Yohanes 2:4 - ALLAH ANE WENW KET MEKE WAROGO WOKNINAKHIKHE WENE

⁴ Itithogon yogokhikhemo, at Yesus nen, men yogokhikhe, “Nagosa o. An nen hagasusak oba aban horok asi ageidek werek korlek, hat nen an nenaluk yoknekhen,” iluk yogokhikhe.

Yohanes 2:4 ပူးပေါင်းရင်းမြစ်များ

Matius 15:28

Itithogon yogokhikhemo, at Yesus nen, “He yi neru o. Hat nen, At nen hagasigin, iluk hetaiken noba motok hakotdegen iti nen, hakla apegen iti tak-tagat hagathisigin o,” iluk isi korlek eranogoat, eak etnogo hano ageikhe.

Matius 8:29

inane kokhogonat, men yogokhukha, “Hat Allah a'but yi. Hat nen, nit nikithogon hagatninabigiluk wagan. Nit ninasusak oba aban werek korlegat, hat tak ninasigiluk wagan yoma re!” iluk yogokhukha.

Lukas 2:49

at Yesus nen, “Hit an heraknabik nekhe lagap nenaluk. An nopase ai halekma dogosak iluk hinokodek a?” iluk yogeisasikhe meke re,

Yohanes 12:23

Itithogon yogosi lagoukhama, at Yesus nen, men yogeisasikhe, “An abat itaklasi agagi etnogo, nebe hogotnabugun oba arat asi aga o.

Yohanes 13:1

Nen, hubenke pesta Paskah etnogo nuogoluk dogolik, at Yesus nen, o agat oba yoma thogotdiluk opase baga apuke dageigin etnogo arat horok asi ageikhemo ilu welageikhe. Nen, at ekaerek agarumi agat oba meke etaiken hunik motok welageikhesik nen, yabokane inebe a'it ageidegat ilugun hurli baga etaiken hunik motogat welageikhe.

Yohanes 2:3

Lagoukhasik werekma, anggur eken apusu herelek meke tha'bokhogonat dek ageikhemo, Yesus agosa nen men yogokhikhe, “It anggur eken apusu herelek meke dek agama werek o,” iluk yogokhikhe.

Yohanes 20:13

Itithogon hisasikhemo, it nen men yogokhukha, “He yi neru o. Hat nenaluk de aga lagan,” iluk ugun apasukha, at Maria nen, men yogeisasikhe, “An noe Etagapogot warek akhuni nen wolok o koma 'bi lageikhama heat, an nokodek nen de aga lagei o, nerugi,” iluk yogeisasikhesik nen,

Yohanes 20:15

Hutdigidek werekma, at Yesus nen men yogokhikhe, “He yi neru o. Hat nenaluk de aga lagan. Nen, hat tha herakhe lagan,” iluk yogokhikhemo, he Maria akla nen, “Ap yi yabu therogo welagarek meke higi,” iluk akla apasikhe. Itithogon akla apasikhesik men yogokhikhe, “Noe. At ebe warek hat nen waganhetik wolok werlekmake 'bi laganma halok he, ebe o koma 'bi laganma. An wagani lak nen, yoknom o,” iluk yogosigin apasikhe,

Yohanes 7:30

it akhuni nen Yesus ebe hakhauwogoluk hagakhukha mekeat he, at ebe hakhausak oba arat mot asi ageidek iti nen, ebe iniki hakhigidek kamotdisukha.

Yohanes 7:6

Itithogon yogokhukhama, at Yesus nen men yogeisasikhe, “O hibiku-yogoku hit nen hagasusak meke, erlok werek meke re, an nen hagasusak oba hakok i ageidek aban werek o.

Yohanes 7:8

ageikhe men yogeisasikhe, “An hagasusak oba aban werek iti nen, pesta hagasugun iti hagakhunem yogotak yaat usagein dek o. Hit anek usekhe dogoni o,”

Yohanes 8:20

Wene itithogon yogeisasikhe iti, at ebe Allah ai halekma peti uang Allah hasik 'bisegarekma alilu dogolik isikhe. Itithogon isinem, at ebe hakhausak oba aban asi ageidek werek korlek nogo nen, it akhuni emenogo ageikhe nen hakhigidek tha'bokhogonat kamotdisukha.

2 Korintus 5:16

Itithogon nit nen hurli yogotak ya hurli nen, akhuni nen inobabut palharek hak, it akhuni aperek inobabut itithogon palhe lago dek o. Nen, alebageik Kristus obabut itithogon palhugu hak, yabokane itithogon palhe lago dek o.