrani 11:8

Ap Abraham meneke, Allah nen ayoko 'biluk, “Hat o ageikhe ite dogonogoluk wokhisik nen, lano,” iluk abok yogokhikhemo, at nen he, “Wene iti eberogonat,” iluk etaiken Allah oba hakotdiluk o koma ligin heat okodek dogoligat wageikhe.

Ibrani 5:9

Itithogon yakulhe dogolik, ilugun arat kobokhogon hagakhikhemo, nit at ane hologo dogogun meke ninebe tha'bokhogonat niniluk motok-motok dogoagaluk at ebe tilninakhikhe meke erlo arat hagarogo 'bisikhe iti.